2024維多利亞公園年宵市場開鑼！今年銅鑼灣維園年宵將從2024年2月4日（年廿五）至2月10日（年初一）舉行，為期7日將雲集8大主題攤位、200檔乾貨攤位、175檔濕貨攤位及4大快餐攤位區，記者今次為大家精選出15大乾貨+熟食檔美食，即刻睇詳情及開放時間啦！
今年位於銅鑼灣的維園年宵市場雲集超過300檔攤位，有齊乾貨區、濕貨區、及熟食區，適逢龍年，乾貨攤位大部分主打「龍」主題公仔、枕頭，而花市亦有多款蘭花、桃花等等供各位選擇，熟食除了港式燒賣魚蛋，最吸睛當然是女僕主題糖蔥餅，還有韓國爆紅牛角包脆脆香港都食到，款式多樣，氣氛比往年熱鬧！
即刻去片
乾貨攤位
乾貨區攤位今年可說包羅萬有，不僅有店舖自製$28 Mirror成員Anson Lo及姜濤應援御守，也有全維園最大風車（$128）；而攤位「揸龍攤」則推出自創開年酒Game套裝（$68起）；攤位「理體有巨龍」亦推出得意「披著龍皮的豬」簡稱：「龍豬」（細公仔$198、中公仔$230～$240）、水豚公仔（$168）及麻雀airpod case（$98）。另外深受大人小孩喜愛的《蠟筆小新》也加入年宵，《蠟筆小新》主題正版商品特賣會將販售多款角色公仔、吊飾、枕頭等，最平$30有交易。
多間學校同學仔今年都各出奇招，以「龍年」作為主題，設計出多款得意龍公仔及生活雜貨，其中張祝珊英文中學主打$78龍枕，合共三種顏色供選擇，現場學生都齊心大叫口號，為商品賣力宣傳。而顯理中學的學生則設計出8款自家製枕頭仔，有大有細，最平$38有交易。香港鄧鏡波書院學生代表就表示，今年特別推出逾十多款龍公仔，及自家設計、印有富黑色幽默字句的水樽，最平細隻版龍公仔$15就有！
花市
今年花市花擋都推出不少優惠筍貨，多款蘭花、桃花、非洲菊、滿天星、紫羅蘭、石中梅都有發售，百合花亦$100有3支，吸引許多人到場揀靚貨。
熟食檔
位置：銅鑼灣門口快餐攤位區
今年靠銅鑼灣門口位置設人氣「女僕懷舊糖蔥餅」，由多位女僕輪流駐場和你施展魔法，大玩新意思，非常吸睛！旁邊位置亦有深受歡迎的「廟街玉子燒」，主打芝士玉子燒、鐵板魷魚、鐵板雞軟骨、安格斯牛柳粒、章魚小丸子等逾10款小食，$40可選1款、$100可選3款。
位置：靠天后快餐攤位區
靠天后的快餐攤位區，今年人流最旺的莫過於是這間「好西正 食好西」“EAT GOOD WEST”，其所推出印有「發」字的「拉絲芝士金幣燒」（$50），不僅好意頭、熱辣辣拉絲打卡一流！另外韓國爆紅牛角包脆脆香港都食到，這裡的「龍角包脆脆」（$30）可選朱古力或芝士口味。而開心果奶蓋豆乳麻薯布甸（$40）每日即整，口感順滑，開心果味濃，值得推介！
快餐攤位也有阿拉伯烤肉（$50/串）、燒茄子（$40/條）、串串香（$60/2串）及一系列燒海鮮，甜點及飲品方面也有懷舊Fusion白兔糖雪糕（$40）、椰皇$50/2個，適合來掃街歎美食！
開放日期：2024年2月4日（年廿五）至2月10日（年初一）
開放時間：
2月4日至6日：08:00~00:00
2月7日至8日：08:00~03:00
2月9日上午8時至 2月10日上午7時
地址：銅鑼灣興發街1號維多利亞公園
入場費：免費入場
交通：
- 港鐵銅鑼灣站E出口，沿記利佐治街步行到維園
- 港鐵天后站A2出口左轉
圖片及資料來源：記者現場採訪報導
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
