【日本之行】探索網友力推京都美食精髓！｜日法懷石料理、和牛海鮮丼、濃郁豆腐雪糕等

lummmdou.eatwhat

日本之行

京都市

去京都點可以唔食‼️米芝蓮一星日法懷石料理推介⭐️

又係日本post喇😂po極都仲有😂 滯銷咗喺個相薄到呢幾日先的起心肝拎出嚟寫翻 去京都 真係想試翻餐懷石料理 即使我對呢樣嘢唔熟 正如我去名古屋覺得鰻魚飯必食一樣 嗰陣budget係唔想過$2000一個人 二三星嘅好多都過咗 有好多又要識日文先book到 klook其實有一堆可以揀 但上網睇話嗰啲好多都係旅客去 質素對唔住個價錢 於是左揀右揀 反轉個google 最後鎖定呢間一星嘅 Google 4.8分 Tabelog 3.8分 係疫情期間開業嘅餐廳 可能因為咁 餐廳嘅生意都幾受影響 感覺客人唔多 嗰晚去到得我哋同另一枱客 不過咁 唔代表佢唔好食！ 餐廳喺開業冇耐之後已經摘星!! 主廚望落三十出頭 喺法國三星餐廳做過好多年 所以比起傳統懷石料理 呢間嘅出品會係日式x法式 烹任方法會較多同創新 食材會根據時令而變 冇菜單 九道菜 人均~$1200港幣only!! 可能因為本身我係極重口味人士 懷石料理嘅口味都係偏淡 比較食食材嘅原汁原味 所以自己唔會話之後好想再食 但客觀地講翻餐飯嘅話 overall我都會比9/10🥹 每道菜都真係好食到食材嘅鮮 配搭得宜 冇一道係伏/怪 印象最深刻嘅係有道石斑+蔥絲+魚翅整成湯 我同主廚講話喺香港我淨係食過蒸 冇食過咁樣整😂 入口清甜到一個點 再夾住蔥香同魚翅嘅爽口 扣咗一分係喺當晚唯一嘅紅肉到 鹿肉…真係恕我無能為力🥲 餐廳計埋主廚總共三位店員 另一枱客坐咗喺樓上 所以嗰晚感覺係包場咁 三個serve我哋兩個 睇住佢每道菜由烹製到擺盤都極度用心 對住我哋有講有笑 食齊鮑魚 海膽 拖羅 魚翅 石斑 鹿肉 A5和牛 仲飲到人生飲過最好飲嘅梅酒 都只係千二港紙鬆啲๑¯∀¯๑ 推薦比去京都旅行都想試一餐懷石料理 但budget唔太多嘅人 呢間絕對物超所值 環境簡潔舒服 主廚又幾卡哇依 地理位置方便 JR京都駅出行10分鐘左右就到 冇咩可以挑剔了〃∀〃 📍Ito 112-1 Nakaicho, Shimogyo Ward, Kyoto, 600-8219 Japan #日本好去處#UCreator#旅行打卡#旅行美食#旅遊行程#京都旅行#京都美食#懷石料理#京都旅遊#

U Lifestyle

日本之行

 【日本之行🏡】探索網友力推🇯🇵京都美食精髓

京都美食融合日本傳統與現代創意，日法懷石料理帶來革新味道、和牛海鮮丼擁有豐富口味，總有喜歡的美食。期待大家即入《社群》分享更多美食心得！😊 京都美食推介 📍創新 無可挑剔日法懷石料理 📍難忘醬油熱蕎麥粥與伴麵 📍反地心吸力濃郁豆腐雪糕 📍靚View打卡爆丼和牛海鮮飯   圖片來源：lummmdou.eatwhat、Abey Lam、vswl vienne、Ada Au

Juliana

甜品

手づくり工房 京豆庵(伏見稲荷店)

【✨日本京都可以倒轉嘅軟雪糕🍦反地心吸力(◍•ᴗ•◍) 豆腐味超好味🤍 】 ☾˚‧º· ☾˚‧º· ☾˚‧º· ☾˚‧º· 係日本食咗好多好多好多雪糕 最誇張試過一日食咗十個🫣 印象中最深刻係京豆庵呢個可以倒轉嘅軟雪糕 本身都好猶豫係咪真係可以倒轉🤣 影相個陣好驚成個軟雪糕跌落地下哈哈 但佢好穩陣真係唔會跌～～ 本身諗住剩係打個卡 估唔到好好食(๑ᵒ̴̶̷͈᷄ᗨᵒ̴̶̷͈᷅)！💚🤍 ☾˚‧º· ☾˚‧º· ☾˚‧º· ☾˚‧º· ✩抹茶冰淇淋 432 yen 軟雪糕口感超綿滑 抹茶味香濃重茶味 唔算好甜個隻 個人幾鐘意 但媽媽話唔夠甜🤣 ✩絲綢豆腐冰淇淋 432yen 口感同樣超綿滑 好滑好濃啖啖豆腐味～🤍 好好食必叫！*⸜( •ᴗ• )⸝* ✩ジェラート＆豆腐ソフト Gelate & tofu soft ice-cream 540yen 由於豆腐軟雪糕太好食 所以叫多個🤣 呢個有埋Gelate所以冇得倒轉 我哋揀咗黑芝麻Gelate 正正常常 但豆腐軟雪糕同樣好出色～～🍦 ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ 𓌉◯𓇋 手づくり工房 京豆庵本店 📍京都市右京区嵯峨天龍寺立石町 2-1 𓌉◯𓇋手づくり工房 京豆庵(伏見稲荷店) 📍京都府京都市伏見區深草秡川町16-20 營業時間:10：00～18：00 網址：http://www.kyozuan.co.jp/ ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ꪔ̤̫ꪔ̤̥ꪔ̤̮ #社群生日快樂 #雪糕 #日本 #美食 #甜品