西貢天后寶誕廟會開鑼！一連5日！集合100個攤檔/粵劇表演/舞龍獅麒麟

Winnie777

打卡熱點

一年一度嘅青衣天后寶誕 又係好多傳統文藝手作品同傳統食品可以買嘅時候 仲可以睇粵劇添 #擊退皮膚初老徵兆

Sasabb

香港攻略

青衣天后聖母寶誕

香港/青衣戲棚2026|粵劇X夜市小食掃街一次滿足🎉

一年一到,青衣戲棚又再開鑼啦!😆🎭 呢度唔只係有傳統粵劇表演,仲有精彩舞獅､熱鬧花炮,仲可以見識到難得一見嘅竹棚技藝——真係香港傳統文化嘅誠意之作!✨ 話明來到戲棚,最大嘅樂趣就係｢掃街｣啦!現場超過50個小吃攤位,甜品咸食照顧晒你嘅所有口味~🍡🍢 人氣懷舊小食有:雞蛋仔､冰糖葫蘆､龍鬚糖…瞬間回到童年🤣 特色小食方面有:串燒､臭豆腐､泰式煎餅等等,好多平時難搵嘅小食搵得到! 飲品甜品同樣精彩:水果茶､豆腐花､西米露等任君選擇~🥤 至於主食方面,金邊粉､狗仔粉､火雞麵應有盡有,飽到上心口! 雖然白天都有演出,不過最正都係入夜後,夜市燈光閃閃超有氣氛,喺啲燈火通明下打卡,張張都好出片✨📸! 【活動詳情】 📅 日期:2026年4月28日至5月2日(真君誕),5月17日至21日(天后誕) 📍 地點:青衣體育會運動場(青衣青綠街38號,青衣市政大廈旁) 💰 費用:免費入場,打卡又食嘢無壓力! 🕒 時間:建議傍晚嚟,感受最靚燈飾夜市氛圍~ 🚇 交通tips:MTR青衣站B出口,步行10分鐘即到,交通方便到爆! 小建議:活動係露天舉行,記得帶埋帽仔🧢或者雨傘☔以備不時之需｡ 帶埋朋友家人一齊感受香港正宗傳統節日氣氛,唔止睇戲,仲可以一次過試勻咁多好味小食｡記得預埋相機,夜晚閃爍市集同戲棚景真係chill到不得了~ #香港非遺#青衣戲棚2026 #香港節日 {{hket:campaign display="春日去濕救星"}}{{/hket:campaign}}#ucreator#ucreatorhk#親子好去處#周末好去處#青衣好去處

花木子

節日限定

錦田鄉十年一屆酬恩演戲暨美食嘉年華

「百年傳承。十年一會」錦田酬恩建醮暨美食嘉年華

分類:#花木子hk 元朗錦田呢幾日真係熱鬧到癲🎭 ｢錦田鄉十年一屆酬恩演戲暨美食嘉年華｣ 現場唔止有神功戲連演7日,成個氛圍滿滿鄉土情懷~ 仲有幾日就完啦👻有興趣嘅朋友仔記得把握時機,唔係就要等10年啦‼️ 👍🏻最震撼一定係由健力士世界紀錄認證🌟｢全球最大臨時竹構祭壇｣ 改建而成嘅大戲棚😳用咗超過25,000支長竹､3,500支大杉,十幾位師傅花兩個幾月搭起,約五層樓高,仲拎到健力士世界紀錄認證tim🎋 小編由細到大一直都好佩服竹棚建築🌸絕對係我心目中既香港非遺☺️終於可以欣賞吓咁宏偉嘅建築🤩 錦田建醮原來可追溯至清初,康熙二十四年(1685年)起｢十年一屆｣,至今340年,連1945年戰亂都冇停辦｡雖然儀式未列入非遺,但戲棚搭建技藝已被納入香港非物質文化遺產代表作名錄❗️ 官方資料庫提到,戲棚以竹木臨時搭建,用作上演｢神功戲｣或作宗教儀式之用,不但可以｢隨建隨拆｣,非常靈活,而且蘊含力學及人體工學‼️Respect🫡 🍡傳統美食:茶果､老婆餅､芝麻卷､麥芽糖餅､冰糖葫蘆等 🎶神功戲:每日兩場(13:00/19:30),鴻運粵劇團演《紫釵記》《帝女花》等經典作品 🌼實測後記🌼 🌸食物種類多,但排隊需時,記得唔好完全空肚去呀 🌸美食檔訊號收得麻麻📡 袋定多啲Cash 🌸神功戲19:30,約18:00現場免費派飛,一定有飛先可以入戲棚 ❗️ 初初勁失望🥹around 21:30撞正散場,可以自由進出🤩竹棚大顛‼️真心dope🫶🏻再坐多陣原來重有戲上演👏🏻👏🏻 🌸圖5 可以影晒戲棚2邊燈牌,攝影位置:流動洗手間🚾 左邊空地 錦田鄉十年一屆酬恩建醮暨美食嘉年華 日期:2026年1月17–23日 時間:11:00–20:00 地點:元朗錦田水頭村周王二公書院 #香港傳統文化#竹棚戲棚 #香港好去處#傳統美食#傳統#神功戲#十年一遇#十年#粵劇#竹棚祭壇#錦田酬恩建醮#錦上路#元朗#錦田#香港攝影#期間限定#節日限定