名酒配高質中菜 愉景灣牡丹軒Cesari美酒晚宴
中菜嘅食材同烹調方法豐富又多元化，用餐時如果有適當嘅配酒，更能讓每道菜的味道昇華。喺愉景灣入面嘅高質中菜廳牡丹軒，將於1月26日舉行「Cesari美酒晚宴」，廚師團隊精心設計及炮製一系列美味佳餚，配搭意大利著名酒莊Cesari嘅葡萄酒，賣相與味道兼備。2024年1月26日期間入住香港愉景灣酒店，仲可以優惠價HK$2,188入住山景客房一晚及享用牡丹軒「Cesari美酒晚宴」（兩位），讓你與摯愛製造一個難忘嘅美酒佳餚年末之旅，為兔年劃上完美句號。
特色佳餚配意大利名酒
牡丹軒中菜廳坐落於愉景廣場的新建部分，餐廳環境闊落，設有三面落地玻璃，讓你飽覽如置身外地嘅悠閒景緻。今次推出嘅「Cesari美酒晚宴」，由提供前菜、燉湯、三道精心炮製嘅佳餚、燴飯及甜品，加上每道菜都搭配咗一款意大利知名酒莊Cesari嘅紅白名酒，為大家帶來不一樣嘅醉人餐饗體驗。
每道心機菜 吃出功架
晚宴嘅打頭陣係「蜜汁髦毛豬叉燒、蒜香鮮鮑魚、梅子聖女果」，用上匈牙利髦毛豬製成嘅叉燒，肉質軟稔而蜜味香濃；新鮮鮑魚先以大火煎熟，鎖住肉汁，再蘸上脆漿炸至金黃色，鮮香脆嫩；又名聖女果嘅車厘茄去皮後，加入話梅汁及柚子汁泡浸六小時，酸酸甜甜十分入味，開胃爽口，為接下來嘅盛宴打響頭炮。
接下來嘅菜式，每道都盡顯心機及功架，令人難忘。特色招牌菜「黑蒜花膠燉螺頭湯」選用雲林黑蒜、花膠及螺頭等珍貴食材。黑蒜燉煮後散發甜味，帶出海鮮鮮味，令每口湯都甜中帶清，清而不膩。另一道名菜「醬燒琵琶鴨」，要做到鴨肉嘅乾濕度合宜，廚師需花費多重步驟，鴨先以秘製過嘅香料填充，而表面則用秘製醬料醃製再風乾8小時，加入遠年陳皮燻烤45分鐘，上台前才以淋油反覆炸至金黃色，少一點工夫及耐性都做唔到色香味俱全嘅效果，所以今時今日已經好少地方可以食到。
甘鯛立鱗燒伴海膽醬
將好多高級懷石料理都愛選用嘅甘鯛（馬頭魚）淋油直至魚鱗企起，視覺上立體有層次，吃起來外脆肉質軟，吃時將新鮮露筍配搭廚師自家調製嘅海膽醬，突顯甘香。
慢煮東坡牛肋肉
用上更矜貴嘅牛肋肉代替一般嘅五花腩肉，加上以12小時慢煮方式精心烹調，保持肉質香嫩而不膩，做到入口即化嘅口感。
香焗芋仔酥、金箔棗皇糕、生磨腰果露
甜品方面也絕不馬虎，芋仔酥由外皮到芋蓉流心內餡均由新鮮芋頭細心製作；棗皇糕亦花工夫，將雞心棗蒸煮後搾汁製作，口感煙韌軟糯，滋潤養顏；還有必食腰果露，將大量嘅腰果炒香，研磨後煮成香醇綿滑嘅腰果露，最後灑上腰果碎，提升口感層次。
配搭意大利Gerardo Cesari酒莊1白4紅名酒
為中菜選擇配搭西式葡萄酒係一件非常考心思嘅事，皆因中菜嘅煮食方法多，味道層次豐富。今次牡丹軒特別選擇意大利Gerardo Cesari酒莊釀製嘅葡萄酒，選用當地果皮比較韌嘅葡萄品種，特別適合長時間風乾，如阿瑪羅奈（Amarone）採摘下來之後，會風乾到次年1月底，之後再浸漬發酵30天左右；柯維娜（Corvina）亦具有良好嘅品質穩定性，擁有比較緻密嘅單寧和豐富櫻桃香氣，釀造出嚟嘅葡萄酒酒體中等，擁有紅寶石色澤。
晚宴上用作配前菜嘅Cesari Fiorile Pinot Grigio IGT2022，帶有新鮮嘅水果和鮮花花香，以及持久嘅果味，其柔和甜度和髦毛豬叉燒嘅蜜糖很配，也能中和豬肉嘅油脂感，令味道變得平衡。紅酒方面，配搭「醬燒琵琶鴨」嘅Cesari Amarone della Valpolicella DOCG Classico Il Bosco 2016，散發無花果、李子和葡萄乾嘅香氣，與較為重味嘅醬燒脆皮嘅琵琶鴨非常夾；另外，配搭「慢煮東坡牛肋肉」嘅Cesari Amarone della Valpolicella DOCG Classico 2018，散發櫻桃、水果蜜餞和黑胡椒嘅香氣，口感順滑，餘韻悠長，係搭配牛肉嘅首選。
「Cesari美酒晚宴」供應共6款美酒，包括左起：餐前酒Rivani Prosecco、1款Cesari白酒及4款Cesari紅酒。
擁有80% Corvina嘅Cesari Il Bosco，酒體擁有濃鬱嘅紅寶石色，帶櫻桃、香料及可可等獨特香氣，特別適合喺一啲特別嘅日子搭配佳餚共享。
牡丹軒環境闊落，大廳擁有三面無敵景觀嘅落地大玻璃，讓大家可以一邊用餐，一邊欣賞愉景灣怡人嘅景色。
牡丹軒亦設有私人宴會廳，適合家庭或商務聚餐。
入住香港愉景灣酒店 享預訂優惠
飲飽食醉，想留喺愉景灣過夜，順道享受一個悠閒嘅周末小旅行，只要喺2024年1月26日期間，入住香港愉景灣酒店，更可以優惠價HK$2,188入住山景客房一晚及享用牡丹軒「Cesari美酒晚宴」（兩位）。
牡丹軒Cesari美酒晚宴
日期：2024年1月26日（星期五）
地點：香港大嶼山愉景灣愉景廣場1樓 153A號
價錢：HK$1,088／位（免收加一服務費）
訂座電話：2215 0833 / reservation@dbpeony.com
網址：dbpeony.com
Facebook: https://www.facebook.com/db.peony
Instagram: https://www.instagram.com/db.peony/
（資料由牡丹軒提供）
港生活人氣本地熱話
【送禮🎁】送Esther Bunny春日好物🐰！
↓ 登記免費帶走可愛折疊傘 x 保溫杯 ↓
【樂迷注意🎧】送您音樂串流App 3個月禮品卡！
