尖沙咀咯咯雞韓食店月尾結業 $128無限飲生啤/燒酒兩小時

piggyfoodiedaily

台式料理

旺角高質任食台式火鍋

而家香港任食火鍋真係愈開愈多，但旺角呢間台灣style放題真係幾有心思。佢有三個套餐等級，我哋揀咗lv2海鮮升級版，除咗美國Prime牛頸脊任食之外，仲有蟶子皇、鮑魚、廣島蠔、九節蝦，啤酒、生啤、韓國燒酒全部無限供應，飲到好盡興。 最欣賞嘅係，雖然款式多到眼花繚亂，但餐廳上嘅份量係一粒一粒咁計，咁就可以每一款都試下，唔會浪費又食得多樣化，仲要上菜快，唔漏單，抵讚。花膠雞湯清甜，可以無限加花膠不用另收費。牛頸脊同肩胛肉質靚，肉味濃郁。伊比利亞黑毛豬脂肪分佈平均，食落唔膩，肉香突出。 海鮮方面，蟶子皇長長條好有份量，鮑魚爽口彈牙，廣島蠔蠔味十足，蝦類都新鮮爽彈。配料仲有松露墨魚滑，真材實料；台灣丸類選擇多，脆肉鯇、白鱔片都好受歡迎，幾款手打肉丸水準唔錯。 飲品方面除咗汽水啤酒任飲，仲有特色台式茶飲，好似蜂蜜烏龍茶、柑桔茉莉茶，清香解膩，飲落好舒服。甜品仲有好多名牌雪糕雪條，任食到盡，醬料區仲有shake shake粉可以調味，好特別。 環境闊落，出餐快，晚市基本係兩小時放題，如果想慢慢嘆仲可以升級做無限時。 #台灣菜 #香港美食 #旺角美食 #火鍋放題

foodie_chuu

打卡熱點

Uncle Padak

🇭🇰西環韓食：Happy Hour期間精選酒精飲品只需$48‼️

|蔥絲醬油大蒜無骨炸雞配炸餃子+年糕 炸雞係薄脆外皮+多汁嫩雞嘅完美combo,蒜香醬油帶少少甜,配上大量蔥絲增添口感嘅層次,唔會死鹹,而且無骨食起上嚟好方便🙂‍↕️ 炸餃子外皮酥酥脆脆､唔焗油,餡感紮實🥟 年糕煙韌有咬口,掛上蒜香醬好邪惡🤭 |芝士泡菜煎餅🧀 邊位煎到金黃微焦,中心半軟半糯,切開有輕微拉絲;泡菜嘅酸辣同芝士奶香中和到啱啱好,唔膩但夠滋味🤤 |部隊鍋🍲 配料非常足:午餐肉､腸仔､年糕､泡菜､即食麵一應俱全,越滾越入味♨️ 湯底係微辣帶甜､帶少少煙燻肉香,天氣涼嘅話食落更加舒心🥹 另外飲品方面Happy Hour 4-7pm呢段期間,$48 就可以飲到 cocktail､draft beer､house wine等,炸雞配生啤係基本啦🍻🙂‍↕️ 建議早少少入座咁就可以趁7pm再嗌一杯慢慢飲🍸 覺得有少少缺點係餐廳本身比較開揚,夏天坐近門口位會稍為有啲熱🙈 #社群共創攻略#我的打卡地圖#香港美食攻略#香港購物攻略#香港打卡攻略#UCreator#打卡美食#好去處#chill#炸雞#部隊鍋#韓國料理

U Food

韓國菜

NeNe Chicken炸雞放題大升級   最平$129！送豬手/芝士火鍋

人氣韓式炸雞店「NeNe Chicken」推出炸雞放題，星期一至四最平$129享60分鐘任食炸雞同汽水任飲。想更豐富更可以加$50升級90分鐘任食五花肉+炸雞/韓食放題，多款韓食包括魚糕串、炒年糕、炸醬麵、雞蛋卷等。 3人或以上同行更會送一客迷你豬手或芝士火鍋，記得約定朋友開心share~   NeNe Chicken任食放題 旺角分店：星期一及三 尖沙咀分店：星期二及四 資料及圖片來源：NeNe Chicken