Dough Bros免費派招牌炸冬甩！限定一日全線分店拎到！

cindyho

打卡熱點

Dough Bros. Pizza

拉絲Pizza x 爆漿Doughnut

Dough Bros越開越多分店,原來朗屏都開咗,其他分店大多數只做外賣,呢間分店有幾張枱堂食添!今次點咗個2-4人分享套餐,$378包括兩個Pizza､三個冬甩,仲有兩杯飲品,所有食物即叫即整,新鮮熱辣 🍕The Pepperoni Supreme 由番茄､水牛芝士､辣肉腸､意大利香腸､牛至草組合而成,辣肉腸香濃惹味,茄醬同芝士味道係絕配,芝士可以拉絲好邪惡,餅底係手工酸種薄餅,鬆軟帶點煙靭口感 🍕The Carbonara 配料主要有煙肉粒,加埋卡邦尼醬同埋芝士,芝士同樣多到可以拉絲,味道好似食緊卡邦尼意粉咁!另一特別之處係佢哋每個Pizza都會附上蒜蓉香草醬,用嚟沾批邊食又幾好味!另外仲有黑松露醬､煙熏燒烤醬及甜辣醬,下次試埋先 🩵爆醬冬甩 有好多口味揀,套餐可以揀三款,今次點咗榛子､吉士醬､開心果白朱古力,一咬就爆晒醬,趁熱食仲有少少微脆,咬落去麵包鬆軟,口感有層次 🍴Dough Bros Pizza & Doughnuts 📍元朗安寧路38號世宙商場地下16號舖 #我想去aia嘉年華#遠離敏感肌#goodhairday#靚住過聖誕#聖誕都要做運動#聖誕打卡#聖誕驚喜#拍下珍貴時刻#幾飽都要食埋甜品

brownlyeat

西式美食

赤柱廣場

赤柱比較平價的選擇🍕Dough Bros Pizza

本人比較鍾意食熱辣辣嘅Pizza,所以比起外賣更加鍾意堂食,而赤柱廣場嘅Doughbro附近嘅public area有唔少台凳可以坐喺度慢慢食,所以今次黎到赤柱終於食到! 喺Openrice叫午餐優惠組合,$178可以叫半半Pizza (選兩款Pizza口味),再加兩款冬甩,比現場購買抵好多呀! 🍕Pizza揀左香烤雞&至尊辣肉腸😆雞肉唔多,但辣肉腸就份量十足,Pizza係薄批,唔會乾硬,配埋芝士真係好正👍🏻 🍩冬甩揀左Oreo朱古力醬& Lotus Biscoff,但可惜冇我以前食嘅咁爆漿,而且兩款嘅味道好似差唔多咁,有少少失望🥹 Btw有漏單情況,所以喺冇乜訂單嘅情況下都等左半個鐘…之後店員叫我地揀兩支汽水作補償😂 - 📍 Dough Bros Pizza & Doughnuts (赤柱廣場) (赤柱) 赤柱佳美道23號赤柱廣場地下G08B號舖 - #赤柱廣場#赤柱美食#香港pizza#Doughbropizza#假期推介

玥。Darkmoon

甜品

香港

🍩有免費冬甩食😋

🏆𝗢𝗟𝗬𝗠𝗣𝗜𝗖𝗦 𝟮𝟬𝟮𝟰 🍩 Free Doughnut 所有2024年7月26日下午3:00之前所有Dough Bros Club會員帳號內會收到1個Free Doughnut🍩 *僅限7月26日、27日或28日 在任何分店兌換* 冬甩我揀咗nutella同吉士醬（新會員會有$50送俾你買嘢食，我用咗嚟買多個冬甩） 好多人，排隊買都用咗15mins+，等又15mins+ 🍩吉士味好普通，我唔會想再食 🍩nutella味我覺得幾夾 有機會想試下開心果白朱古力味 𝗗𝗢𝗨𝗚𝗛 𝗕𝗥𝗢𝗦 𝗛𝗢𝗡𝗚 𝗞𝗢𝗡𝗚 📍香港島📍 中環•灣仔•大坑•堅尼地城•鰂魚涌•北角•赤柱 📍九龍及新界📍 尖沙咀•紅磡•奧海城•樂富•九龍灣•荃灣•將軍澳•西貢 📍大嶼山📍 東涌•愉景灣 #BESTFOODwithUCreator#UcreatorHK#MOMENTSwithUCreator#香噴噴 #ucreator#玩轉暑假音樂祭 #hkfoodie#doughnut 等緊睇江旻憓奧運衝金🏅