過年置裝攻略 杏花新城一站式生活購物飲食提案

買運動用品必行Outlet
位於港鐵杏花邨站上蓋嘅杏花新城，「運動區」內有NIKE、adidas、New Balance等等近30個運動品牌，舖面闊落好好行，款式又多，所以被喻為「港島東運動消閒熱點」！

好多運動品牌愈來愈受熱愛街頭潮流人士喜愛，全因佢哋除咗運動用品，近年仲推出咗好多設計時尚嘅服飾，想要型格、休閒風或山系穿搭都能輕鬆駕馭。

採訪當日仲遇到一位喺商場入面Shopping緊嘅街坊，佢介紹American Eagle嘅smart casual服飾，好適合返工同放假。

精選特色食肆 多款美食包羅萬有
杏花新城唔止運動品牌多，連餐飲食肆類型都一樣多元化，為大家提供多個選擇。就算Shopping行到攰都唔使怕，無論係一個人定一班人，都可以提供舒適嘅環境坐低抖吓、食吓嘢補充體力再血拼。

「Someday Oneday」嘅環境同食物都好啱打卡，啱晒一班姊妹閨密Shopping完嚟聚餐、傾偈。

充滿越南風情嘅「安南越式牛肉粉」有多款坊間較少見嘅順化菜式提供畀食客細細品嘗。

大型超市及食材店 應有盡有
每個大商場都必然有大型超市，無論係要辦年貨，抑或想買定食材預備團年飯宴客，街坊亦推介呢度嘅食材店，可以買齊新鮮食品、來自世界各地嘅急凍美食，以及當造嘅時令水果等等，想炮製豐富大餐或打邊爐都無問題。

街坊推介嘅「iEAT」有好多新鮮時令生果、凍貨海產、肉類同埋火鍋料等等。

鍾意食但唔識煮，又或者想追求快靚正即刻食嘅話，「有營雞廚房」有多款急凍包，翻熱就食得，十分方便繁忙嘅都市人。

行完大半日，發現杏花新城除咗係「運動用品消閒熱點」，仲一站式照顧到大家嘅日常需要。嚟緊新年要辦年貨、買餸、買衫褲鞋襪兼約親戚朋友食飯，都可以去杏花新城啦！

（資料由客戶提供）