【聖誕裝飾2023】記者直擊灣仔玩具街聖誕10大平價裝飾！聖誕樹/頭箍/聖誕卡$2起
就快到聖誕節，不少人都喜歡購買聖誕裝飾佈置家居或辦公室增添節日氣氛，記者今次走入灣仔玩具街走均6至7間店舖，精選了$100買到的10大必買聖誕裝飾，想搵到抵買的聖誕裝飾記得睇睇詳情啦！
說到聖誕節，最標誌性的裝飾一定是聖誕樹！記者發現最平$25就買到迷你尺寸的聖誕樹，放在辦公室或家中桌面上都十分慳位之餘，更立刻充滿聖誕氣氛！除了傳統松樹造型的聖誕樹，記者亦找到造型比較新穎、閃爍的白色聖誕樹，如果想買大一點的座地款式亦有不同尺寸選擇，除了聖誕樹，水晶球亦有不同款式，$20起就能入手！
即刻去片
想佈置家居或辦公室，這裏亦有聖誕彩帶、燈飾、波波球、天使吊飾及花圈等，$15起有交易，顏色選擇眾多，如果要參加聖誕派對，最適合買個頭飾增添聖誕氣氛，不少店舖都有很多頭飾選擇，選擇困難症絕對會花多眼亂！$6起就買到超可愛的小鹿造型髮夾、聖誕頭箍、聖誕帽、聖誕老人眼鏡等配飾。另外，交換禮物時想花多少少心思附上聖誕卡的話，這裏最平$2就買到，想趕上聖誕節尾班車，就要快點來尋寶啦！
地址：香港灣仔太原街 (港鐵灣仔站A3出口步行2分鐘)
港生活限時優惠情報
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
全新功能《U GO》強勢登場🎉！
立即探索🔍本地熱門活動📍好去處🔔食玩買情報
