荃灣民豐爆紅開心果糯米糍！$6起嘆芝麻、花生、開心果、榛子口味
最近網絡上不斷流傳爆紅荃灣開心果糯米糍，不但味道好食，價錢亦超便宜，更聽聞有不少街坊為它排兩至三個鐘隊！民豐粉麵行糯米糍由中午12時開賣，一共有5款口味，包括芝麻、開心果、榛子口味，$6起就可以嘆到，而糯米糍於6月3日開始限購，每人限購2打(24粒)，今次記者帶大家一起去試試！
最近有市民在社交平台群組「全港排隊人龍關注組」發帖，分享到荃灣民豐粉麵行，排隊購買爆紅開心果糯米糍，圖中可以看見購買隊伍排大隊，超級多人！
▼原帖▼
民豐粉麵行位於荃灣街市街，已經有60多年歷史，店舖主要售賣韭菜餅、栥飯、茶粿等，端午節更會賣糭子。而最近民豐粉麵行推出了糯米糍，一共有5款口味，包括芝麻、開心果、花生、榛子和豆沙口味，糯米糍大大粒，皮薄之外餡料勁多全部人手製作，每日即場包製，最平$6一粒，而熱門口味超抵食開心果和榛子和也只需要$12，性價比極高！
即刻去片
民豐粉麵行由6月3日開始限購，每人限購2打(24粒)，$6系列(花生、芝麻和豆沙)會由10點延至12點開始開賣，而下午1時才有$12系列(開心果、榛子)，預訂最低消費則只需要$600！記者12時到達現場，一早已經有大批街坊排隊等開賣，十分誇張！味道方面，開心果味超濃烈，甜度適中；花生味有超多花生粒，味道好香，小編亦超推介芝麻味，芝麻口感幼滑；而喜歡甜食的朋友，可以選擇豆沙或榛子口味，味道超濃，大家又會去排隊購買嗎？
民豐粉麵行
地址：荃灣街市街35號
電話：2492 6860
來源：Facebook@全港排隊人龍關注組、FB@民豐粉麵行
（6月17日更新）民豐粉麵行因應購買人數眾多，曾一度為客人作出分流時段。不過，店舖捧場客持續不斷，民豐最新宣布取消分流時段。
▼荃灣民豐粉麵行大排長龍▼
民豐表示，過去兩星期嘗試推出不同的分流措施，惟都未見成效，為減低對鄰近商舖與住客的影響，小店將取消原本「12:00至13:00」的分流時段，所有口味的糯米糍一律會於每日13:00開售，每人限購2打（24件）。
小店指出：「我哋嘗試過使用GULU派籌，但無奈實在太多拎住飛嘅客人企係路中間，負責管制人流嘅妹妹叫唔郁啲客人靠邊企，比起排隊更難管控，阻塞嘅程度係更擾民，我哋都想盡快落實到呢個措施令客人輕鬆啲。」呼籲大家盡量幫忙，留空各出入口及行人通道。
地址：荃灣荃灣街市街35號
營業時間：08:30 - 22:00
電話：2492 6860
資料及圖片來源：Facebook@民豐粉麵行、小紅書@mee、Facebook@民豐粉麵行
活動資訊
- 日期2024年6月7日起
- 地點
-
打卡熱點
民豐粉麵行
荃灣大熱開心果糯米糍💚
今日難得嚟荃灣,見之前好多人介紹過開心果糯米糍,咁梗係去試吓啦!離地鐵站都唔算好遠,大約下5分鐘到,見到有條隊唔使驚,排咗唔使10分鐘就輪到我哋了😆 開心果糯米糍 $12/1 糯米糍皮好食,個皮幾薄同埋都軟熟,入面有好多開心果餡!佢呢款唔係開心果醬嗰種餡,係開心果碎加砂糖｡我新鮮嗰陣時食,反而覺得佢係開心果幾香唔係好濃,同埋都幾甜😂但係反而我喺屋企雪咗一晚第二朝拎出嚟食,雖然個皮冇咁軟滑,但係我覺得個開心果味濃幾多!💚 如果經過荃灣嘅話可以買,$12嚟講都CP值高!其實我仲買咗榛子味,但係我覺得正正常常only未?算話一定要回購,都係開心果味好食啲!下次會想再試吓芝麻同埋花生🥰 📍民豐粉麵行 #日玩夜玩#秋季必備湯水#轉季好物#ucreatorhk#momentswithucreator#bestfoodwithucreator#ucreator#打卡美食#好去處#chill#相機食先#打卡#香港美食#全新景點#港玩港食#hkfoodie#momentswithucreator#hkfood#荃灣美食#荃灣好去處#荃灣
閱讀更多
-
港式美食
民豐粉麵行
實測：荃灣民豐粉麵行招牌爆餡糯米糍✨
在荃灣住了一段時間,一直都想慕名試下荃灣老字號｢民豐粉麵行｣的招牌爆餡糯米糍,尤其是開心果味😆 今日終於扚起心肝去買,但完全估唔到要大.排.長.龍😱 為既就是買糯米糍!我哋今次足足排左半個鐘多啲! 最後買哂4個口味｡ 首先,外皮煙韌軟熟,餡料真的非常澎湃! 1. 開心果味 $12/件 是早前首度推出限定,反應相當熱烈的新口味❣️開心果味突出,眼前一亮✨ 好彩買了2件,大推👍🏻👍🏻👍🏻 2. 芝麻味 $6/件 芝麻餡食落好香口,芝麻味濃郁,$6實在太值得食!也非常慶幸買了2件🥳 3. 榛子味 $12/件 也是新口味,滿心期待會好好味,但是榛子味不夠突出😮💨 比較失色｡同樣$12,我會選擇開心果味｡ 4. 花生味 $6/件 本人其實不太喜歡食花生,但呢個糯米糍的花生餡是非常香口細緻,花生味濃郁｡經典真是經典｡ 💭總結,開心果>芝麻>花生｡爆餡糯米糍果然名不虛傳!大家如果經過又唔算長龍,記得買一盒返屋企食😚 不過最好即日食哂,因為我留返2件翌日早上食,已經無咁香了~ *-｡-｡-｡-｡-｡-｡-｡* 推介度:❤️4.5/5 CP值:👍🏻4.5/5 好味指數:👅4.6/5 *-｡-｡-｡-｡-｡-｡-｡* #荃灣美食#街市街#民豐粉麵行#糯米糍#爆餡糯米糍#開心果控#開心果糯米糍#芝麻糯米糍#花生糯米糍#榛子糯米糍#排長龍係有原因嘅#相機食先#不專業食評#hkfoodie#foodie#hkigfoodie#hongkongfoodblogger
閱讀更多
-
甜品
民豐粉麵行
香港超人氣開心果糯米糍
香港超人氣開心果糯米糍 位於荃灣的老字號-民豐粉麵行 深受街坊歡迎~ 近日爆紅開心果糯米糍現排隊人潮😆 芝麻糯米糍 花生糯米糍 榛子糯米糍 開心果糯米糍 粒粒爆餡!超足料 芝麻口味也很推! 除了人氣糯米糍,還有: 韮菜餅 蘿蔔糕 雲吞水餃 湯圓 粢飯 糭etc!! #開心果醬#香港美食#荃灣好去處
閱讀更多
港生活限時優惠情報
《U GO 》請您去CON-CON HONG KONG 2026！
超強音樂陣容＋動漫IP沉浸式體驗🔥
《U GO》請您去Central Yards中環藝嚐展！
↓一齊開展一場睇得👀又食得😋嘅藝術展覽啦↓
假日好去處