張繼聰與謝安琪一直都為樂壇上出名甜蜜的夫妻，兩位藝人過往都各自在音樂和電影取得不同成績，今年更有主演電影《紮職2》丶《4拍4家族》同步上映！除了演藝事業，兩位藝人於兩年前各自成立自家品牌Petrolhead 及Kaytiquette。於11月，二人更首度合作開設Petrolhead x Kaytiquette Pop-up store，一連七日期間限定舉行。
為了迎接期間限定店，張繼聰更私心邀請謝安琪加入古董車朋友團為期間限定店拍下宣傳照。Kay笑言今次烈日當空下拍攝，自己相當豁出去：「平日我工作上的拍攝都比較溫文，多數係流連咖啡店和書店，今次成個拍攝效果都比較粗獷有型，好設合阿聰嘅個性，對於我黎講都係耳目一新的體驗。但拍攝感覺又好輕鬆，因為阿聰經驗老到帶領住我，加上拍攝團隊又係阿聰的古董車朋友團，好似感覺上就係成班朋友一齊好輕鬆去郊遊，轉頭就有好多靚相，合作非常愉快！」
對於首次合作開設期間限定店，阿聰分享：「我的品牌Petrolhead一直在推介古董車文化，是屬於我們的一種生活態度，將舊物及經典文化態度發揚光大，向美麗年代的舊物致敬。而今次有Petrolhead x Kaytiquette Pop-up store的由來，當然是覺得太太的品牌Kaytiquette 一直做得很優秀，跟我們Petrolhead一樣，都透過衣服和小物，去分享她重視的價值和生活理念。」 而太太Kay回應：「阿聰佢上次個Pop-up store搞得好好，主要係我自己好羨慕，又有規模反應又好，上次嘅成功吸引咗我，覺得佢係絕對嘅理想合作伙伴，一齊去開Pop-up store。」
Kay指自己今次合作，誠意十足，自己品牌Kaytiquette特意推出新系列「Cruise with Petrolhead」，以Petrolhead為靈感和藍圖，以阿聰日常最愛穿着的啡色、藍色以及灰色為主，設計出與Petrolhead相襯的服飾，更設有同色系童裝，務求做到跨品牌情侶裝及親子裝。阿聰補充：「我覺得我地今次好為大家著想，男朋友可以嚟買Petrolhead，女朋友可以去揀Kaytiquette，一齊shopping襯曬，情侶之間即刻少樣煩惱。」至於由阿聰主理的Petrolhead亦推出了一系列新品，今季首次邀請到日本復古風畫家 Louis Design (IG: louis_design.co) 合作，為品牌創作出多幅上世紀三、四十年代風格的懷舊畫作。其中一幅「經典紳士和騎士握手圖」將會放進今季的衛衣上面，讓一件功能性的衛衣沾滿懷舊味道。
Petrolhead x Kaytiquette Pop-up store
日期：2023年11月2日至8日
時間：星期一至四 上午11時至下午8時
星期五至日 上午11時至下午9時
地點：尖沙咀海港城海運大廈展覽大堂
Petrolhead x Kaytiquette Pop-up store將於2023年11月2日至8日舉辦
Petrolhead x Kaytiquette Pop-up store將於尖沙咀海港城海運大廈展覽大堂舉辦
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
