賀年拍拖好去處：圍方首個農曆年＋中西情人節沉浸式花海體驗|情歌點唱站|空中示愛LED

文: a.Ki

2024.01.30

無論係農曆新年定係情人節，都要有花先夠氣氛！開幕後首次同大家賀年兼過中西情人節嘅圍方，特別以過萬花束配合LED屏幕打造「繁花綻放新春庭園」，讓大家以全方位沉浸式花海體驗，慶祝新春及歡度中西情人節。想行個桃花大運提升人緣，必影巨型桃花樹！打卡位仲有高掛喺中庭半空嘅巨大心形圖案同新春花藝牆等！情人節期間，商場亦準備咗情歌站及空中示愛LED屏幕，畀大家向心儀對象或伴侶表達愛意。即刻同大家介紹活動詳情！

過萬花束配合LED屏幕沉浸式花海體驗

圍方為咗同大家一齊迎接充滿活力嘅龍年，「繁花綻放新春庭園」以寓意喜慶嘅紅色及甜蜜溫馨嘅粉紅色為主調，「喜」感滿分。必去打卡位一定喺商場高掛喺中庭半空、由本地花藝師設計嘅超巨大心形圖案，無論喺中庭，抑或走到商場嘅不同樓層，唔同角度影出嚟嘅靚相都一樣咁搶眼。

畀個Tip大家，最佳拍攝中庭半空巨大心形圖案嘅位置係商場嘅3樓，記得諗定多啲Pose，影出多角度靚相。

地下LED屏幕會不停綻放唔同嘅圖案，無論影相定拍Video都一定捕捉到靚畫面。

除咗中庭地面，商場內亦有多個LED屏幕不斷綻放繁花，畀你以全方位沉浸式花海體驗，催旺人緣及桃花運。

中庭內仲有一棵巨型桃花樹，桃花樹兩旁有新春花藝牆，滿滿嘅賀年花和風車，大家記住趁機會「轉」個大運！元宵節嗰個周末仲會搖身一變元宵花燈會，記得Mark定Calendar喺2月23至25日一齊去猜吓燈謎，湊吓熱鬧，沾旺人氣！

圍方同車公廟相距唔使5分鐘嘅步程，新正頭如果要去車公廟拜拜及轉風車迎好運，記得去埋圍方，喺花藝牆前同風車合照打卡，祈求轉出全年好運氣！

無論係愛侶或家人和朋友，嚟到擺滿繁花嘅「The Wai We Love」燈牌前，都一定要拍下幸福浪漫嘅一刻，表達你哋各種愛嘅形式。

私心同大家分享多一個打卡位，位於商場L2戶外園藝花園，有2隻由藝術家設計嘅巨型Bear Bear熊等你嚟一齊影相，現場仲有浪漫心形燈飾點綴，可愛又浪漫。

「龍」情蜜意情歌點唱站＋空中示愛LED屏幕

大年初五當日，亦係情人節，跟住仲有元宵佳節。圍方亦為愛侶們預備咗新春「龍」情蜜意活動，同大家一齊共度中西情人節。情人節嘅重頭戲「暖.LOVE.LOVE」情歌站，大家只要喺1月29日至2月2日去圍方嘅官方Instagram投選心意情歌，2月14日情人節當日會由神秘嘉賓為大家獻唱！

另外，1月29日至2月6日透過活動連結，即有機會將Love message投稿去L2中庭嘅LED大屏幕展示，為另一半帶來意外驚喜。活動連結將於圍方指定食肆及官方Instagram公布，大家要密切留意！而2月23至25仲有元宵花燈會，可以一齊玩吓猜燈謎。咁多新春喜慶打卡位同情人節活動，快啲去圍方嘅IG點唱完，再約BB一齊去打卡、食飯同聽歌啦！

「暖.LOVE.LOVE」情歌站

點歌日期：即日至2月2日

方法：喺圍方嘅Instagram投選心意情歌，並於2月14日情人節當日由神秘嘉賓為大家獻唱

「The Wai We Love」空中示愛LED屏幕

提交日期：即日至2月6日

方法：於圍方指定食肆及官方Instagram取得活動連結，即有機會於中庭空中示愛LED屏幕展示浪漫訊息。

圍方官方Instagram：www.instagram.com/thewaimall

更多真實評價

西澳飯阿婆

澳洲攻略

珀斯

💙【西澳之美: 全球最宜居城市之一】🇦🇺

今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。真正住落之後，👵🏻 發現… 珀斯真係好「慢」。大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻‍🦲 「肥人」（哈哈，純粹係當年留學生之間流傳嘅一句玩笑。）但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活

閱讀更多
Chan Zoey

香港攻略

Bingo and Cook

朗豪坊醬油蟹放題！ $498 🦀🇰🇷

❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚鮑魚口感幾彈牙~呢個我都有再叫嚟食🤣 醬油帶子帶子味道正常,醬汁幾入味醬油蝦蝦食落甜甜地🦐仲有蝦膏! 牛油炸雞外皮夠脆,牛油香味濃,熱辣辣最好! 紫菜飯紫菜撈飯,然後可以加埋蟹蓋嘅膏食,好夾❣️ 醬油三文魚三文魚有醬油嘅鹹香味~ 牛肉煎餅煎餅一般,建議食其他嘅小食排骨湯味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹

閱讀更多
Travel Couple

名古屋攻略

Comfort Inn Nagoya Sakae

名古屋核心地區高質酒店

酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡自由自取備品區牙刷､免費化妝水､洗面乳､髮圈,甚至包含男用面膜與入浴劑｡自助行李寄存區二樓設有密碼鎖行李保管區,入住前或退房後均可免費自助存放｡自助洗衣房配備多台投幣式洗烘衣機,方便長途旅行者隨時清洗衣物｡其它基本設施 2 樓大廳設有專用吸菸室､製冰機與飲水機｡交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店

閱讀更多