【夠鐘放飯】中環兩間排長龍兩餸飯大比拼 $75 VS $30!記者實試比較菜式味道

文: 李沛堯
2023.12.22

又夠鐘放飯!今次我們來到中環這個物價偏貴的地區,於午市時段看到兩間兩餸飯餐廳都大排長龍,原來兩間的價錢竟然相差超過一倍!一於實試貴價版「this this」飯與經濟依然實惠的平民版本,從各方面比較這兩間餐廳,進行大比評吧!

即刻去片

價錢大比拼

是次進行比評的有位於IFC的「chapter」,晚上主打西餐而午市時段則推出$75兩餸飯、$85三餸飯的菜單。雖然價錢稍貴,仍吸引附近上班族,甚至外國人士光顧。另一間兩餸飯店則位於中環威靈頓街的「添飯餸」,$30就能叫到一個兩餸飯、$38可選三餸,同樣多人排隊光顧,相較之下「添飯餸」性價比超高。

餸菜選擇大比拼

「chapter」只於午市時段供應兩三餸飯,當日有叉燒、燒鯖魚、黑醋雞球等合共8款餸菜選擇。雖然中式餸菜選擇較少,但店內都有8款輕盈沙律($73起)可選,當日都受不少打工仔歡迎,另可加配燒雞、其他甜點麵包。

「添飯餸」則有超過30款餸菜供選擇,從玻璃櫥櫃中一目了然。蓮藕餅、重慶雞煲、辣子雞、薯仔牛柳粒以及咕嚕肉都是人氣菜式。除了基本飯餸,店內亦有提供是日靚湯($8)以及新鮮自家製中式糖水($15/碗,$25/2碗)。

味道大比拼

記者當日分別走訪兩間兩餸飯店買了三餸飯,以肉餅和椒鹽豬扒再加上各自的招牌菜式作比較。「chapter」為使用環保飯盒;而「添飯餸」則用即棄發泡膠盒盛載。首先兩間肉餅的厚度份量差不多,「添飯餸」的有一整個蛋黃,而「chapter」則以冬菇舖面。食落後者有一點點乾身,而「添飯餸」的就較為多汁。

椒鹽豬扒方面,兩間份量都有3塊,「chapter」的則較為入味,濃味派一定會給讚!至於招牌菜式,記者於「chapter」揀選叉燒,雖則賣相上有一點乾,但食落都幾淋易入口,份量上亦不算少。而「添飯餸」的重慶雞煲就很惹味,配上豆卜索滿醬汁而且份量亦頗多。

不知道大家又會選擇哪一間呢?

chapter

地址:中環金融街8號國際金融中心1樓1081號舖

營業時間:

  • 星期一至五 07:30 am - 10:00 pm
  • 星期六日及公眾假期 08:30 am - 10:00 pm

添飯餸 (中環店)

地址:中環威靈頓街49a號

營業時間: 

  • 星期一至日 10:00 am - 9:00 pm

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓