荃灣民豐粉麵行排隊攻略！開心果糯米糍指定時間發售 每人限購兩打
民豐粉麵行排隊攻略！荃灣民豐粉麵行$6開心果糯米糍早前一推出，已引發一連串的排隊熱潮，大批食客湧至門市搶購，以致連日來都大排長龍。民豐粉麵行最新宣布，取消早前設立的分流措施，全部口味糯米糍將每日統一時間發售，每人限購兩打。
近年開心果口味產品大熱，連荃灣人氣老字號「民豐粉麵行」早前亦推出全新口味開心果糯米糍，吸引大批市民湧至門市搶購，隊龍相當誇張。
（6月17日更新）民豐粉麵行因應購買人數眾多，曾一度為客人作出分流時段。不過，店舖捧場客持續不斷，民豐最新宣布取消分流時段。
▼荃灣民豐粉麵行大排長龍▼
民豐表示，過去兩星期嘗試推出不同的分流措施，惟都未見成效，為減低對鄰近商舖與住客的影響，小店將取消原本「12:00至13:00」的分流時段，所有口味的糯米糍一律會於每日13:00開售，每人限購2打（24件）。
小店指出：「我哋嘗試過使用GULU派籌，但無奈實在太多拎住飛嘅客人企係路中間，負責管制人流嘅妹妹叫唔郁啲客人靠邊企，比起排隊更難管控，阻塞嘅程度係更擾民，我哋都想盡快落實到呢個措施令客人輕鬆啲。」呼籲大家盡量幫忙，留空各出入口及行人通道。
民豐粉麵行本月初曾宣布，6月3日起設有分流時段，$6系列由早上10時延至中午12時開始，$12系列則由下午1時開始，$600起可以預訂。目前有關措施取消。
荃灣民豐粉麵行「排隊攻略」增設4條隊伍
民豐粉麵行早前亦曾公佈「排隊攻略」，盡力縮短市民到店的排隊時間。店方表示，店舖將設立4條隊伍，分別為1號隊、2號隊等，如此類推。
▼買糯米糍需排指定隊伍▼
為方便部分顧客，店方指出「大肚媽媽係唔洗排隊」，同時又提醒廣大食客，購得的糯米糍要即日食用，兼不可以放入雪櫃，建議「食得晒先好買」。
▼糯米糍供應時間表（舊版）▼
至於購買糯米糍以外的產品，包括栥飯、茶粿、端午糉、水餃或湯圓、煎韮菜餅等，則分別可以前往2號隊伍至4號隊伍排隊。
▼栥飯/茶粿/端午糉/麵/包/燒賣▼
▼雲吞/水餃/湯圓▼
▼煎韮菜餅/煎餃/煎蘿蔔糕▼
今次民豐粉麵排隊攻略安排獲部分市民熱讚，認為「分開幾條隊排隊，以免混亂」。不過對於誇張人龍，有人直言「我其實係想買雲吞 ，但是貴店門口條人龍令我怕怕」、「以前我去食，係完全唔使排隊」，寧願待熱潮過後再來購買。
▼網民咁講▼
地址：荃灣荃灣街市街35號
營業時間：08:30 - 22:00
電話：2492 6860
資料及圖片來源：Facebook@民豐粉麵行、小紅書@mee、Facebook@民豐粉麵行
-
打卡熱點
荃灣嘅民豐粉麵行嘅招牌爆餡糯米糍自推出就大受歡迎，每日賣出高達6000粒 週末下午排隊大約等咗20分鐘，而家韭菜餅同糯米糍係分開排隊，如果買其他嘢就可以直接入去，整體流程都幾快 開心果、榛子同腰果糯米糍，每款$12一粒，其他口味就大概$6一粒，記得要帶現金！！ 糯米糍大粒飽滿，外皮煙韌軟熟，一咬就爆餡，開心果味雖然偏甜少少，但都食到好香嘅堅果味，榛子味同腰果味就無咁甜，食得出堅果香，花生味似糖不甩，芝麻餡都好香口，而豆沙餡微甜，仲可以食到粒粒紅豆，建議買完後即日食，避免影響口感同味道，千祈唔好放入雪櫃！ 最後喺比錢時順便加購咗一粒眉豆茶果，返到屋企加熱一下再食，糯米皮同樣煙韌，餡料調味都唔錯！ #每日都滿滿能量
閱讀更多
-
甜品
民豐粉麵行
## 癲到為咗糯米糍放棄食飯 🤪
真心覺得自己好癲 食飯時間一個鐘 我為咗呢個糯米糍我犧牲食飯時間 去排隊買 1:00pm 開賣 未多1:00pm 已有10個人排隊 好在都係排左三個字左右~ 就買到了! 買左開心果,花生同芝麻 全部都好好食! 果然老字號 又足料大大粒 超足料 直情爆料呀 好好味道! #hahaarmuiha#哈哈亞梅哈#開心果#開心果糯米糍#荃灣美食#民豐粉麵行#民豐粉麵行糯米糍#hkfoodie#相機偷食先 😋必食攻略1: 💬 簡介: 大大粒超足料糯米糍 必試招牌菜: 開心果糯米糍 👍 推薦指數:👍👍👍👍👍 📍 地址:民豐粉麵行 (荃灣) 荃灣荃灣街市街35號地舖 🚉交通: 港鐵荃灣站B1出口
閱讀更多
-
中式料理
劉興記 生煎包
特色口味生煎包真實食評🦀🦐
早幾日我妹夫交收搵個地方坐低食下午茶 真係求其喺荃灣搵個地方 知佢係賣生煎包仲見到有蟹黃同瀨尿蝦口味嗌嚟試下 一嚟到就有豆漿仲有免費添飲😧係幾香豆味 跟住都未出post就見到勁多人寫緊呢間嘢😅 可能賣廣告？自費食既就有底氣寫真話😉 不過有人請我都會照講真話既咁就😂 佢個鮮肉同埋蟹粉生煎都幾好食 特別係個蟹粉非常之足料 佢個獨家然後好多人吹捧嘅瀨尿蝦我就覺得麻麻地 有少少吹大左 有機會我會再試一次 公平啲講就係每一粒都真係爆汁同埋新鮮熱辣嘅 但個底皮其實都幾厚下所以食完好飽 經過食下無妨 下次想試佢麵食 佢開正在荃灣好出名賣糯米糍嘅民豐隔離 所以人流好旺 劉興記生煎包專門店 荃灣荃灣街市街37號地舖 用餐日期 ： 21Apr 味道：⭐⭐⭐⭐ (5星為最滿意) 環境：⭐⭐⭐ 服務：⭐⭐⭐⭐⭐ 性價比 ：⭐⭐⭐⭐ #劉興記.#生煎包#荃灣#中菜餐廳#打卡美食#UCreator#新界美食
閱讀更多
港生活人氣本地熱話
《U GO》送您獵魔女團一周年周邊！💟
超可愛Derpy公仔😍人氣女團小卡／卡貼
【立即睇！】全港多個親子好去處推介～
搵好去處