叱咤樂壇頒獎典禮2023｜細數6大滄海遺珠0獎歌手！尹光許廷鏗盛裝出席全晚坐冷板凳
叱咤樂壇頒獎典禮2023｜2023年叱咤頒獎禮的得獎結果昨日(1日)已經出爐，其中陳蕾一晚奪4獎成今年叱咤大贏家，林家謙冧莊「叱咤樂壇男歌手」金獎成最大焦點。不過有人歡喜有人愁，今年出席的歌手當中，有不少去年表現不俗的歌手都空手而回，被列入「滄海遺珠」，即看內文睇6大「食白果」歌手！
1.尹光失落「我最喜愛男歌手」 AI尹光已註冊專利或成絕唱
今年尹光因「A.I.尹光」惡搞一事人氣一度急升，其中「A.I.尹光」版的《一人之境》與《Dear My Friend》引得不少熱議，尹光亦順勢推出《Dear Myself》一歌，以75歲之齡打入叱吒，更一度入圍「叱吒樂壇我最喜愛男歌手」。昨晚(1日)尹光現身叱吒頒獎禮，盛裝打扮更被大會安排以最後壓軸的出場方式登上舞台。不過《Dear Myself》並未獲得任何獎項，而「叱吒樂壇我最喜愛男歌手」一獎更落在張敬軒手上，令尹光坐足全晚！而早前尹光於演唱會記者會上亦透露已將「A.I.尹光」的聲音註冊，網民再用「AI尹光」聲音需要先經過尹光本人同意，似乎今次的落敗令「A.I.尹光」也未必有後續出現的機會。
2.Anson Lo三度不敵姜濤 未能冧莊成我最喜愛男歌手
今年叱吒頒獎禮姜濤與Anson Lo的競爭依然為網民關注焦點，Anson Lo去年曾經奪得「我最喜愛男歌手」，今年第三年打入五強卻不敵張敬軒，未能冧莊。至於「我最喜愛歌曲」方面，Anson Lo同樣連續三年打入五強，卻連續三年不敵隊友姜濤，以5,055票對2,002票的巨大差距票量痛失獎項。結果全晚唯有MIRROR奪得「我最喜愛的組合」和我最喜愛歌曲五強表演表演環節時，Anson Lo才有機會向神徒表演。
3.Jer柳應廷連食兩年白果 「重生三部曲」後無緣上台
同為MIRROR成員，亦有另一位「食白果」成員，今年柳應廷相當勤力，共有五首派台歌曲，分別包括《從零開始的新世界》丶《鹹魚遊戲》丶《JM單身9》丶《Dear Children》以及《大海少年》結果依然一一落空，與上年情況一樣。作為MIRROR當中的唱得之人，似乎歌曲上未受獲得一定的成績，對上一次柳應廷踏足叱吒舞台領獎已是2021年的專業推介叱吒十大第六位《狂人日記》，為「重生三部曲」的第一首。
4.許廷鏗剛完演唱會 新歌尋好友欣宜拍攝MV仍落空
許廷鏗剛剛於去年聖誕完成三場個人演唱會，打破個人開騷場次紀錄，今年派出三首新歌分別包括《良心發現》丶《微時》以及《一場同學》，其中《一場同學》的MV拍攝再找來好友欣宜拍攝MV，引起不少迴響。昨晚(1日)頒獎禮許廷鏗同樣盛裝打扮，即使坐頭行仍未能贏得任何獎項。
5.林奕匡今年只派一首歌 未及過往成就
今年林奕匡只派了一首歌《台前幕後》，雖然一出手就已是四台冠軍歌，不過並未為林奕匡於叱咤頒獎禮上帶來獎項，其中2021年他曾奪得的叱咤樂壇唱作人銅獎，亦未有在今年取得。
6.洪嘉豪今年首辦紅館演唱會 歌曲表現未如去年
身為「華納三寶」之一的洪嘉豪，成績表現未如陳蕾丶張天賦理想，不及2022年時推出的《污糟兒》丶《及時行樂》等作品。今年叱咤同樣為「食白果」一員，但洪嘉豪早前宣佈今年即將首度進軍紅館辦個人演唱會，其表現仍然值得期待！
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【✨ 勁送海洋公園門票 ✨】↓
一步登記拎飛～玩轉夏日大熊貓生日派對🐼🎂！
↓ 【U Jetso🎁】免費荷花夏季BB展2026電子門票🍼 ↓
↓ 爸媽掃貨大好時機✨熱門嬰幼兒用品及優惠低至1折🛍️ ↓
U GO 本週好去處
