聖誕潮玩黃埔天地 全港首個3D像素樂園 打卡兼Join工作坊
一直只能喺電影內見到Pixel世界，依家終於可以喺現實世界出現喇！嚟緊12月16日開始，黃埔天地將會喺聖誕期間，以Pixel Arts化身成「Whampoa PixelMas」，大家可以化身成像素奇兵挑戰，跨時空潮玩3大放大版經典遊戲，仲有打卡吸like嘅全港首棵3米高像素化聖誕樹PixelTree及笑哈哈PixelFun；加埋多個DIY工作坊等你參與，即刻約定班fd齊齊join！
懷舊經典遊戲佈置 解鎖隱藏角色
唔好再沉醉喺舊時回憶喇！黃埔天地今年與本地像素藝術創作團隊TEAM PIXSIMS合作，打造出全港首個以遊戲主導的3D實體互動像素樂園「Whampoa PixelMas」，邀請大家化身成像素奇兵，勇闖3大放大版遊戲關卡，沉浸喺Pixel Arts遊戲世界！即刻睇吓點闖關、解鎖唔同遊戲入面嘅隱藏角色！
第1關：考你組織力－像素方塊PixelCube
將俄羅斯方塊化身成實體版，只要玩家喺方塊池中利用不同形狀的方塊完整組成3條橫行就可以順利過關，仲可以解鎖隱藏版像素角色開心打卡，成功與否就睇你組織能力！
平時玩開都係平面方塊，變成立體後原來會增添難度，好玩指數爆燈！
第2關：睇你彩數－聖誕彈珠台PixelRoll
絕對係集體回憶中嘅不敗經典遊戲，不過今次要玩家親身落場，將巨型彈珠推入指定聖誕洞內先可以通關，點樣可以一擊即中就靠你運氣！
要成功擊入聖誕洞內，就要好好控制你強健嘅臂彎！
第3關：送你好禮－超現實禮物屋PixelMas
聖誕點可以無禮物！依家就有份超巨型禮物等緊你！只要走入驚喜禮物盒中，旋即被像素化世界包圍；大家可以體驗RPG角色扮演遊戲，完成任務仲有聖誕禮物送畀你！
喺巨型禮物盒內，大家可盡情體驗沉浸式像素版光影歷奇，而且還能與畫面互動，驚喜就由你來親自發掘吧！
2大吸Like聖誕打卡位 點影都咁繽紛
聖誕吸like是常識吧！黃埔天地另設有3米高「像素聖誕樹PixelTree」及「笑哈哈PixelFun」裝置，就好似走入經典遊戲畫面之中，每個角落都可以影出得意繽紛嘅靚相！提提各位玩家們，成功闖關後記得攞埋印章，而喺聖誕裝置打卡後分享到社交平台，都一樣可以攞得到；只要集齊4個印章，就可換領獨家限定版PixelMas禮品，為今次超時空旅程留下印記！
全港獨有3米高像素化聖誕樹及滿載開心嘅笑哈哈PixelFun，將歡樂無間斷放送。
黃埔天地 x TEAM PIXSIMS【Whampoa PixelMas】活動詳情：
日期： 12月16日至2024年1月1日(逢星期六、日及公眾假期)
時間： 下午1時至晚上7時
地點： 時尚坊MTR層
【Whampoa PixelMas】遊戲券換領詳情
日期：12月16日至2024年1月1日(逢星期六、日及公眾假期)
時間：中午12時起至下午6時30分(或換完即止)
地點：時尚坊地下禮賓處
詳情：於黃埔天地商舖以電子貨幣消費滿港幣$200或以上，憑即日單一機印發票及對應之電子貨幣付款存根/交易紀錄頁面，即可換領遊戲券乙張參與各項遊戲乙次，名額有限，額滿即止。
此外，KidzClub會員可憑200積分換領遊戲券乙張。(KidzClub會員換領地點：聚寶坊地庫禮賓處)
玩盡3大聖誕DIY 共創聖誕像素壁畫
想加倍開心，就梗係要開心Share啦~「Whampoa PixelMas」特別設置咗一幅4米寬大型雙面旋轉聖誕像素壁畫，玩家可於方塊牆壁上，發揮個人創意，將唔同色彩像素方塊，拼砌出屬於你嘅人物、圖案或文字，同大家一齊參與！指定日子更可參加3款聖誕DIY工作坊，獨創出像素藝術，大人細路都咁啱玩！
於指定日期玩家們仲可以報名參加「Pixel Art工作坊」，當中有馬賽克花磚創作「Let’s Pixel像素聖誕掌中畫工作坊」、用迷你小拼豆拼砌成可愛聖誕掛飾「Let’s Bead拼豆聖誕掛飾工作坊」，以及大人細路都鍾意嘅「Let’s Gacha聖誕扭蛋機工作坊」，為自己送上一份與別不同嘅聖誕禮物！
換領日期：12月17日至2024年1月1日（逢星期六、日及公眾假期）
換領時間：下午1時至5時（或換完即止）
換領地點：時尚坊地下禮賓處
換領詳情：於黃埔天地商舖以電子貨幣消費滿港幣$300或以上，憑即日單一機印發票及對應之電子貨幣付款存根/交易紀錄頁面，可於時尚坊地下禮賓處換領參加指定工作坊一節。每節名額有限，換完即止。
資料由客戶提供
-
吹水
專業活動攝影，即日交相！📸
VW Production ｢即日交相｣package🔥幫到你 ✅前期拍攝溝通 ✅現場多角度拍攝 ✅即日雲端交相 關於我們 *VW Production* 🔹*1,000+ 場活動經驗* 累積服務超過 1,000 場各類型活動,涵蓋企業活動､產品發表會､運動賽事､論壇講座､公益活動等,熟悉各類活動節奏與拍攝要點｡ 🔹*攝影師5-10年專業製作經驗* 團隊具備五年以上實戰經驗,全職專業攝影師,確保每一場拍攝都維持穩定品質｡ 🔹*服務眾多大型機構及知名企業* 團隊曾為 東華三院､香港中文大學､香港理工大學､香港亞洲獅子會､康樂及文化事務署 等大型機構提供活動拍攝服務,深獲信賴｡ 🔸精選作品集:www.vw-production.com 活動拍攝 & 影片製作查詢👇🏻 📩email: contact@vw-production.com 📱whatsapp: 5930 2810 #eventphotography#photographer#活動攝影#攝影師
閱讀更多
-
香港攻略
山東小城(西洋菜南街)
爆黑餃🥟 - 山東小城
沒想到這裏有間食餃子雲吞的專門店，簡直是餃子雲吞天堂，總共多達26種還包括煎餃類別。🧄 首先點了最出名的墨魚馬蹄餃，墨魚肉彈又有馬蹄粒爽的雙重口感；京蔥羊肉餃，羊味不太騷反而帶出惹味感；紫洋蔥牛肉餃，紫洋蔥香甜又有牛肉味超配；鮮肉齋菜木耳餃，木耳碎爽脆嚼勁而齋菜又有鬆厚質感；鮮肉黑松露雲吞，啖啖黑松露味與雞湯很配；鮮肉墨魚雲吞，同樣彈牙有墨魚滋味。每顆餃子與雲吞都非常大粒，肉餡大到張嘴咬不完的重量膨脹感。🥟 套餐包飲品和小食，小食是酸爽甚足開胃實際的千層豬耳和老醋海蜇頭，整個套餐份量是非常抵食，還有豆漿及山楂茶，簡直是飽肚又滿足的一餐。🍲 🔆山東小城 🔆太子西洋菜南街198號號地下 🔆Ground Floor, 198 Sai Yeung Choi Street South, Prince Edward, Kowloon #雲吞 #餃子 #九龍 #西洋菜街 #九龍好去處 可愛動物 小海豹 香港美食 癒し 溫馨 健康生活 PetLovers AdorableAnimals DailyCute focabbforever FocaForever CuteFoca CuteSeal CuteAnimals Kawaii FoodPorn HongKongFood FamilyTime
閱讀更多
-
生活
花式單車世排第六！🚲✨
只有運動員才明白的感受 花式單車運動員 Vincent: - 現役花式單車香港隊成員 - 世界排名第六 - 18年花式單車運動員經驗 - 曾為香港單車節､康文署､大埔超級城､政府活動等等 表演 花式單車表演查詢👇🏻 📱whatsapp: 5930 2810 #花式單車#vincent#單車表演
閱讀更多
港生活人氣好去處
↓【萬聖節驚喜🎃】Home.焙小日子免費DIY蛋糕體驗✨ ↓
↓【限時搶⚡】moonwell尊貴花膠食療系列養生燉湯↓
↓正宗原條花膠筒｜滋陰養顏↓
U GO 本週好去處
