澳門新濠影滙W酒店開幕 | 趣遊澳門 4 大新玩法！恆溫水上樂園 / 親子遊樂場 / 豪食 / Spa

文: a.Ki

2023.09.22

等咗咁耐，萬眾期待的澳門W酒店已經正式開幕！除咗約定旅遊腳準備訂房，不妨都睇睇其他4大玩法！

鍾意刺激的有全天候恆溫玩水樂園；歷奇一族可以挑戰全澳最獨特室內遊樂場 - 滿紛樂園同全球最高8字形摩天輪；至於識飲識食嘅你，當然不可錯過新登場的精緻日本料理瀛菊、米芝蓮一星粵菜食府玥龍軒等，不論你是何種旅人，都一定啱玩！而家仲出咗水上樂園住宿套票，$1,499起就可玩盡澳門2日1夜，過百元消費禮遇同埋房間升級！

出發前記得join埋 #免費入會的「新濠風尚」會員，除咗精選餐廳及娛樂門票可享9折，買水上樂園門票仲有買3送1優惠，再額外送MOP$240水上樂園餐飲消費額！

穿梭新濠影滙玩轉全新時空

於4月作首階段開放的有澳門首個室內全天候水上樂園，以及自家品牌酒店映星滙；如今萬眾矚目的澳門新濠影滙W酒店現已盛大開幕，外牆建築由傳奇建築事務所Zaha Hadid Architects操刀設計，招牌式幾何形狀配上裝飾藝術（Art Deco）風格，到時一定要打卡！

至於內部設計，從近日流出的宣傳照來看，澳門新濠影滙W酒店將貫徹品牌一向的前衛風格，色調為高貴有型的藍綠色；據知設施方面，酒店將提供557間時尚客房，當中包括127間套房，每一位賓客皆可享有W品牌精髓：隨時/隨需TM (Whatever/Whenever™)服務，並可樂享AWAY®水療中心、FIT 健身館及WET 室內恒溫泳池等康體設施，配置頂尖設施的ACADEMY多功能會議廳。更設有著名的標誌性大堂酒吧「潮堂」、國際餐廳「津津」，位於頂層的「嬅」及特色酒吧Blind Tiger，將為賓客提供各式美酒、澳門特色靈感佳餚，以及大中華地區首間W音效套房！

刺激之最 | 全天候恆溫室內水上樂園

立即訂房住新酒店之外，記得預留時間玩埋其他新玩意。新濠影滙室內水上樂園，太空主題猶如走入火星，設施新穎，加上全天候恆溫，即使天氣轉涼亦無有怕，全年恆溫30度，一大班人可以繼續瘋狂玩水！

室內水上樂園共有16個遊樂設施，連埋擁有4大主題區的戶外園區，組成佔地約26,000平方米的全澳門最大水上樂園。場內三大明星玩意：全長300米、設有水力推動器的水上過山車「光速飛車」、如墮進太空蟲洞的夢幻水滑梯「迷失黑洞」，以及超打卡的懸浮半空透明泳池「天際星空池」，是人人必影的招牌打卡位！場內仲有驚心設施如15米高的太空艙滑水梯「極限逃生艙」、與Friend子一同鬥快的雙滑水道「時空競賽」和將玩家盪來盪去的360度蛇形滑道「星環激盪」等；另亦有一家大細都適合的太空控制台、火星造浪池和全長246米的「星空激流」，玩足一日話咁易！

歷險之最 |全澳最Fun 四層遊樂場 - 滿紛樂園

新濠影滙玩樂設施聚多，除了水上樂園，還有佔地4層的滿紛樂園，不論任何年齡都啱玩，絕對是澳門最特別的室內遊樂場之一！這個可同時容納500人的樂園，分為海底、山岩、叢林、外太空和太空站五大區域，內有滑梯、波波池、自由落體機動遊戲、繩索堡壘、攀岩、樹屋、小汽車競賽和巨大彈彈網等設施，另還設有3間派對房，搞生日Party都得。

當中3大人氣設施包括5米高的「浪花彈彈塔」，是專門供小朋友玩的自由落體機動遊戲，喜歡刺激的小朋友玩到瘋狂大笑！另一焦點設施絕對是位於山岩主題區的「猴子繩堡」，這個大型繩索障礙堡壘，讓小小挑戰者在13個台階和17項不同障礙中挑戰身手；還有樓高兩層的「太空彈彈網」，大小朋友可走進懸掛半空的彈彈網，在當中任意彈跳遊走、飛躍攀爬，就如置身無重狀態的外太空一樣！

說到歷奇玩意，當然不得不提全球最高的8字形摩天輪「影滙之星」，走進這個新濠影滙地標，乘坐復古科幻的觀景包廂，直上130米高空，俯瞰澳門景致。

於摩天輪上，還可以歎期間限定的B.DUCK下午茶！名為「CHILL DUCK甜夢朱古力」的全新B.DUCK摩天輪下午茶，讓你坐進B.DUCK主題車廂、攬住可愛B.DUCK大公仔品嘗由法國餅廚製作的超DUCK意造型甜點！每個車廂可坐4人，約齊好姊妹一齊去，一小時KO下午茶set無難度！(活動日期：9月22-24日；10月6-8、 13-15、20-22、27-29日)

美食之最 | 極上 Omakase / 連續8年米芝蓮一星粵菜 / 家庭式意菜

至於一眾Foodie，亦絕對有前往的新濠影滙的理由，不過出發前記得登記免費入會的新濠風尚會員，歎美食時隨時可享會員9折優惠！新濠影滙眾多美食點中，最矚目的一定是和澳門新濠影滙W酒店一同全新登場的瀛菊，主打視覺味覺同樣精緻的日本料理，以產地直送的水產、頂級和牛，甚至空運過來的活海鮮，打造極上和食體驗。除了究極的厨師發辦Omakase，也設有壽司吧、鐵板燒和爐端燒等，讓你領略日本料理中「不時不食」的精粹。

新濠影滙餐飲選擇超多，亞洲美食、日式拉麵、美式餐室、自助餐、歐陸甜點與輕食應有儘有。自問識飲識食的，記得抽時間到訪連續8年榮獲米芝蓮一星殊榮的「玥龍軒」，主打雍雅高貴的粵菜，除了嚴選珍饈食材，亦不時在傳統名菜加人創新巧思，更會在每個季度推出時令新菜式，每次去亦有驚喜！若想來點異國風情，一於到意大利餐廳「意滙」解饞，主打溫暖樸實的家庭式風味，食材由意大利直送，不論沙律、薄餅、意粉，抑或甜點，都帶有滿滿的意式家鄉風味，除了估得到的「薄底」薄餅、口感煙靭al dente的手工意粉，還有自家製的Burrata鮮水牛芝士，性價比極高！

Source: 澳門新濠影滙W酒店

更多真實評價

Alfa Chiu

生活

Foca - 護心戰士❣️ - 川御活心通

Foca - 護心戰士❣️ - 川御活心通高血壓是一種潛在很多健康問題的症狀❣️，我與Foca都非常着重家人的健康，定期會檢查家人們的健康狀態🫂，一般醫生通常只會用血壓藥來抑制血壓飆升的問題，根本上是治標不治本，要改善問題當然要從根源入手，為身體機能保養，達至加強自我修複，從而減少對藥物的依賴。💊 除了確保家人的日常飲食保持健康和維持規律的作息外，最近發現這款產品帶有溫和成份，包括三七、丹參、銀杏葉萃取物還有維他命e、納豆激酶素、檸檬酸鎂以及還原型CoQ10。🫀 成份控的我當然也研究了一番關於還原型CoQ10(Ubiquinol)的特殊功效，高血壓患者特別適用，有補助降血壓的能力，能有效保護血管強度，不過價錢較貴。💰 不過幸好這款產品親民，現在可以一半價錢感受還原型CoQ10啦，健康不再是奢侈品！血管而家有左保養品，個心都定啲🥰。問埋醫生個身體狀況再調整食用份量就萬無一失啦！😉 #川御活心通#心臟健康#還原型CoQ10#保健產品#護心 focabbforever FocaForever CuteFoca CuteSeal CuteAnimals Kawaii FoodPorn HongKongFood FamilyTime 可愛動物小海豹香港美食癒し溫馨健康生活 PetLovers AdorableAnimals DailyCute

閱讀更多
Dear Marine

香港攻略

Mikiki

免費入場！室內都影到超靚鬱金香花海🌷🌷

就喺｢Lazy Corgi春日農莊派對｣🐶 復活節長假期一定要嚟呢到!好似童話世界一樣🌷農莊入邊除左有花海,仲有有尾哥基化身復活兔造型,大家可以盡情同｢懶懶基｣打卡📸 🐣復活節限定!即日起至 4 月 12 日!🐰 🐶🌷場內6 大必影打卡位🌷🐶 1️⃣3.5米高巨型充氣 Lazy Corgi——換上復活兔造型,懶洋洋坐在花圃中,萌到爆燈! 2️⃣2.8 米高巨型充氣繽紛花壺——盛滿粉嫩春花,帶你走進放大版童話農莊! 3️⃣3.2 米高歐陸風田園風車——彷彿穿越到歐洲鄉村,充滿童話色彩! 4️⃣巨型充氣鬱金香——構成浪漫春日打卡裝置! 5️⃣花漾繡球小卡車——滿載夢幻綉球花,少女感即刻滿瀉! 6️⃣夢幻鬱金香花圃——猶如走進童話繪本般浪漫! 🎊3大互動遊戲, 完成三大任務仲有精美禮品! 🎊 🐣眼明手快趕雞仔回家——化身小農夫用扇子趕雞仔返屋企 🥚復活節滾蛋樂——傳統滾蛋遊戲超刺激 🐶哥基美食大挑戰——用大夾子將哥基美食夾入藤籃好玩又刺激 🐾仲有毛孩 Egg Hunt Pawty､復活蛋盆景工作坊､扭扭汽球換領等精彩活動,啱晒一家大細同埋有小毛孩嘅你哋一齊嚟放電😍 玩完仲可以去商場內的餐廳充電｡商場入面超多餐廳同遊樂設施設! 今次玩完我同Marine 仲去埋Namco 玩!呢間 Namco 超級大仲有好多新款公仔夾! 成功拎咗好戰利品返屋企🤣 📆即日起至 4 月 12 日 📍Mikiki 地下中庭A區 💳The Point 會員消費滿指定金額仲可以換領主題環保袋大家快啲帶埋小朋友同小毛孩嚟打卡啦! #mikiki#mikikimall#KaiTak#SanPoKong#啟德 #新蒲崗#LazyCorgi春日農莊派對 {{hket:campaign display="我想要麒麟櫻花禮品"}}{{/hket:campaign}}

閱讀更多
Man_lokhin.kahei

親子

西沙GO PARK

✨Go Park 玩樂日記✨

上次同表姨去西沙 Go Park,真係玩到唔捨得走!🚲🛹 我哋去咗滑板公園,呢度為滑板愛好者提供了自由練習和創造花式動作的空間｡場地寬敞安全,無論新手定高手都可以盡情享受~ 附近仲有好多其他運動設施同餐廳,玩完可以慢慢歎美食｡夜晚去咗Pizza Express 食薄餅 🍕,再歎 Bunny Churros 嘅甜品~大人小朋友個個都捧住個肚走! 呢到交通好方便,港鐵烏溪沙/大學站轉車 5–9 分鐘就到,仲有巴士､小巴同停車場,親子､朋友一齊去都好啱!💛 #GoPark#西沙好去處#滑板車#滑板#親子活動#馬鞍山#去新酒店Staycation

閱讀更多