文: 鄺梓晴

2024.06.25

召集大胃王！「深井陳記燒鵝」有70多年的歷史，雖然主打的是皮脆肉嫩的燒鵝，但亦有其他馳名美食，包括燒鵝葡式炒飯、豉油王鵝腸及陳記一品鍋等等。而將軍澳分店更推出下午茶放題，只要$48即可任食兩款麵，即睇以下詳情啦！

「深井陳記燒鵝」於深井起家，主打皮脆肉嫩的燒鵝，開業至今70年現時有多間分店。位於將軍澳南天晉匯的深井陳記燒鵝就推出任食下午茶餐！平日下午茶時段只要$48就可以任食叉燒湯米/河/麵以及沙爹牛肉煎蛋公仔麵，不過要留意飲品雖另外加錢以下條款及細則啊！

點擊圖片放大

同場加映：【著數慳家王】最新影片

不過就有網民留言指正常人食一碗麵都已經飽，所以$48任食吸引性不太，而且限食一小時，食剩米粉要罰錢，飲品更要另外收錢，去連鎖快餐店性價比更高，你又會否考慮下試一下呢？

▼網民留言▼

點擊圖片放大

深井陳記燒鵝將軍澳

地址︰將軍澳唐賢街19號天晉匯2期1樓127號舖
營業時間︰11:00 - 21:00
電話︰26689133

資料及圖片來源︰FB@深井陳記燒鵝將軍澳

活動資訊

開始日期2024年6月24日 - 2024年6月30日
地點
將軍澳

更多真實評價

吔乜好

中式料理

深井裕記燒鵝飯店

深井 🪿 老字號

諗起燒鵝就一定會諗起深井,諗起深井都一定會諗起燒鵝!因為想食燒鵝所以特登走去深井,其實去深井食燒鵝有好多既選擇,不過食開深井老字號裕記大飯店! 食燒鵝最鐘意食下庄,上庄係鵝既上半身,下庄係鵝既下半身,下半身先有髀,食燒鵝不得不食鵝髀,皮脆肉嫩又充滿油脂香,而且啖啖肉,肉質又滑,記得鵝髀千奇唔好斬,成隻鵝髀拎著食係人生一大享受! 得一碟燒鵝更係唔夠喇!乾燒伊麵真係配鵝髀又得,配魚香茄子又得,得左,呢個組合真係絕配! #美食 #燒鵝 #深井 #香港美食 #hkfood #hkfoodie #hkfoodies #魚香茄子 #深井美食 #foodiehk #hkrestaurant #hongkongfood #hkfoodlover #hkfoodpics #hkfoodiegram #乾燒伊麵 #深井裕記 #yuekee #ShamTseng #食在深井

閱讀更多
Roo_yc

港式美食

鼎爺燒味😍

鼎爺燒味出曬名明爐即燒，一直想試下，終於喺荃灣西開鋪啦 @dinglee_official餐廳裝修舒服，而且周圍有好多鼎爺嘜頭公仔🙈 *火焰原隻燒鵝脾 $198 用嚟打卡一流💙 最特別係用橙酒做燃料，所以食落果味香濃,，再加上燒既時候迫曬鵝油出嚟令入口更皮脆肉嫩，肥而不膩👍🏾 之所以咁好食係全賴18個鐘過程中用咗鮮橙、檸檬和青檸鮮果醃製，鮮果香氣滲入鵝肉，再用冰水浸過鵝身，令鵝身外皮緊加緊致，肉質更鬆化😍 *蜜汁靚叉拼燒腩仔 $85 (附油菜) 叉燒肉質軟腍，蜜汁香濃腩仔好清晰見到肥瘦相隔，皮脆肉嫩，唔似出面咁又乾又咸 *酒香話梅蝦 $108🍤 為更入味餐廳預先去除蝦殼，再用冰糖浸話梅，酸酸甜甜好開胃 *沙爹牛肉多士 $18 (烘底 +$3) 好香沙爹醬，牛肉軟腍大塊，份量多到滿瀉😍 *吉列廣島蠔一客 (5隻) $68 外層炸粉又薄又酥脆，裹面鮮甜軟滑，仲好肥美多汁😍 *熱黑芝麻咖啡 +28 (加配) 咖啡奶同茶嘅比例適中，炒過嘅黑芝麻亦分外香，估唔到兩者味道咁夾 #燒鵝 #香港美食 #燒味 #相機食先 #叉燒 #荃灣美食 #荃灣餐廳 #鼎爺 #荃灣 #鼎家喜筷 (此文章由U Blog 同步發佈至社群)

閱讀更多
yukitamhy

中式料理

深井裕記燒鵝飯店

深井地標 🦢 連續 16 年米芝蓮推介裕記燒鵝

#食飽過馬年講到燒鵝,大家第一時間一定諗起深井,但講到最Dope嘅,一定係裕記!由 1958 年做到而家,真係我阿爺嗰輩都食緊｡佢哋連拎咗 16 年米芝蓮必比登(2010-2025),單係呢個 Record 已經要跪住嚟食 🙇‍♂️｡ 🔥 馳名炭燒燒鵝 ($688/隻): 炭火燒出嚟嘅鵝真係唔同啲!個皮鬆化到一個點,咬落去啲鵝油香噴出嚟,但又唔會覺得膩｡記住一定要配瀨粉,等啲粉索晒啲鵝汁,直頭係靈魂所在! 🔥 邪惡鵝肝､鵝潤腸 🔥 薑蔥炒蠔煲: 蠔肉夠肥美,薑蔥味入晒心,送飯一流 🍚｡ 🔥 薑汁黑芝麻湯圓: 食完咁多肉,最後食返粒煙韌湯圓,個薑汁底好夠辣,成個人暖晒｡雖然入深井係遠啲,但為咗呢啖炭香味,絕對值得專程入嚟! 📍 深井裕記燒鵝飯店 Yue Kee Roast Goose Restaurant @yuekeehk1958 深井深康路 9 號地舖 #裕記大飯店#深井燒鵝#香港美食#老字號#米芝蓮必比登#社群共創攻略

閱讀更多