文: 黎穎琛

2024.06.06

誰說只有小朋友才可以玩波波池？香港首個專為成年人度身而設的發光動感波波池雞尾酒吧正式登陸中環！全場佔地2,000呎，以超過75萬個半透明、幻彩光影波波打造700呎LED大型發光室內波波池，波波池旁邊更設有特色雞尾酒吧，有齊多款特色cocktail超啱打卡，即睇記者試玩報告！

即刻去片

為期6個月期間限定波波池雞尾酒吧 GlowBall 正式登陸中環，全場佔地2,000呎，以超過75萬個半透明、幻彩光影波波打造700呎LED大型發光室內球池，波波池深度彷如躺在海洋中暢遊，身型較小的女生站立時波波會淹至膝蓋位置，led燈從四周投射到波波池，波波不停變色，令人瞬間重拾童心！可以盡情在發光波海大玩特玩！場內所有波每日進行消毒潔淨，每週會為球池進行深層清潔，為確保池內安全，建議穿著舒適鞋子，禁止穿著細高跟鞋、拖鞋、赤腳或只穿襪子等進場，旨為讓大家可以放鬆心情，盡情沉浸在GlowBall波迷世界當中！

點擊圖片放大

場內選用神秘又型格黑色作為牆壁畫布，把獨一無二的數位壁紙及圖案投射其中，營造新穎視覺享受，增添現代感的夢幻氛圍，同場逢星期五及星期六晚上8時開始現場DJ表演，場內還設有特色雞尾酒吧，有多款酒精及無酒精飲品喜歡飲酒的朋友必試加入珍珠的cocktail，另一款會變色的熱情果味雞尾酒都十分適合拍照打卡！

+11

+10

點擊圖片放大

大家玩完更可在牆壁留低感想，記錄與朋友的開心回憶，GlowBall逢星期二至星期六營業，時間為下午4時開始至午夜時段，為確保有更舒適的玩樂空間，波波池每節可供不多於30人入池暢玩；票價方面，每張售價為HK$98至HK$188，每節時段可選60分鐘或90分鐘，想一班朋友放工或假日來玩記得提早於網站購票啦！

點擊圖片放大

Glowball Hong Kong

地址：中環荷李活道49號鴻豐商業中心2樓

營業時間：

2024年5月23日開始，活動為期6個月

星期二至星期四及星期六，由下午4時至午夜12時

星期五，由下午4時至凌晨1時

逢星期日及星期一休息

門票內容：

每節時段可選60分鐘或90分鐘，每張售價為HK$98至HK$188

門票接受網上預訂及少量門票於現場發售

同場加映：【香港周圍遊】最新影片

來源：Glowball Hong Kong

活動資訊

日期2024年5月23日起
地點
中環

更多真實評價

DoubleJDiary

親子

CHILDLIKE 童心樂園 (荃灣)

落雨都跑！8000呎樂園放電💨😆

落大雨冇得去戶外跑跑跳跳,困喺屋企真係準備拆天 🆘為咗媽媽我耳根清淨,急急腳帶咗｢串燒三兄弟｣直闖荃灣 D·PARK 嘅 Childlike 兒童樂園拔足狂奔 🏃‍♂️💨 好彩呢度足足有 8,000 呎咁大 18 個玩樂區完全夠晒空間俾佢哋發洩無限精力! 👦 JJ最愛:MR 互動體驗區,打機感十足,放電一流! 👦 JAYSON強推:室內鴨仔小船漂流,落雨都可以玩水上活動 🦆 👦 JAYDEN沉迷:超巨型波波池同沙池,玩到成身汗都唔捨得走! 三個男仔一齊玩真係少啲體力都唔掂,好彩有呢個室內神仙地方💓 kkday優惠購票傳送門:https://t.ly/Wh4Nn @childlikekidgroup 📍 荃灣愉景新城 1029 號鋪 Childlike 童心樂園 #落雨好去處#放電神地#串燒三兄弟#荃灣Dpark#Childlike童心樂園

閱讀更多
安妮媽媽

親子

【又靚又好玩的兒童室內遊樂場】

【又靚又好玩的兒童室內遊樂場】嘩嘩嘩！兩兄弟一邊玩一邊話好開心！講緊既係荃灣愉景新城內全新開幕既「童心樂園」，佔地8000幾呎，場地勁大，裝修設計好有童真，成間都色彩繽紛，影相一流。呢間兒童室內遊樂場仲有香港少有既遊戲設施玩，就係小船漂流喇，兩兄弟都好鍾意坐船仔呀！ Aidan就對混合虛擬實境體驗好有興趣，可以體驗一下警察既工作，又可以試下練習射槍。當然唔少得跳彈床體感運動啦！放電一流！另外仲有弟弟最愛既超級市場和波波池，超級市場內有好多唔同種類既食物，又有手推車仔，佢玩到唔捨得走呀！氣球區就啱哂一班小朋友係入面狂叫狂跳，歡笑聲不斷！場內有大型滑梯，都幾快幾刺激架！也有兒童沙池、角色扮演區、迷宮區和滑軌區等，真係好多野玩！你哋睇相就知喇！場內仲有兩間好靚既VIP主題房，可以俾小朋友開生日會，邊玩邊慶祝，一定會好開心！「童心樂園」真係好好玩，門券都係由$150起，兩兄弟都玩得好盡興，你地都快啲帶小朋友去盡情放電啦！ ————————————— 歡迎連絡安妮媽媽： Facebook專頁：安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com #親子好去處 #兒童遊樂場 #室內好去處 #室內遊戲室 (此文章由U Blog 同步發佈至社群)

閱讀更多
MrsPIG

親子

Wonder Valley Playhouse

皇室堡超正遊樂天堂 🧸🤩

Wonder Valley 正式進駐皇室堡,呢度唔單止方便,啲設施仲好啱小朋友打卡同玩餐飽｡最吸引嘅一定係嗰個大型波波池,仲有小朋友最鍾意嘅公主衣櫥可以換衫變身,玩埋沙池､單車,直頭可以由朝玩到晚｡除咗跑跑跳跳,呢度仲有主題彩繪同工作坊,動靜皆宜,小朋友次次去都有新鮮感!

閱讀更多