香港黃金海岸酒店自助餐買1送1優惠！$222起任食戶外燒烤區／冰鎮海鮮／蟹腳 父親節自助餐都有

samanthaaachow

香港攻略

尖沙咀YMCA酒店嘅再臨閣最近搞咗個「泰 Chill 自助晚餐」🍴 一入去就feel到好有泰國風情，氣氛好輕鬆舒服，好適合同朋友或者家人一齊慢慢歎！當晚仲有泰藉米芝蓮大廚示範多款菜式！ 冷盤方面真係幾有驚喜，泰式金柚蝦沙律清爽開胃，泰式魚乾西瓜沙律甜甜鹹鹹好特別，仲有無骨鳳爪沙律好爽口😋 熱葷就更加吸引，黃金炒海鮮好香口，火山排骨勁惹味，炸軟殼蟹外脆內嫩，泰式馬沙文羊肉咖喱香濃又入味，每一款都好有水準🔥 即煮檔仲有現煎虎蝦同布吉街頭小食串，配埋泰式酸辣汁，真係好正，食到停唔到口🦐 甜品選擇超多，芒果糯米飯同椰汁糕好有泰國特色，榴槤芝士蛋糕同榴槤心太軟就係榴槤控必試，班蘭戚風蛋糕好清香，食到好滿足🍰 海鮮迷一定要留意，有九款冰鎮海鮮任食，波士頓龍蝦、雪場蟹腳、琵琶蝦全部都好新鮮，星期五六日仲有麵包蟹，真係海鮮天堂🦞 總結嚟講，「泰 Chill 自助晚餐」真係好值得試，食物選擇多又有特色，仲有米芝蓮泰廚坐陣，保證唔會失望✨ #Chill賞任食狂歡

Angela Lau

香港攻略

普慶餐廳 - 逸東酒店自助餐

普慶餐廳全新自助晚餐「普慶食為鮮」

細佬最近很辛勞,作為姐姐既我要去慰勞一下呢隻小社畜😌喺klook 見# #逸東酒店#普慶餐廳#theastor推出新一輪自助晚餐｢普慶食為鮮｣ 有生蠔､蟹腳､麵包蟹任食,晚市仲有每位奉上魚子醬一份同埋法式焗龍蝦尾,都真係幾吸引🤩 普慶餐廳既自助餐一直都好受歡迎,款式出名好多!自助晚餐分為七大區域,海鮮區最為人所喜愛,生蠔､麵包蟹蟹腳､小龍蝦等等人龍不斷! 日式區除左有刺身壽司之外,仲有除炸天婦羅,配有多種調味粉,全部熱辣辣! 熟食區有逸東燒味,米之蓮叉燒都有提供,如果要靚部位就要看看手快程度了😂另外,脆皮燒肉腩都係出色之作,爆脆外皮做得好好,燒牛肉好香夠滑! 東南亞區有廣式雲吞做代表,仲有泰式燒烏頭,沙嗲豬頸肉､雞翼串燒,仲有燒大蝦,極之豐富! 甜品區款式琳瑯滿目,如果是甜品控必定好開心,中式甜品有豆腐花,杏仁露,西式有唔同種類蛋糕仲有千層雪糕批,班蘭蛋撻都廣受歡迎,另外有即製窩夫🧇,隔離位置有Movenpick雪糕,有十多款口味,可以直接加埋落窩夫DIY一下! 如果是飲啤酒的朋友更有驚喜,有 #鬼佬涼茶,好少見有依類 #啤酒提供, 幾有特式! Klook 購買連結🔗 https://www.klook.com/zh-HK/activity/85761?aid=14983%20 #foodiehkig#hkfoodblogger#hkfood#lifestyle#foodiesofinstagram#hkfoodpic#香港探店#ufoodphoto#ufoodvideo#UCreatorHK#BESTFOODwithUCreator#ULifestyleApp # UCreatorBuffetFeast 📍普慶餐廳 (佐敦) 佐敦彌敦道380號香港逸東酒店B1樓 Follow me💪 Follow me🌟 Follow me🫶🏻 如果喜歡我既分享,請給我的post♥️及追蹤我@foodie_milktea_hk,謝謝支持💕

gourmetmapp

香港攻略

半島酒店

半島自助餐☕️全港最貴$1XXX自助餐值唔值？

香港自助餐界頂流!半島酒店露台餐廳,橫跨一個世紀既𝐁𝐮𝐟𝐟𝐞𝐭係咩滋味?今晚一於與你去半島入夢✨ #半島#香港#自助餐 ▻ 露台餐廳自助晚餐 (𝟔:𝟎𝟎-𝟗:𝟒𝟓𝐩𝐦) (𝗛𝗞𝗗𝟭𝟮𝟲𝟱) ▻ 凍海鮮 - 日式醬油鮑魚､青口､海螺 ★★★★★ 第一次見凍海鮮有醬油鮑魚,質地結實彈牙,醬油煮得都幾入味,用心之作｡青口都係罕見地係鮮味,而唔係一舊冇味既物體｡海螺十分爽口,唔黏無腥味｡ ▻ 凍海鮮 - 龍蝦尾 ★★★★★ 🄼🅅🄿 代表之作!入口鮮嫩多汁,咬落去嘅瞬間係真係會爆汁,肉質爽口有彈性,極級新鮮,小編去過咁多間自助餐,係得半島既龍蝦做到呢個水準｡ ▻ 剌身 (三文魚､吞拿魚､油甘魚､八爪魚) ★★★☆☆ 刺身嘅款式就相對普通,雖然質素唔錯(尤其三文魚､油甘魚,肥美可口),但去到呢個價位,小編期望至少應有帶子､三文魚籽､甚至拖羅,呢度未有提供,刺身位係有少少遺憾~ ▻ 湯品 (中湯､周打海鮮湯､法式海鮮湯) ★★★★☆ 湯品表現優良,中湯鮮甜清香,周打海鮮湯奶油香味濃郁,法式海鮮湯即席烹調,帶有酒香且能夠協調牛油蕃茄香味､湯底醇厚,每款湯都有記憶點｡ ▻ 肉檔 (燒牛肉､威靈頓三文魚､燒羊架) ★★★★☆ 燒羊架狀態滿分!有羊味且熟度恰到好處,威靈頓三文魚酥皮外脆內嫩,燒牛肉亦都好重肉味,不過牛可以再生少少｡ ▻ 甜品 - 半島雪糕櫃 ★★★★★ 三款自家製雪糕,口味款式可能唔及其他酒店,但質素絕對頂級｡雲呢拿食到有香籽,香草味濃厚;雪葩質感輕盈,鮮果味鮮甜開胃｡朱古力都做得好醇厚｡雪糕口味會按時間更新,不妨多行幾轉,隨時遇到驚喜口味,所以實際選擇其實唔止三款｡ ▻ 甜品 - 紐約芝士蛋糕､巴斯克芝士蛋糕 ★★★★★ 蛋糕係老牌酒店嘅傳統強項,半島當然唔例外｡紐約芝士蛋糕做到極濃嘅芝士質感,但又唔會過分油膩;巴斯克芝士蛋糕有唔同口味,小編當日試左開心果,味道非常突出,Cheesecake迷絕對唔會失望｡ ▻ 甜品 - 馬卡龍､半島朱古力 ★★★★★ 馬卡龍做得相當有質感:表皮香脆輕盈､核心餡料微黏結實｡朱古力同樣外脆內軟,中間仲有少少流心效果｡ 露台餐廳自助區域好細,但請相信小編既食量——你仍然無可能會試得晒全部款式,因為絕大部分都好有質素,而且食得出用料優良,真材實料｡ 服務亮點✨ 服務係其他自助餐難以追上嘅水平——侍應遞濕紙巾時會預先撕開半邊包裝,全晚固定巡場主動留意客人需要,最印象深刻係自助區雪糕檔廚師行開咗,對面切肉師傅見到我企喺度會立即過嚟補位｡呢種服務令到同為服務業出身既小編都深感佩服｡ 百年品牌並非浪得虛名,半島自助餐絕對係人生必來一次既深刻體驗｡ 🥘餐點 🌕🌕🌕🌕🌗 𝟒.𝟓 💁服務 🌕🌕🌕🌕🌕 𝟓.𝟎 🎻環境 🌕🌕🌕🌕🌖 𝟒.𝟖 🪙划算 🌕🌕🌕🌕🌘 𝟒.𝟐 📍露台餐廳|尖沙咀梳士巴利道𝟐𝟐號香港半島酒店𝟏樓 #尖沙咀#buffet