藝術文創生活共融好去處！澳門互動打卡沉浸式藝術體驗IN美獅美高梅
人人外出旅遊之際，原來近近地都有大型藝術展睇！講緊就係澳門大型國際文化藝術盛會「藝文薈澳：澳門國際藝術雙年展2023」，當中美獅美高梅更帶來兩大令人讚歎嘅藝術大展，包括由葡萄牙當代藝術家瓊安娜‧瓦思康絲勒（Joana Vasconcelos）與巴黎迪奧攜手打造嘅大型藝術裝置《瓦爾基麗迪奧小姐》（Valkyrie Miss Dior）及運用「藝術—科技—娛樂」三重概念打造嘅《超元．萬象：蕭勤的藝術》特展，保證令你大開眼界！
女武神降臨於美高梅
出自葡萄牙當代藝術家瓊安娜‧瓦思康絲勒（Joana Vasconcelos）手筆嘅最新大型裝置藝術《瓦爾基麗迪奧小姐》（Valkyrie Miss Dior），係繼迪奧2023秋冬系列巴黎及深圳秀場中首度亮相後，首度去到澳門美獅美高梅向公眾展出，呢個仲係「藝文薈澳：澳門國際藝術雙年展2023」嘅平行藝術展，無論係工藝定細節均屬滿分，非常精彩！
Photo credit: “Artwork produced in collaboration with Dior, Paris”
《瓦爾基麗迪奧小姐》靈感源自北歐神話中一位堅強、勇敢、銳氣嘅女武神—瓦爾基麗（Valkyrie），以歌頌強大又英勇嘅女性形象。而呢一個系列嘅裝置藝術都融合咗縫紉、針織及鈎編等精巧工藝，加埋色彩斑爛、充滿光影動感嘅視覺效果，以及標誌性嘅觸鬚元素，令人目不暇給！
Photo credit: “Artwork produced in collaboration with Dior, Paris”
今次嘅大型作品長24米、高7米，並以品牌典藏的花卉面料為靈感，當中運用咗品牌秋冬系列超過20種唔同面料，並以針織、蕾絲、刺繡及鈎編合製而成，巧妙地串連起唔同嘅地方、時代同文化，多面向呈現獨立女性之美。作品好似自由舞動嘅姿態，與美獅美高梅廣場嘅上空完美融合，帶來非一般嘅壯觀視覺效果，就好似令你走進奇幻世界，沉浸式同作品互動打卡，夜晚喺燈光效果下更顯瑰麗！
沉浸式互動 從現實空間走進藝術世界
另一重量級藝術作品就係現代華人抽象藝術大師蕭勤嘅《超元．萬象》特展，帶領觀眾進入「藝術—科技—娛樂」三位一體嘅非一般沉浸式體驗。特展以「PUNTO（龐圖）」圓點作為中國傳統文化及藝術之初心出發，以「8」字為佈局，蘊含「無限∞」之意，超元呈現生生不息嘅藝術能量同生命力！當中除左蕭勤60幾年中西藝術生涯嘅真跡，更有佢首件數位雕塑裝置，全景式宇宙景觀藝術影片、虛擬現實藝術等多件近年難得一見嘅鉅作。
特展由八個展區構成，由生命之圓出發、走入太空船艙, 到登上高台黎一趟巨幕LED太空旅行，又或者體驗創作數字藝術，豐富又精彩炫目，好多個可以互動嘅藝術區域，一家大細都啱玩！更可啟發大眾嘅思考同共鳴。
蕭勤被譽為過去60年來最重要的中國藝術家之一，今次特展以「PUNTO（龐圖）」探索生命之圓，貫徹個人藝術風格之外，亦糅合禪、道等中國傳統哲學精萃，與西方抽象藝術合二為一。而蕭勤藝術生涯中最大尺幅作品《光之躍動2016》、《往永久的花園-10》、《神光-10》等亦會於今次特展中首度發表。博物館級別嘅66件真跡薈聚於澳，絕對係一場不能錯過嘅藝術盛宴。
美高梅再次攜手知名裝置藝術家 呈現世界級藝術傑作
美高梅一直與眾多藝術家合作，早喺2015年就已委託瓦思康絲勒為澳門天幕廣場量身定製藝術裝置《八面靈龍（Valkyries Octopus）》。而今次，美高梅除咗帶來兩大精彩藝術展覽，亦喺「澳門藝術雙年展」中嘅「本地藝術家邀請展」委託合作無間嘅本地藝術家霍凱盛，創作全新大型針筆紙本繪畫作品《文藝復興》。畫作以文藝復興與大航海時代為出發點，鑽探人類文明進程中東西文化、知識間之相互影響與交融，並探索「命運的統計學」中科學及信仰嘅相遇，以藝術融入生活，引發想像。
如果你都對藝術展同文化創意有興趣，就記得Bookmark日子同時間，約埋朋友齊齊去美高梅親身體驗同打卡，唔好過錯啦！
《超元．萬象：蕭勤的藝術》特展
地點：澳門路氹美獅美高梅—美高梅劇院
日期：即日起至9月24日
時間：中午12時至晚上9時（最後入場晚上8時30分）
費用：免費（入場前需預先登記 - LINK）
《瓦爾基麗迪奧小姐》
地點：澳門路氹美獅美高梅—視博廣場
日期：即日起至10月8日
費用：全免
時間：24小時開放
另外，美高梅更以《瓦爾基麗迪奧小姐》當中嘅花卉元素及經典色調製作出限定主題主題下午茶，除咗有注入藝術巧思嘅精緻鹹甜茶點，仲有「Azure Valkyrie」雞尾酒同「Amber Flower」無酒精特調，讓你品味一場時尚與藝術兼備嘅感官之旅！黄昏時間仲有期間限定小食拼盤，包括多款精緻法式伴酌小食，畀你同摰友邊歎美酒，邊欣賞《瓦爾基麗迪奧小姐》晚上嘅燈光美學，極盡寫意！
供應日期：8月28日至10月8日
地點：澳門路氹美獅美高梅—視博茶點
預訂電話：(853) 8806 2338
（資訊由客戶提供）
-
吹水
專業活動攝影，即日交相！📸
VW Production ｢即日交相｣package🔥幫到你 ✅前期拍攝溝通 ✅現場多角度拍攝 ✅即日雲端交相 關於我們 *VW Production* 🔹*1,000+ 場活動經驗* 累積服務超過 1,000 場各類型活動,涵蓋企業活動､產品發表會､運動賽事､論壇講座､公益活動等,熟悉各類活動節奏與拍攝要點｡ 🔹*攝影師5-10年專業製作經驗* 團隊具備五年以上實戰經驗,全職專業攝影師,確保每一場拍攝都維持穩定品質｡ 🔹*服務眾多大型機構及知名企業* 團隊曾為 東華三院､香港中文大學､香港理工大學､香港亞洲獅子會､康樂及文化事務署 等大型機構提供活動拍攝服務,深獲信賴｡ 🔸精選作品集:www.vw-production.com 活動拍攝 & 影片製作查詢👇🏻 📩email: contact@vw-production.com 📱whatsapp: 5930 2810 #eventphotography#photographer#活動攝影#攝影師
閱讀更多
-
韓國攻略
仁川
仁川松島 G-Tower🌃🌁 俯瞰全景
要俯瞰松島全景的熱門地標, 一定要來仁川松島 G-Tower(G塔)的33樓! 這裡設有 IFEZ 宣傳館與免費觀景台🌃 🌁景點亮點 • 360度全景視野:可俯瞰松島中央公園(Songdo Central Park)､高樓大廈群､韓屋村､遠方的仁川大橋以及西海海景｡ • 免費參觀:33樓宣傳館與觀景台不需門票,免費對外開放｡ • 影視取景地:韓劇《太陽的後裔》曾在此取景,劇中著名的｢南北韓會談｣場景即是在 G-Tower 拍攝｡ 📍地址:仁川廣域市延壽區藝術中心大路175 (175 Art center-daero, Yeonsu-gu, Incheon) 🚇交通方式:搭乘仁川地鐵1號線至中央公園站(Central Park Station)3號出口,步行約750公尺即可抵達｡ 🕖 • 開放時間: • 33樓觀景台/宣傳館: • 平日(週一至週五):10:00 – 20:00 • 週末與國定假日:10:00 – 18:00 • 逢星期一休館(部分資訊指週一休息,建議出發前留意官方公告) 💰 門票:免費 #仁川景點#松島G-Tower#松島觀景台#仁川#韓國#韓國旅行
閱讀更多
-
香港攻略
莆田
原來莆田今天踏入26週年啦🥳 店員更送上辣媽醬,慶祝26周年晚市活動! 聽店員說去到10月31日晚市用餐就有啦 點選鰻魚孖寶組合 $298 超抵 普寧豆醬焗活鰻魚 選用出口日本鰻魚,豆醬香味俱全,鰻魚肉質口感惹味 加配 脆皮蒜香雞 (半隻) 另甜品 榴槤撞奶 新品有驚喜 探用馬來西亞榴槤,榴槤控大愛
閱讀更多
港生活人氣好去處
↓【Chill賞芝麻祭🎁】送您驚喜黑芝麻獎賞✨↓
↓ 一連5星期！約定您一齊捕捉限時搶‼️↓
↓【請您睇戲🎞️】《哥斯拉-0.0》優先場！↓
>登記拎飛！入場仲有驚喜禮物🎁<
U GO 本週好去處
