文: 鄺梓晴 , 梁穎心

2024.04.09

由青衣鄉事委員會所舉辦的青衣戲棚一向都大受歡迎，曾吸引不同地區的香港人去了解戲棚文化，重點是有不同類型的美食攤，應有盡有！今年的青衣戲棚將改名為葵青戲棚，並交由葵青民政處接手，響應政府區區都夜繽紛。另外更以大膽創新的方式把傳統的戲棚文化與潮流文化結合，活動集合美食、音樂、市集及表演 4 大元素即睇以下詳情啦。

【2024/4/12 更新】

葵青戲棚開鑼喇！即日起至4月14日（星期日）到青衣體育會運動場就可以感受不一樣的戲棚文化，主辦的葵青民政處將美食與手作市集和傳統戲棚文化匯聚一堂，一次過滿足大家又食又玩的願望！本報記者搜羅了多款小食及手作攤檔推介給大家。當中包括打卡able的文字雞蛋糕、金幣燒、花甲粉、胡椒餅、大福雪糕塔、玉子燒等，望到都流晒口水喇！

點擊圖片放大

2024青衣戲棚開鑼！一連3日掃街美食／傳統手工藝／街舞大賽

原來戲棚係咁好玩，一於今個周末嚟行下。

點擊圖片放大

葵青戲棚2024

地點：青衣體育會運動場
日期：2024年4月12 (星期五)至14日 (星期日)
開放時間：12:00-23:00 (星期日只開放至 22:00)
表演時間：18:00-21:30(星期五) ／ 14:00-21:00 (星期六日)

每年農暦新年完結後，青衣戲棚就會舉行真君誕演戲及天后誕演戲，雖然搭建戲棚演大戲在全港各區都有舉辦，但青衣戲棚未受到城市發展的推進而式微，更加廣泛推動年輕人參與。戲棚的竹棚更是一項快將失傳的非物質文化遺產，師傅們不需任何儀器，只需幾跟竹竿，便可量度出他們整個棚搭建用長闊深，釘子都沒有就把整個能坐一千二百人的戲棚憑空搭建出來。

點擊圖片放大

萬眾期待的美食攤位集合超過 50 款美食，懷舊小吃系列有雞蛋仔、燒章魚、糖䓤餅、冰糖葫蘆、碗仔翅、吹糖、龍鬚糖、糖蔥餅、飛機欖等，一次吃盡兒時味道！而年輕潮流系列必不可少時下年輕人最愛的夜市小食，例如手打檸檬茶、咖喱脆肉鯇魚魚蛋、蒸扇貝、胡椒餅等，與家人朋友回味「舊時的味道」和細嚐「夜市的滋味」。

點擊圖片放大

今年的主題重點在於新舊交融，因此表演節目亦有別於過往的傳統文化表演，反以「潮流音樂會」為題，邀請一眾表演嘉賓演唱及帶來嘻哈說唱表演，當中包括香港網絡歌手安希婷和樂隊 Wkday 等表演嘉賓，另外更有 Childon 潮流當打的脫口秀表演，相信會讓大家笑聲掌聲不斷。除此之外亦將於活動內舉行街舞大賽，讓一眾熱血沸騰的年輕舞者在戲棚台上揮灑汗水。

點擊圖片放大

葵青戲棚 2024

點擊圖片放大

資料及圖片來源︰HKET圖片庫

活動資訊

活動日期2024年4月12日 - 2024年4月14日
地址青衣體育會運動場
青衣

更多真實評價

SZECC2002

港式美食

青衣

過去幾日，去左戲棚

過去幾日,去左青衣戲棚本身無諗住去咖,朋友想去,所以陪佢去見到$100有15串串燒,$100有10隻烤蠔, 又真係忍唔到買下黎試😆😆😆 係2025年4月12日去既,都幾大風,赫親我朋友😆 佢成日話好驚d棚… 我話都搞左咁多年.. #戲棚#青衣

閱讀更多
Sasabb

香港攻略

青衣天后聖母寶誕

香港/青衣戲棚2026|粵劇X夜市小食掃街一次滿足🎉

一年一到,青衣戲棚又再開鑼啦!😆🎭 呢度唔只係有傳統粵劇表演,仲有精彩舞獅､熱鬧花炮,仲可以見識到難得一見嘅竹棚技藝——真係香港傳統文化嘅誠意之作!✨ 話明來到戲棚,最大嘅樂趣就係｢掃街｣啦!現場超過50個小吃攤位,甜品咸食照顧晒你嘅所有口味~🍡🍢 人氣懷舊小食有:雞蛋仔､冰糖葫蘆､龍鬚糖…瞬間回到童年🤣 特色小食方面有:串燒､臭豆腐､泰式煎餅等等,好多平時難搵嘅小食搵得到! 飲品甜品同樣精彩:水果茶､豆腐花､西米露等任君選擇~🥤 至於主食方面,金邊粉､狗仔粉､火雞麵應有盡有,飽到上心口! 雖然白天都有演出,不過最正都係入夜後,夜市燈光閃閃超有氣氛,喺啲燈火通明下打卡,張張都好出片✨📸! 【活動詳情】 📅 日期:2026年4月28日至5月2日(真君誕),5月17日至21日(天后誕) 📍 地點:青衣體育會運動場(青衣青綠街38號,青衣市政大廈旁) 💰 費用:免費入場,打卡又食嘢無壓力! 🕒 時間:建議傍晚嚟,感受最靚燈飾夜市氛圍~ 🚇 交通tips:MTR青衣站B出口,步行10分鐘即到,交通方便到爆! 小建議:活動係露天舉行,記得帶埋帽仔🧢或者雨傘☔以備不時之需｡帶埋朋友家人一齊感受香港正宗傳統節日氣氛,唔止睇戲,仲可以一次過試勻咁多好味小食｡記得預埋相機,夜晚閃爍市集同戲棚景真係chill到不得了~ #香港非遺#青衣戲棚2026 #香港節日 {{hket:campaign display="春日去濕救星"}}{{/hket:campaign}}#ucreator#ucreatorhk#親子好去處#周末好去處#青衣好去處

閱讀更多
chunlammami-Rachel

香港攻略

｛📣📣開鑼｝葵青戲棚傳統文化節2026

一連五天既葵青戲棚開左喇！趁第一日開鑼夜遊一下戲棚，傳統粵劇神功戲有超過50檔掃街美食今年大熱水豚飲品，啲煙又鼻哥隆飄出黎勁攪鬼呀😂，有100蚊10串串串燒抵食、原個西瓜刨冰、四眼佬大湊燒魷魚、泰國炸魚蛋大大粒好食、香蕉煎餅、手工啤、狗仔粉…… 但價錢偏貴，但想行下食下野，感受下傳統氣氛，值得去逛下。日期：2026年4月28日至5月2日地點：青衣體育會球場（青衣警署對面）交通：青衣站 B 出口行10分鐘即達

閱讀更多