陳慧琳澳門演唱會2023｜51歲陳慧琳身型Fit爆換足7個造型 馮德倫罕有開金口合唱掀全晚高潮！

於《陳慧琳 Season 2 演唱會 澳門站》上，Kelly為歌迷帶來自出道以來歷年金曲與近年新歌，還有連場勁歌熱舞，如：〈醉迷情人〉、〈伶仃〉、〈花花宇宙〉、〈一切很美只因有你〉、〈烈愛成灰〉等。其中表演服飾更令演唱會其中一大焦點！

+5

+4

點擊圖片放大

同場加映：【香港周圍遊】最新影片

陳慧琳於演唱會上更大方分享自己的內心世界。提及初出道時，當時的經理人Paco幫她找了神算子算一算，指紅色最旺Kelly，所以出道時她由宣傳照到出席活動，都是以紅色裝束示人，結果紅足20多年，不過Kelly表示：「其實我又唔係好信呢啲嘢，但又會諗返起，如果當年唔係著紅色，今日又輪唔輪到我企喺呢個台呢？又唔知可唔可以再企耐啲呢？」此時台下歌迷以尖叫聲回應，更瘋狂叫喊Kelly的名字，弄得Kelly最終忍不住哭起來，並說：「唔知仲可以企多幾多年呢？呢啲都係唔好諗咁多喇，自然啲啦！」然後她便再為歌迷送上〈誰願放手〉。在演唱會尾段，Kelly連續送上〈戀愛情色〉、〈不得了〉及〈不如跳舞〉三首快歌，不少歌迷也按耐不住湧到台前跟著起舞，掀起全晚高潮！

點擊圖片放大

其中一個最大驚喜，當然是特別嘉賓馮德倫驚喜現身開金口，與Kelly合唱〈北極雪〉，Stephen即表示：「我唔單只好耐冇唱過呢隻歌，我仲要係好耐冇唱過歌。」兩人身為好友於台上幽默對答引得全場觀眾大笑，及後二人再合唱〈紀念日〉。

點擊圖片放大

完場後的訪問Kelly表示今次邀得Stephen做嘉賓，也絕非易事，Kelly 透露3個月前就已經物色他擔任嘉賓，不過Stephen也考慮了一個月至答應，結果都被Kelly誠意打動。而澳門站過後，Kelly透露：「稍後會去美加，星馬等地，香港應該明年年底，呢段時間再儲多啲靚歌俾大家聽啦！」香港的歌迷記得準備好消息公佈啦！