香港迪士尼樂園全新魔雪奇緣世界 帶你遊覽阿德爾
香港迪士尼樂園魔雪奇緣世界將於11月20日開幕！相信大家都好期待去全新旅遊勝地阿德爾王國遊覽，想玩得地道，由阿德爾居民做嚮導，帶你遊覽王國11大景點導賞就最好不過，不如跟他們的介紹認識阿德爾居民日常生活、當地天然地貌風光及文化建築，一齊為慶祝「夏雪節」做準備，Happy Summer Snow Day!
text│Eunice photo│Kei 部分圖片來源：香港迪士尼樂園
阿德爾小鎮居民 11 大景點導賞
1 國王橋
國王橋是阿德爾王國的中心地，可以飽覽阿德爾的全貌及多個地標建築物，包括阿德爾城堡、小鎮鐘樓、北山及冰雪皇宮，仲有阿德爾森林。小鎮是大部分阿德爾居民生活的地方，你會留意到阿德爾王國的建築風格，受北歐不同民族文化的影響，部分建築物是不完全對稱，而色彩繽紛的尖屋頂是另一個特色。
2 友誼噴泉
要數小鎮內最有特色的地標，一定是「友誼噴泉」。噴泉是紀念安娜同愛莎之間的真愛，愛莎施展魔法將噴泉水變成雪花形狀藝術品，雪花裝飾於夜晚隨著音樂演化出不同的燈光效果。
3 阿德爾森林
阿德爾森林山上的融雪形成瀑布，流落山下峽灣，真係好似幅油畫咁靚！
4 雪嶺滑雪橇
大家來到阿德爾森林，千祈唔好錯過「雪嶺滑雪橇」，它是流浪商人奧肯為慶祝夏雪節設計而成，入去會經過他的工作枱，上面有設計雪橇初期的手稿。大家一齊坐上雪橇，飛越山丘、洞穴和峽灣，上到山頂仲可以飽覽成個王國的景色，又靚又刺激！
5 森林小天地
阿德爾森林的森林小天地以前是愛莎練習冰雪魔法的秘密小天地。為了慶祝夏雪節，愛莎特別開放給大家同樂，大家可與安娜、愛莎和小白投入嶄新、近距離互動的戲劇體驗之中。
6 森林美食站及遊牧小攤檔
阿德爾森林的「森林美食站」提供不同美食，「遊牧小攤檔」則售賣紀念品。如果大家想打扮如阿德爾居民，可於「遊牧小攤檔」享受「夏雪節」造型服務，不少設計用上阿德爾花卉圖案或者閃亮冰雪彩繪，令大家更加投入節日氣氛！
7 極光糖果屋
「極光糖果屋」的甜品和蛋糕最阿德爾受居民歡迎。店主最懷緬小時候和屋企人一邊睇極光，一邊食他親手製甜品的時光，所以特別用極光作為糖果店的主題，安娜和愛莎更是常客。
糖果師更設計不同造型的甜品，如小白雪花冬甩、朱古力蘋果魔雪球，以及招牌甜品——阿德爾雪花杯。凍冰冰的接骨木花味沙冰加上香滑牛奶味軟雪糕，藍加白似將冰雪魔法食落肚！除了甜品，極光糖果屋可以搵到一系列阿德爾家家戶戶都用的餐具和廚具，上面印有番紅花圖案，或夏雪節太陽雪花標誌，絕對是阿德爾獨有。
8 阿德爾港畔餐廳
阿德爾港畔餐廳 Golden Crocus Inn 以阿德爾皇室徽章金色番紅花而命名。餐廳正門外牆以當年愛莎加冕典禮，兩位皇室姊妹禮服顏色做配色。餐廳主要供應阿德爾嘅地道菜式，材料非常新鮮，例如港畔海鮮燴、掌櫃秘製羊膝，都是居民好鍾意食的菜色，每份餐點配上阿德爾傳統小食雪花形狀炸糖環，必定要食呀！
餐廳亦開放對面港畔碼頭的戶外用餐區，大家可以更好感受夏雪節氣氛，一邊享受港灣景色，一邊享受阿德爾美食，絕對是一大享受呀！
9 鐘樓廣場
鐘樓廣場極具標誌性的古老鐘樓，上面有一對人手雕製的安娜及愛莎木偶！時間每逢整點的時候，鐘樓會響起安娜最鍾意的歌《Do you want to build a snowman》。
10 魔雪奇幻之旅
穿過鐘樓去到另一個夏雪節慶典活動——魔雪奇幻之旅。大家到時可以坐上木船，聽著多首美妙的音樂，上阿德爾嘅最高點北山，參觀愛莎冰雪皇宮。屆時大家記得留心聽愛莎的歌聲，美妙動人。
11 滴答精品店
來阿德爾旅遊，一定要去滴答精品店買手信，它是一間過百年歷史嘅玩具禮品店，小鎮居民世世代代都會幫襯！ 因為安娜及愛莎小時候太鍾意這裡玩具，皇室專登頒發皇家認可印章予滴答精品店。精品店最值得留意是老闆親手製作的阿德爾城堡玩具屋，紀念安娜及愛莎小時候砌雪人的美好回憶。選購指定款式明信片，寫好訊息及地址放入精品店門外「阿德爾皇家郵政局」郵箱，小店會幫你寄去世界各地親朋好友。
【INFO】
魔雪奇緣世界
日期︰11月20日開幕
地點︰香港迪士尼樂園
https://www.hongkongdisneyland.com/zh-hk/
#LetItGo #WorldOfFrozen #HKDisneyland #魔雪奇緣世界 #香港迪士尼樂園 #DisneyMomentsHK
@hkdisneyland
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【U GO x apm打卡即賞📸】↓
> 免費拎超市現金券/ 贏走HK$500大禮包 <
↓【U Community 社群 送您 PARAKITO 天然驅蚊噴霧！】↓
>簡單登記領取<
U GO 本週好去處
