位於荃灣西的一間自助式餐廳剛營業已引起社會熱議，超實惠的價錢吸引不少人特意前往試食。餐廳提供早餐及午市自助餐，最平$38就能任食任飲，白飯任裝更不設加一收費！記者一於實試餐廳午市，看看店內餸菜款式以及食物質素如何！
即刻去片
位於荃運工業中心2期的「西灣香飯堂」，未步入餐廳已看到門口招牌7:00-11:30 $38早餐任食、11:30-3:00午餐任食的字眼相當奪目吸睛，重點是單一消費不設加一！步入店內環境闊落，座位間不會過於逼狹。早午市限時45分鐘，場內所有食品、飲品皆可任飲任食。
記者當日午市時段到訪，餐廳提供白飯和約15款菜式，其中特別有考時間功夫的潮式滷水：市面少見的豬大腸、滷水腩肉、炆牛腩等，豬手超大一隻，足足有我拳頭大小。而餸飯必備的蕃茄炒蛋、時菜、香脆炸魚都挺受歡迎，一出爐即獲食客排隊夾餸。
另設自助飲品區，現場所見提供了咖啡、奶茶、豆漿，凍熱皆有。不過當日就未見有門口招牌所寫的甜品，如炸鮮奶、紅糖糍粑及香芋紅薯丸等等。而整體食物質素不過不失，勝在性價比極高，絕對是附近打工仔及街坊的飽肚之選。
點擊圖片放大
西灣香飯堂
地址：荃灣大涌道荃運工業中心2期地下
時間：早餐 07:00-11:30、午餐 11:30-15:00
價錢：早餐$38、午餐$58
活動資訊
- 地址 荃灣大涌道荃運工業中心2期地下
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
