內地八合里牛肉火鍋登陸香港！首店進駐沙田即將開幕！人氣招牌現切鮮牛+彈牙牛丸

Dada

香港攻略

沙田新城市廣場

香港都食到正宗潮汕牛肉火鍋

身為半個潮州人嘅我,最鐘意就系潮汕火鍋 上次去潮州食唔到,竟然比我喺香港食到正宗嘅潮汕味道 呢度嘅牛肉每日新鮮直送到餐廳,喺香港首家使用活牛進口､本港當日屠宰,現場都有師傅即場切牛肉,同深圳店一樣 原味牛骨湯底,用牛骨熬制而成,加埋粟米,紅蘿蔔,唔好睇佢個樣清清地,香濃牛骨味,足料清甜 建議湯滾起咗,先飲湯,再打邊爐 至尊鮮肉四賣拼盤 花趾肉､吊龍伴､匙肉､匙柄 四個部位各有特色,一次過試曬四款牛 鐘意食邊款再追加 店員提我哋淥10秒左右系最好味架 鮮切肥牛 師傅每一片都切得好均勻 色澤鮮艷,有嚼口 手打牛丸雙拼 牛丸同牛筋丸,大粒又彈牙 仲好juicy 特色菌菇拼盤 有不同嘅菇類,菇味好香好鮮甜 潮汕四色水晶粿 潮州特產,晶瑩剔透糯米皮口感煙靭 配上不同咸甜嘅餡料,我自己最鐘意紫薯 潮汕純米粿條 淡淡米香,粿條厚實嫩滑,吸收曬牛骨湯嘅精華 再加少少沙茶醬,充滿潮汕風味 爆打鴨屎香檸檬茶 潤肺小吊梨湯 打完邊爐,食返個清甜潤喉糖水,咁就唔怕熱氣啦

紫藍色西瓜

深圳攻略

深圳領展中心城

📣深圳必食潮汕牛🐂 ‼️

有讚無彈嘅潮汕🐂鮮牛肉火鍋🍲即日現宰唔隔夜! 食潮汕牛肉火鍋,要測試牛肉質素掂唔掂､新唔新鮮就一定要食啲清湯底,所以嗌咗個雜菌鍋,原汁原味食牛肉👍🏻 食咗吊龍,雪花牛肉,匙柄,同埋三花腱全部都正,新鮮｢無添加｣,肉質鮮甜帶有少少奶香味👍🏻👍🏻👍🏻 特別推薦:冰花芋🤩 味道:⭐⭐⭐⭐⭐ 環境:乾淨,室內通爽⭐⭐⭐⭐ 服務:職員好有禮貌,反應回覆迅速⭐⭐⭐⭐⭐  性價比 :平靚正⭐⭐⭐⭐⭐  ☻用餐日期 : MAR2026☻ 📍禧牛薈·潮汕牛肉火鍋(領展中心城店)G層FG006號舖 #ucreatorhk#去新酒店staycation#打卡美食 #親子推介 #紫藍色西瓜#深圳美食#火鍋

Asura Queen

香港攻略

牛大帥天天鮮牛肉火鍋

$328食勻十款潮汕牛部位放題

近年身邊不少朋友都鍾意北上覓食，尤其潮汕牛肉火鍋大家都讚好。不過諗到要花時間排隊過關再加來回交通，我真係寧願留港消費。今晚行開旺角T.O.P商場，發現原來深圳人氣品牌「牛大帥」已經靜靜進駐，開設香港第一間分店。門口大大個標語「新鮮不隔夜，美味不過時」，$328就有120分鐘任食十款不同部位的牛肉，咁就入去食下啦。 入座後店員就送上新張期間限定嘅刺身頭盤，有三文魚、北寄貝同甜蝦。刺身水準中規中矩，以跟餐附送嘅質素嚟講收貨有餘，畢竟今晚嘅主角好明顯係檯上嗰一碟碟鮮紅色的牛肉。 最欣賞佢哋係一人一鍋設計，自己食自己嘅節奏，唔使就住朋友嘅進度。湯底選擇方面有麻辣、沙嗲、蕃茄薯仔同皮蛋芫荽，唔算太多，如果店家將來可以增加多些湯底選擇就更好。 牛肉款式方面，最鍾意嘅係吊龍，食落又香又滑；匙仁都唔錯，肉香同油香兼備；五花趾同極品雪花呢兩個頂級部位，極品雪花比較肥，口感滑嫩；五花趾就爽滑有嚼勁；仲有口感豐富嘅雙層肉，同入口爽滑嘅匙柄。其他仲有嫩牛肉、牛鍵子、牛胸油、牛舌，整體肉質都唔錯，新鮮現切，每片有一定厚度，真係日日新鮮直送嘅質素。一次過食勻十款牛肉，任飲任食都算幾抵。 除咗牛肉，仲有其他小食選擇。必試嘅一定係牛丸，一咬落去肉汁噴出，牛味超濃。墨魚滑同蝦滑都唔錯，熟食方面嘅牛坑腩、牛爽腩同牛雜都幾好。 蔬菜區選擇好多，而且眼見全部都新鮮，食咁多肉之後一定要淥返啲菜平衡吓。自助小食區仲有炸丸、薯條等，麵食就有出前一丁、刀削麵、辛辣麵同烏冬。飲品方面真係花多眼亂，汽水、紙包飲品樣樣齊，最驚喜係連啤酒都係任飲唔使額外加錢，呢點可加分。 牛大帥天天鮮牛肉火鍋：旺角彌敦道700號T.O.P This is Our Place地庫R1號舖 #放題 #火鍋 #牛肉控 #潮汕牛 (此文章由U Blog 同步發佈至社群)