沙田$98泰式一人火鍋!3款自家熬製湯底+10款配料/仙氣椰奶凍/新鮮果肉特飲

文: 李沛堯
2024.03.01

記者最近在沙田一泰式餐廳發現超抵食午市火鍋套餐!$98就有齊自家熬製湯底、肉類、海鮮、蔬菜配料及主食,一個價錢可以食匀全部絕對飽肚,CP值超高!而餐廳的小食飲品與甜品同樣高質,想知道更多詳情即睇內文啦。

即刻去片

位於沙田新城市廣場的泰國菜餐廳「四面泰•火鍋」,餐廳環境寬敞,光線充足而且坐得舒服。逢星期一至五的中午11時半至下午5時,餐廳更推出$98午市一人火鍋套餐,值得留意每枱配有的醬料碟和蝦片需收費$15。套餐已包含三選一湯底和主食、四選一肉類、各款配料及跟餐飲品。

首先自家熬製無味精的湯底,有椰奶雞湯、冬陰公鮮蝦、牛板腱清湯三選一,記者建議落配料前一定要先喝碗湯!湯底濃郁順滑,而椰奶雞湯充滿香濃椰子味。套餐固定配料有扎肉、新鮮海蝦、蜂巢豆腐、及蔬菜拼盤。海蝦上桌時仍然新鮮生猛,蔬菜拼盤有娃娃菜、金菇、蕃茄、冬菇等等,份量十足!

套餐內的肉類及主食需自選,肉類有肥牛、牛板腱、黑毛豬、雪花牛小排(+$38)四選一,每份大約有4-5塊,對比晚市散叫(約$150-$200)都算足料。主食則有稻庭烏冬、金邊粉、船麵河粉三款可選,麵條索滿湯汁大滿足,以一人份量絕對豐富且飽肚!套餐亦可以$24加配泰式手打蝦餅和香茅雞翼,蝦餅使用新鮮蝦肉手打好鮮味;香茅雞翼配上各泰式香料非常香口。

而同樣加配的手作飲品(+$28)則由泰國本地人調製,並使用100%果肉製作,讓大家品嚐到真正泰式風味。最後甜品環節賣相超適合打卡,招牌椰奶凍($58)上枱時散發着「仙氣」好吸精,而芒果糯米飯($68)芒果份量豐富不馬虎。

四面泰•火鍋

地址:沙田沙田正街18號新城市廣場一期7樓708號舖

電話26180992

營業時間星期一至日 11:30 - 22:00

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓