搭港鐵玩轉港九新界 5大聖誕打卡必到站！東鐵綫「烏蠅頭」列車亮相灣仔賞紅葉x睇煙花x觀馬戲

文: a.Ki

2023.12.22

以前聖誕節目，除咗去尖東睇燈飾、食聖誕大餐外，就別無他選！不過今年就多咗好多港鐵沿綫嘅特色打卡景點，畀你輕鬆玩轉港九新界，地理位置攞晒分！出發前記得登記成為MTR Mobile用戶，由即日起至出年1月1日，用已連結 MTR Mobile 嘅相同成人八達通搭港鐵滿 5 程，就可以獲得 $10 出行禮遇，一於邊玩邊搭邊換禮遇，實行聖誕玩到跨年！

5大聖誕必玩熱點逐個睇
今個聖誕，全港多個地點都已經化身成聖誕村，吃喝玩樂琳瑯滿目，處處瀰漫濃厚聖誕氣氛，即使唔出國都一樣咁好feel！我哋特別搜羅以下5大聖誕必玩熱點，畀大家趁住佳節玩盡佢！

【會展站．銅鑼灣站】
「一個聖誕‧一個維港」已經植根喺港人心上，今年發展局及海濱事務委員會更串連7個海濱場地，以「海濱聖誕神奇鐵路之旅」為主題，佈置出各種繽紛聖誕裝置。當中最令人期待嘅就係以中央車站為主題嘅灣仔「水上運動及康樂主題區」，市民唔單止可以見到華麗度十足嘅自動轉動齒輪同閃耀嘅燈光效果，更可以再一次同換上聖誕新裝嘅東鐵綫退役「烏蠅頭」列車見面，鐵路迷真係萬勿錯過！

第一卡列車車廂內部設計分為兩區，一區為聖誕限定嘅黑白手繪風中央車站設計，畀市民走入二次元世界，另一區喺原汁原味保留嘅「烏蠅頭」車廂，加埋聖誕裝飾點綴，夠哂吸晴！

而第二卡車廂就將座椅同扶手等部件移除，成為一個多用途工作室，畀社區團體舉辦活動或工作坊等，而後面嘅駕駛室門就換上透明玻璃門，畀市民可以一睹駕駛室嘅真身，打卡一流！

「烏蠅頭」列車喺2022年退役後，經修復同重新裝置後，於今年聖誕喺灣仔「水上運動及康樂主題區」中，以最華麗海濱中央車站姿態重現港人眼前。

位置：灣仔北沿鴻興道至鴻興道天橋對開的水上運動及康樂主題區
交通：灣仔會展站A2出口步行約5分鐘；灣仔渡輪碼頭步行約5分鐘；銅鑼灣港鐵站C出口步行約9分鐘
開放時間：2023年12月21日至2024年1月初
亮燈時間：下午5時至晚上11時 (12月22日至2024年1 月1日將延長至翌日凌晨1時)

其他場地則包括有灣仔「HarbourChill海濱休閒站」、堅尼地城「卑路乍灣海濱長廊」、銅鑼灣「活力避風塘主題區」、北角「東岸公園主題區」、荃灣海濱長廊及茶果嶺海濱公園等，每個海濱場地嘅聖誕裝飾都各具特色，隨手都可以拍出吸like神照，梗係要趁假期影盡佢！

灣仔「HarbourChill海濱休閒站」（上）、堅尼地城「卑路乍灣海濱長廊」（左下）、北角「東岸公園主題區」（右下）以不一樣嘅聖誕主題，打造別具特色聖誕裝置，無論日夜都一樣咁繽紛精彩！

開放詳情：https://www.hfc.org.hk/tc/hss/xmas2023.html

【朗屏站】
想過不一樣的聖誕嘅你，可以約埋三五知己展開紅葉一日「輕」旅行！今年港鐵巴士K66A特快紅葉專車搵嚟Hello Kitty陪大家遊大棠賞紅葉，接載大家由朗屏站輕鬆直達大棠山道！搭完紅葉巴士之後，不妨搭埋期間限定嘅「Hello Kitty紅葉主題輕鐵」，順道發掘新界西北嘅美景美食，嚟一個Hello Kitty紅葉一日「輕」旅行！呢架充滿紅葉佈置嘅輕鐵由即日起到12月24日都會行走610綫，其後亦會行走其他輕鐵路綫㗎！搭屯馬綫嘅你，無論係搭港鐵巴士定係輕鐵仲可以享用免費轉乘優惠㗎，記得把握機會去打卡喇！

想知道紅葉最新情況，即到以下網站捕實賞楓情報：https://www.natureintouch.gov.hk/zh/web/nit-web/red-leaves-express-2023-2024

除咗港鐵巴士K66A外，朗屏站都有大量Hello Kitty打卡位等緊你展開賞紅葉之旅！

交通：朗屏站B2出口，免費轉乘K66A特快紅葉專車
服務時間：即日起至 2024 年 1 月 14 日（逢星期六、日及公眾假期，上午9時至下午2時由朗屏站開出，下午 1 時至晚上 7 時由大棠山道開出）

【中環站．香港站】
想近近哋又啱一家大細參與？今個聖誕大館同香港賽馬會再次攜手合作，帶來一連串豐富的節慶活動，除咗有聖誕燈光表演同「玩轉大館馬戲季」外，大館仲會搖身一變成為彌漫歡樂氣氛嘅聖誕遊樂場，畀大家重投童年聖誕回憶。

交通：中環站D1出口步行約8分鐘；香港站E出口步行約10分鐘

【九龍站．柯士甸站】
西九文化區一向係唔少一家大細、有寵家庭或者情侶朋友嘅假日好去處，今年聖誕你又點可以錯過一年一度嘅「香港繽紛冬日巡禮」呢！精彩嘅慶祝活動除咗有巨型聖誕樹、節日燈飾同埋聖誕小鎮佈置外，「冬日維港水上煙火」亦喺12月23至26日晚上8時喺維港夜空綻放出充滿聖誕氛圍的節日限定圖案，包括「聖誕樹」、「禮物」及「HK」字樣等，大家記得搵定靚位坐低慢慢觀賞啦！

交通：九龍站C1或D1出口步行約15分鐘；柯士甸站B4或B5出口步行約20分鐘

【灣仔站】
利東街今年再度與香港跨媒體藝術家合作，設計出以逾百萬顆七彩寶石打造嘅星鑽許願長廊「The Wishing Stars」聖誕藝術裝置，為佳節注入希望、快樂同正能量！另外，由12月6日至1月1日每晚仲會有「Let It Snow！」飄雪匯演，令你尤如置身喺漫天飛雪下，大家感受浪漫景致嘅同時記得同摯愛齊齊許下願望啊！

交通：灣仔站A3出口步行約5分鐘

搭港鐵探索佳節美景邊玩邊搭邊換禮遇！

由即日起至出年1月1日，MTR Mobile 登記用戶只要用已連結MTR Mobile賬戶嘅相同成人八達通乘搭港鐵滿 5 程*，就可以獲得 $10 出行禮遇^#！即刻計劃定佳節好去處，邊玩邊搭邊換禮遇啦！
*不包括機場快綫、往來落馬洲或羅湖的車程、輕鐵、港鐵巴士、高速鐵路及東鐵綫範圍的港鐵接駁巴士。
^#每位用戶於推廣期內最多可獲得1次$10出行禮遇

仲未有MTR Mobile？就快啲到以下網址下載，記得LINK UP埋你張八達通喇！
MTR Mobile 手機應用程式
iOS用戶：https://apple.co/3xCrzGm
Android用戶：https://bit.ly/3SgaF8f

資料由客戶提供

更多真實評價

Sasabb

珠海攻略

樂士文化區

中國/🌻珠海親子週末2日遊｜樂士文化區&向日葵主題公園

第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨‍👩‍👧‍👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處

閱讀更多
GanWes

珠海攻略

超好玩！珠海室內運動潮玩天堂🤩

趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊

閱讀更多
Dear Marine

節日限定

西九咖啡節2026 COFFEE HONG KONG@WestK

復活節必去!西九限定咖啡☕️嘉年華!

只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}

閱讀更多