一幻拉麵三店買一送一！免費贈送第二碗海老．牛乳蝦湯拉麵/飲品

A美食焚化爐

日本之行

新店限定~海老牛乳蝦湯拉麵 @ 一幻拉麵 ( 銅鑼灣世貿中心 )

大家都知香港人鍾意食日本菜，拉麵都係其中之一，話說曾經心血來潮，同朋友試過一晚之內，食均尖沙咀區三間以［一］字行頭的拉麵店，結果係名氣最大的反而評分最低，有點令人始料不及。 好奇怪，北區想搵間好些少拉麵店真係好難，莫講話壽司店，Omakase更加無得諗，有時感到似係飲食沙漠。 所以一想食好少少，就要老遠跑出城。 今次接完太太放工，就去了銅鑼灣世貿中心三樓的［一幻］新店。 論地點相當就腳，向海的一排坐位，附有USB叉電位，邊食邊充電好方便，望著銅鑼灣避風塘景感覺良好。 餐牌跟其他幾間分店基本一樣，前菜就選了醬燒雞脾菇（$22）及醬油味筍（$15），用來消磨時間最好。 ［一幻］每次開新店，都有限定菜式，而今次推出［海老牛乳蝦湯拉麵套餐］（$138），就只供應到本月底（即五月底）。 今次有點特別，叉燒換成慢煮雞肉，肉質是出奇的軟稔，但湯底卻是濃稠的蝦湯而非雞白湯底，但效果不錯，配料亦豐富，在原有的兩片雞肉外，大大隻褪殼虎蝦，好爽口彈牙，呷一口湯，蝦味香濃不在話下，加入北海道3.6牛乳，更是有種甜滑的質感。 建議大家先喝一口原味湯底，然後再把南瓜蓉撥弄在湯裡，甜美度是進一步提升。 麵條就選了粗麵，而且要求硬身，果然有嚼頭之餘，掛湯的能力不俗，更加避開了淥得太耐而引起鹼水味的問題，滿意度幾高。 而套餐是包含了蘋果味梳打水，都只不過$138，價錢相當合理又夠飽。 太太就點了［特濃蝦汁叉燒拌麵］（$88），同樣地是粗麵底，叉燒則是碎肉粒上，方便拌麵之後每口都享受到叉燒的肉香及油香，粗身麵條再也不是掛湯，而是掛上蝦汁及油香，味覺上呈現更複雜。 太太另選蜜桃果汁梳打（$38）配對，算起來都是百零蚊一位，能夠食到一碗有質素的拉麵，是一點都不貴。  Facebook 專頁 : 一幻拉麵Ebisoba Ichigen Hong Kong Instagram : @ichigenhk   地址 : 銅鑼灣告士打道280號世貿中心3樓L3-07號舖   電話 : 2789 3799   味道 : 4  環境 : 4  服務 : 4  衛生 : 4  抵食 : 4  位置 : 5   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #銅鑼灣 #拉麵 #一幻 #蝦湯 #美食焚化爐 #海老牛乳蝦湯拉麵 (此文章由U Blog 同步發佈至社群)

hkfoodday

香港攻略

一幻拉麵 (新蒲崗店)

🦐 蝦味濃郁！新蒲崗一幻拉麵🍜

最近去咗新蒲崗 Mikiki 嘅一幻拉麵食dinner,身為蝦湯控真係完全抗拒唔到蝦膏香氣!今次試咗佢哋嘅一人獨享套餐,性價比高之餘,味道仲好有驚喜! 🌟北海道牛乳蝦湯拉麵 湯底加入咗北海道牛乳,原本鮮甜嘅蝦湯多咗一份絲滑嘅奶香,好Creamy🤤 我揀咗師傅推薦嘅幼麵,每一啖麵都吸滿晒精華🤤 糖心蛋個蛋黃流心程度啱啱好,撈埋湯一齊食真係無得頂🤤 如果你都係拉麵狂熱分子,特別係鍾意蝦湯底嘅話,下次經過新蒲崗記住去試吓啦!

U Food

著數報料

一幻4月限定豚骨蝦湯拉麵  以超過60kg蝦頭熬煮                                                    

拉麵店「一幻」全新4月限定豚骨蝦湯拉麵登場！每天用上超過 60kg 甜蝦蝦頭熬煮的甜蝦湯底融合豚骨之味，味道濃郁醇香，再配上日式叉燒及溏心蛋同吃，味蕾大滿足！ ✴️限定價 $53 （原價 $82） 📍尖沙咀、銅鑼灣、新蒲崗全日供應   條款及細則： -只供堂食，不設外賣 -收取加一服務費 (收費按四捨五入計算至元位) -不可與其他推廣餐牌、折扣、優惠券或賞味券同用 -圖片只供參考 -如有爭議，一幻拉麵保留最終決議權