親子好去處｜Build-A-Bear Workshop自製毛公仔工作坊快閃優惠！$1起DIY專屬熊啤啤

親子樂園 Smart Kids

親子

【情侶親子好去處】全港8大手作DIY工作坊推介🎨沙畫／皮革／戒指／陶瓷御守

無論情侶定係一家大細，每個週末總會遇到唔知做咩好嘅世紀難題！其實香港都有好多活動可以玩，今日小編整合社群U Creator實測覺得值得一去嘅8個手作DIY工作坊，有得整獨一無二嘅戒指、皮革、沙畫、拼豆等多樣體驗！即刻趁暑假帶埋小朋友或另一半去整手工啦～🎨 ------------- 1️⃣ 沙畫親子工作坊 喺張紙上畫畫就玩得多，沙畫又有冇玩過？位於柴灣呢間「沙堂藝術Satou Art」提供光影沙畫體驗，特設「沙畫親子工作坊」，由專業導師全程指導，零繪畫基礎嘅小朋友都可以一同輕鬆掌握沙畫技巧，同家長一齊完成一幅沙畫，度過溫馨親子時光！ 📍地址：柴灣小西灣道28號藍灣廣場UG35 > “Gretaso28” 拍片分享沙畫親子工作坊體驗< ------------- 2️⃣ motto carpe diem皮革工作坊 DIY專屬真皮手袋機會嚟啦！鍾意手作DIY不妨去尖沙咀「motto carpe diem」參加期間限定皮革工作坊，除咗皮革手袋外，仲可以整銀包、卡片套、行李牌、護照套等，時長由2小時至7小時都有，玩大半日或短短消磨時間都得！社群U Creator “Yinsharing” 就表示7小時一針一線縫製，最後帶住獨一無二嘅作品走，成件事係勁療癒～ 📍地址：尖沙咀美麗華廣場一期140-141舗 ------------- 3️⃣ Rainbow Creative Art塑膠彩繪立體鏡 呢間畫室於港九新界設有20多間分店，係唔少大人小朋友報暑期班好去處！畫室除咗提供傳統畫畫、素描班課程外，仲有手作黏土同塑膠彩繪等體驗。社群U Creator就帶同子女報咗「創意繪畫」課程，畫出專屬彩繪立體鏡，全程訓練專注力，零畫功一樣玩得開心～ 📍地址：北角和富道21-53號和富BK02號舖 >即睇 “Mami M” 分享北角畫室塑膠彩繪體驗< ------------- 4️⃣ Fairy Tale Art畫室 好多小朋友都鍾意玩黏土，原來透過專業指導，黏土都可以製成精緻又實用嘅生活小工具，親手製作更係意義非凡～油塘呢間「Fairy Tale Art」係全港首間每堂都拍片嘅畫室，除咗水彩、油畫等畫班之外，仲提供手工班。拍片俾家長留念同時，小朋友都可以見證自己作品製作過程，勁有成功感～ 📍地址：油塘大本型商場3樓304室 >即睇 “Mayumi Wu” 分享手工黏土製作點滴及心得< ------------- 5️⃣ Tufting手作毛氈工作坊 Tufting係近年熱門嘅手作工作坊活動，係唔少年輕人同情侶不容錯過嘅假日活動！客人可以親手體驗用簇絨槍一針一針打造出專屬自己嘅毛氈，圖案都由自己話事！社群U Creator就去咗呢間寵物友善工作室「Cradle Studio」 ，帶同毛孩一齊DIY專屬毛氈～即去片睇 “Kwaneva2001” 成品係點啦～ 📍地址：荃灣柴灣角街11號國際企業中心一期8樓803室 ------------- 6️⃣ 戒指工作坊 想打造專屬二人嘅情侶戒指，一於去荔枝角呢間「Silver Workshop by Chaz」親手製作銀飾～工作室環境簡約舒服，工具擺放整齊。社群U Creator體驗後表示老闆全程耐心講解做法，教授退火、打磨、拋光等技巧，最後仲可以刻上文字，新手都可以輕鬆由零製作戒指、手鐲～ 📍地址：長沙灣青山道682號 > “蘿雲” 分享荔枝角DIY情侶戒指體驗< ------------- 7️⃣ 拉坯工作坊 鍾意整陶瓷嘅朋友，不如去「木華陶冶」參加陶瓷拉坏工作坊，體驗由拉坯、修坯、手捏及上釉，親手製作陶瓷馬克杯、花瓶、器皿等並為作品上色，全程發揮想像力，勁療癒！工作室設有「親子陶藝班」及恆常班，無論係情侶定一家大細，都好適合玩～ 📍地址：北角北角道8號隆運大廈22樓A室 > “Snowycookingmama” 同您分享陶瓷拉坏樂趣< ------------- 8️⃣ 陶瓷御守掛飾工作坊 平時去日本旅行都會幫自己求返個御守祈福保平安，今次不如親手製作屬於自己嘅陶瓷御守掛飾！位於太子嘅「CC Art Studio」距離地鐵站1分鐘路程，不定期舉辦限定工作坊，除咗有得整陶瓷耳環等飾物外，仲有得整茶具、手捏御守飾物、御守碟、達摩等，手作控一定全程enjoy～ 📍地址：太子道西長榮大廈6樓E室 > “chitchit613” 分享手捏御守體驗< ------------- 【獨家福利】「港媽港爸親子福利資訊區」WhatsApp 群組現正招募成員！ 預留獨家送禮名額，中獎機會更高！ 👉 立即加入： https://ulapp.hk/e0qhf 【召集全港GEN Z🔥】解鎖新成就 出Post即賺錢💰 立即報名：https://ulapp.hk/2fo20 圖片來源：IG帳戶@silverwork_bychaz、社群U Creator {{hket:tag-user display="chitchit613"}}615771{{/hket:tag-user}} 、 {{hket:tag-user display="Snowycookingmama"}}196491{{/hket:tag-user}} 、 {{hket:tag-user display="蘿雲"}}226591{{/hket:tag-user}} 、 {{hket:tag-user display="Kwaneva2001"}}954583{{/hket:tag-user}} 、 {{hket:tag-user display="Mayumi Wu"}}913061{{/hket:tag-user}} 、 {{hket:tag-user display="Mami M."}}827753{{/hket:tag-user}} 、 {{hket:tag-user display="Yinsharing"}}513855{{/hket:tag-user}} 、 {{hket:tag-user display="Gretaso28"}}960540{{/hket:tag-user}}  🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 #UCreator #ULifestyleApp #社群排行榜 #香港好去處2026 #室內好去處 #拍拖好去處 #情侶好去處 #親子好去處 #暑假親子活動 #手作工作坊 #DIY體驗 #陶瓷拉坯 #Tufting毛氈 #皮革工作坊

親子樂園 Smart Kids

親子

親子好去處｜全港9大親子必去工作坊 地毯槍/陶藝/盆景DIY/農莊體驗

趁小朋友放假，除咗同佢哋去旅行、去Playhouse玩之外，本地仲有好多互動感十足而且有教育意義嘅工作坊，可以俾大人同小朋友一齊坐定定，落手落腳發揮小宇宙！今日小編就整合咗香港9大最適合親子體驗嘅工作坊，save低帶小朋友一齊DIY小禮物！🎁✂️ ----------------- 【港爸港媽留意】填親子合作配對計畫，優先參加合作試用！ 想同小朋友一齊參加各大品牌活動？立即登記《社群》「親子合作配對計畫」 ，完成後就有專人為您配對試用活動！有豐富親子品牌活動、產品試用定工作坊體驗、自助餐及酒店優先試住體驗等限定合作。立即登記，創造難忘親子回憶啦！ 立即登記➡️ https://ulapp.hk/p8pck ----------------- 親子工作坊推介｜1️⃣ Jungle Arts感官藝術體驗 如果您有個鍾意藝術創作而且活潑好動嘅小朋友，Jungle Arts呢個「感官藝術體驗」就好適合您哋！色彩繽紛嘅空間類似室內遊樂場，但更多令小朋友激發創造力嘅活動，例如有水彩、感官遊戲、塗鴉、藝術工作坊等等，子女可以盡情玩，跳出框框發揮創意！場內仲可以包場搞party，可以幫小朋友搞一場難忘又充滿笑聲嘅生日會！ 地址：尖沙咀廣東道68-80號CANTOYAMA > “蓁蓁日常Diary” 同子女展開感官藝術體驗< ----------------- 親子工作坊推介｜2️⃣ 合味道紀念館 合味道杯麵就食得多，不如同小朋友一齊去「合味道紀念館」，認識由細食到大嘅杯麵製作過程，同時體驗親手由搓揉麵粉、壓麵團、壓薄麵布到切麵，製作一盒專屬自己嘅合味道杯麵！除咗合味道之外，場內仲有出前一丁工作坊及穀物麥片工作坊，親手DIY重現兒時回憶！ 地址：尖沙咀廣東道33號中港城2座樓26-35號 > “Little K” 分享兩姊妹製作合味道杯麵過程及心得< ----------------- 親子工作坊推介｜3️⃣日落實驗室「盆景DIY」體驗 如果小朋友鍾意比較文靜嘅活動，可以同佢哋一同製作精緻盆景手工！「日落實驗室」就提供一系列植物工作坊，有多肉植物盆景工作坊、生態瓶等等，盡情發揮想像力。工作坊全程有導師悉心指導，由製作過程到如何打理植物。大人可以享受寧靜，小朋友專注創作，製作同時都獲益良多！ 地址：荔枝角永康街55號金百盛中心19樓1906室 > “Desiree Yi” 分享盆景DIY體驗心得< ----------------- 親子工作坊推介｜4️⃣ Art.hunt_ceramics慢遊陶記「陶藝工作坊」 陶藝都係其中一個熱門親子活動。位於沙田嘅慢遊陶記唔單止提供一系列陶藝碗、碟、裝飾品製作班，而且佢仲係一個寵物友善空間，貓狗主子都可以入場共度假日時光！在場有導師指導，就算小朋友係第一次製作陶瓷都唔怕。通過製作陶瓷，可以訓練小朋友專注力同協調能力，絕對係工作坊其中一個必玩項目！ 地址：香港火炭坳背灣街61-63號盈力工業大廈 官方網站：IG@art.hunt_ceramics > “紫藍色西瓜” 分享陶藝工作坊體驗< ----------------- 親子工作坊推介｜5️⃣ POPduction「PopArt人像噴漆畫工作坊」 鍾意畫畫嘅小朋友一定要帶佢哋過嚟，體驗自由奔放嘅藝術創作！POPduction主打人像、寵物及星空噴畫，全程有專業導師指導，就算零基礎都可以輕鬆上手！通過噴漆將看似浮誇嘅色彩碰撞埋一齊，組合出意想不到嘅成果，過程充滿驚喜，仲可以帶返屋企或者作為禮物送俾重要嘅人，意義非凡！ 地址：中環中和里6號號 地下 官方網站：IG@popduction ----------------- 親子工作坊推介｜6️⃣ Penguin Studio「Tufting地毯槍工作坊」 近年Tufting成為唔少情侶、親子週末其中一個休閒活動，通過織槍親手打造出專屬自己獨一無二嘅手工地毯，收獲滿滿參與感同成就感！尖沙咀「Penguin Studio」設有一系列烹飪班、 DIY工作坊等活動，其中Tufting地毯槍工作坊都係其中一個人氣活動。事先決定好做咩圖案，再由導師指導用織槍打出織線，需時約3小時。場地仲會提供小食同飲品任飲，口渴都可以即時補充能量，係親子活動嘅最佳場所！ 地址：尖沙咀寶勒巷27號東滙商業大廈 ----------------- 親子工作坊推介｜7️⃣ Build-A-Bear毛公仔DIY工作坊 親手製作屬於自己嘅毛公仔機會嚟啦！Build-A-Bear喺世界各地有700多家分店，香港分別喺山頂廣場同尖沙咀都有分店，主打客人親手製作專屬毛公仔，由揀公仔、填充棉花、選擇配件，全部都係落手落腳自己整！仲可以為公仔製作出世紙，盎情發揮想像力，鍾意毛公仔嘅小朋友一定好開心！ 地址：分店地址查閱官網 官網：https://www.buildabear.com/ > “German Mama” 同您分享Build A Bear毛公仔製作過程< ----------------- 親子工作坊推介｜8️⃣ 微影夢工場「組裝車仔工作坊」 如果您嘅小朋友鍾意玩具車，依家有個workshop可以帶您親手組裝車仔！微影夢工場一直為安排唔同玩具製作工作坊，俾大人同小朋友都可以用創意親手製作童年玩具。由設計到選擇零件、螺絲批，再到組裝同裝飾，打造專屬車牌，全部都喺呢個workshop 1小時搞掂！ 地址：啟德啟德體育園啟德零售館2, 3樓 311號舖 日期： 2025年6月起，星期一至日 官方網站：IG@tiny.steamfactory ----------------- 親子工作坊推介｜9️⃣ 山林里農莊摘龍眼 除咗參加市區workshop之外，不妨同子女去一場戶外親子一日遊，一家大細去農莊體驗野外生活！山林里農莊除咗係一個營地之外，佢仲有一系列如陶藝班、雕刻小木櫈、叫化雞炭燒等工作坊，等小朋友親自製作，體驗自給自足嘅樂趣。即使唔留低營地過夜，玩一日都好足夠！ 地址：元朗朗廈新潭路 官方網站：forestpathway.com  > “anahkbabys” 帶小朋友去山林里農莊放電< 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：IG帳戶@popduction、社群U Creator {{hket:tag-user display="紫藍色西瓜"}}759954{{/hket:tag-user}} 、 {{hket:tag-user display="Superlover920 "}}789643{{/hket:tag-user}} 、 {{hket:tag-user display="German Mama"}}40690{{/hket:tag-user}} 、 {{hket:tag-user display="anahkbabys"}}842313{{/hket:tag-user}} 、 {{hket:tag-user display="babychan_adrian"}}830976{{/hket:tag-user}}  #ULifestyle應用程式 #ULifestyleApp #社群 #UCreatorHK  #MOMENTSwithUCreator ##100個港人推介親子好去處 #我的打卡地圖 #本地工作坊 #親子工作坊 #親子workshop #親子好去處 #親子 #農莊 #DIY #親子DIY #Tufting

Kwaneva2001

寵物

🧑‍🧑‍🧒蠢媽與蠢蠢の達摩地氈初體驗 人寵工作室,想同毛孩點整都得啦🤭 今次多謝@cradlestudio_hk邀請(๑˃̵ᴗ˂̵๑)♡ 蠢媽想玩好耐!因為好多都唔俾帶毛孩🥹 而加終於有機會體驗LA❣️ 玩法好簡單 1️⃣揀選毛冷顏色 2️⃣場內提供投影機📽️投射圖案係布上跟住畫 (建議可以係AI先創作毛孩圖案) 3️⃣用簇絨槍 一針一線打上布上 4️⃣塗上白膠漿再剷毛✔️Get ✨成個過程大概4-5小時 製作開始前有導師悉心指導( •̀ᴗ•́ )و ̑̑ 就算整得吾好都吾洗擔心,導師會幫忙調整 成個體驗超級好玩!好治癒(⁎˃ᴗ˂⁎) 新手都無有怕🤣 原本以為整得好肉酸,點知剷完毛又靚Wo😂 有機會下次再玩過❤️💯🐶 環境舒適 ⭐️⭐️⭐️🌟 好玩指數 ⭐️⭐️⭐️⭐️🌟 Cradle Studio Tufting工作坊 🧵@cradlestudio_hk 二月前預約重有早鳥優惠~ 新年期間重可以整揮春款地氈架~ 大家快d Share & Save 帶毛孩一齊去體驗啦❣️ Ps : 除咗整地氈外,重有整戒指丶蠟燭,奶油座等等 想睇更多蠢蠢可愛片段,快啲Follow @qqpetpet 🐶 #tufting#地氈工作坊#簇絨槍#寵物友善#新年限定