澳洲直送!高品質當造塔斯曼尼亞車厘子 教你入手係時機

文: a.Ki
2024.01.15

每年到咗1、2月,都係車厘子嘅收成期,市面上有大大小小唔同品種或由唔同地方進口嘅車厘子可供選購。外形如紅寶石嘅車厘子香甜多汁,加上佢低卡高纖,蘊含豐富維他命C、維他命A、膳食纖維以及天然褪黑激素,令唔少人都一試愛上。你又係咪車厘子粉絲?定係想買又唔識揀?今次就介紹一款高品質車厘子兼教你點揀先至好。

新鮮車厘子點樣揀?

要揀當造車厘子,最重要係睇果椗位置,果椗仲係青綠色就代表新鮮,如果變啡或灰就代表已開始成熟或過熟;同時要睇埋果皮色澤,盡量揀偏寶石紅、深紅及表面光滑嘅車厘子;果肉要結實,無損壞、瘀傷等。由於車厘子果肉細小,買咗返屋企可以先放雪櫃存放,想食先沖洗,咁就唔會令車厘子因濕氣而腐爛喇!

市面上有唔少品牌車厘子,而當中又以來自澳洲塔斯曼尼亞嘅43° South車厘子最為有品質保證,除咗係產地氣候溫和、土壤及水質污染較少外,種植嘅果園都係考慮因素之一。今年43° South車厘子嘅新盒面上亦特別印上空運郵戳,以代表所有商品均以最新鮮品質送上。而每盒原裝正品嘅43° South車厘子盒上都會印有獨一無二嘅防偽CODE,只要去到官網上掃一掃就可辨識真偽。

良心果農嚴格把關 控制一流品質

澳洲塔斯曼尼亞43° South車厘子於Hansen Orchards漢森果園種植,佢哋對出產嘅車厘子品質同尺寸有極高要求,而Hansen家族已經嚟到第四代,有豐富嘅農業傳承及經驗,並專門喺塔斯曼尼亞種植優質車厘子及蘋果。

現時第四代傳人Howard Hansen於1994年加入企業,並於2020年獲得APAL年度種植者獎。自加入以嚟,Howard不斷提升車厘子嘅產量及品質,更深入研究晚熟甜車厘子嘅生產,並於1997年種植咗第一批車厘子樹,奠定咗Hansen Orchards成為澳洲頂級車厘子果園嘅基礎。現時佢地嘅水果產品已出口到20多個國家,並喺品質控制、機械設備、包裝設施上嚴格把關,令車厘子品質得以維持。

Howard Hansen為保護車厘子免受雨水侵襲,亦特別引進德國最先進嘅VOEN雨篷作為屏障,保護車厘子免受雨水影響。

唔講唔知,原來為確保每一顆送到客人手中嘅車厘子都能夠保持優質及新鮮,Hansen Orchards更會於採摘後嘅48至72小時內將車厘子送到客人手中,真係要有買趁早!

塔斯曼尼亞車厘子 地理成最大優勢

Hansen Orchards種植區坐落於南塔斯曼尼亞,當地嘅氣候、土壤、空氣,以及水源都非常有利43° South車厘子成長。再結合Hansen Orchards嘅種植技術,生產南半球最晚成熟嘅車厘子,亦即延長車厘子嘅生長時間,令車厘子慢慢積累糖分及晚熟,成就咗43° South車厘子嘅高甜度同風味,亦種植出比其他園區更大、更甜、更堅實嘅車厘子。

相信食過43° South車厘子嘅朋友都唔陌生,佢嘅果實大粒飽滿,結實,皮脆肉厚,果肉亦香甜濃郁,多汁可口,口感同味道絕對係一食愛上! 

了解更多43° South車厘子:https://www.43southcherries.com/

入手好時機 網上即ORDER!

 
講咗咁多,係咪都好想立即入手幾盒同屋企人朋友分享?而家除咗到各大超級市場選購,你仲可以即時透過WhatsApp網上訂購,安在家中勁歎鮮甜又大粒嘅43° South車厘子,小心過季唔等人呀!

WhatsApp網上訂購:(852) 6101 8396
其他銷售點:各大超級市場

 


資料由客戶提供(IG@43degrees_south 、IG@fubofruits

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓