Kakao Friends陪你投入運動狂熱 打卡必到置富Malls四大商場體育主題裝置
4年一度嘅體壇盛事仲有兩個禮拜就揭幕，全城準備進入狂熱狀態，為咗迎接緊張又精彩嘅賽事，置富Malls就邀請咗一眾嚟自韓國嘅超萌代表 Kakao Friends，除咗有大家都熟悉嘅RYAN、APEACH、MUZI、CON、TUBE、NEO、FRODO同JAY G，仲有超人氣新星 — 流浪小貓CHOONSIK春植，齊齊喺旗下4大商場嘅體育主題大型裝置登場，再加上特別推出Kakao Friends夏日造型精品，令今次體壇盛事更加熱鬧、可愛。
4大商場體育主題大型裝置 Kakao Friends成運動好手齊打卡
睇運動比賽最肉緊嘅當然係支持嘅選手喺比賽登場啦！而置富Malls x Kakao Friends嘅「Sport Mania 萌爆健兒運動會」就個個選手都咁萌咁值得支持，肉緊之餘仲有大量打卡機會，讓人睇得投入又開心！即日起至10月20日，Kakao Friends各元祖級人馬會喺置富Malls旗下4大商場嘅大型裝置，全方位培育春植成為體壇巨星，分別會喺馬鞍山廣場練田徑、天水圍+WOO嘉湖玩劍擊同體操、紅磡置富都會激鬥游泳項目，仲會喺置富第一城打網球同乒乓波。早前為咗隆重其事，仲請埋熱愛跑步嘅保錡@ERROR同唱作女團Beanies作開幕表演嘉賓，為全「萌」運動揭開序幕，一齊Get set！Go！
1. 馬鞍山廣場－ 至“萌”奪標田徑場
田徑賽事係重頭項目，喺別開生面嘅「Sport Mania 萌爆健兒運動會」亦唔例外，看台座位上可以見到一班Kakao Friends全部屏息以待睇比賽，另一邊廂又見到5米高嘅春植獎盃注目登場；同時頒獎台上有啱啱奪得亞軍嘅RYAN振臂高呼，仲有喺沙池以小短腿跳出驚人佳績嘅超萌跳遠選手春植；最後唔好唔記得去最具代表性嘅五色環裝飾同呆萌嘅TUBE合照！
除此之外，觀眾席大銀幕亦都有好玩互動遊戲「萌動跨欄飛人」，只要喺Facebook同Instagram平台追蹤置富Malls，就可以玩跨欄遊戲，完成賽事後可以下載電子版本相片，留低一個夏天嘅超動感回憶。
地點：馬鞍山廣場L2天幕廣場（港鐵馬鞍山站A出口）
2. 天水圍 +WOO嘉湖－“萌“動劍擊體操館
體操一直係香港人最愛睇嘅項目之一，今次喺天水圍+WOO嘉湖就可以欣賞到一眾Kakao Friends參與不同體操單項嘅可愛英姿。裝置以多個大大小小嘅圓形為設計，頂部有巨大充氣春植玩吊環、TUBE就喺鞍馬上苦苦思考點用鴨掌做湯瑪斯盤旋、APEACH用得天獨厚嘅大面珠輔助平衡展現雙臂大迴環嘅功架、而RYAN就同春植一齊喺平行木上做出高難度舞蹈動作，話唔定會啟發下屆比賽加入「雙人平行舞蹈」；同場加映近年為港爭光嘅劍擊項目，有著兔子裝登場嘅MUZI以快狠準劍術努力進攻，而CON就坐喺跳馬木箱，鞭策各個運動員，每個角色都喺不同領域發揮所長，努力取得佳績，展現最重要嘅體育精神。
地點：+WOO嘉湖1期地下大堂（輕鐵銀座站，港鐵站轉車）
3. 置富都會－“Swim-萌”激鬥水運會
紅磡置富都會位置靠近維港，喺呢度上演水上活動可謂最適合不過。裝置以感覺清爽嘅水泡牆配襯多層粉色跳水台，單睇都讓人心曠神怡，跳水比賽由RYAN負責做裁判，監察運動員入水時水花多寡，小貓咪春植就一邊陪伴、一邊學習正確姿勢，各位更可以走入水花打打卡，效果非常有趣。向跳水台一望，可以見到NEO同APEACH努力練習最優美姿勢嘅熱血身影；此外，仲有笑容夠晒陽光嘅FRODO出戰大家都唔陌生嘅風帆項目，以及MUZI參與今屆全新項目—滑浪嘅有型姿態，超啱夏天到訪打卡。
地點：置富都會L7大堂（港鐵紅磡站C2出口）
4. 置富第一城－網球乒乓大“萌”鬥
球拍類活動都係相當受歡迎嘅項目，喺沙田置富第一城就可以搵到集合網球同乒乓球兩大主題嘅可愛裝置。由標誌性嘅網球拍跟乒乓球拍豎立喺大後方作背景：RYAN喺綠茵場上擺出有型接球甫士、TUBE就喺裁判椅上瞇起雙眼睇清楚落球點有無出界；另一邊喺乒乓球拍上可以搵到眼神萌翻全場嘅春植，各位更可以走到乒乓球枱同春植切磋球技兼擺甫士合照。計分牌旁為各 Kakao Friends Fans預留位置，可以同APEACH、FRODO同MUZI一齊投入欣賞精彩賽事。
地點：置富第一城 地下置富第一園（港鐵第一城站C出口）
換領Kakao Friends活力萌禮 運動貼身好物免費到手
睇比賽睇到熱血沸騰，好多人都會趁機會開始做運動，但要一直持之以恆並唔容易，為咗鼓勵更多人可以持續揮灑健康又快樂嘅汗水，置富Malls 貼心準備咗超萌運動貼身好物，有一眾Kakao Friends嘅陪伴，肯定更有動力keep住郁多啲！
兩款活力萌禮分別係Kakao Friends 至萌春植毛巾斗篷同埋Kakao Friends 夏日出遊水樽連袋，前者背面印上Kakao Friends 成員，前面就係春植嘅得意表情，仲有連春植耳朵線條嘅帽，用上吸水毛巾素材，非常適合游完水用嚟吸濕或喺沙灘享受日光浴時披搭使用；後者可以畀我哋每日帶喺身邊，提醒我哋補充水份嘅重要性，而透明樽身印有一整團Kakao Friends隊伍，水樽袋同埋孭帶就有貓奴 RYAN同愛寵春植嘅合影，超得意勁可愛！
Fortune+會員只需於指定商場以電子貨幣消費滿指定金額或者到Fortune Malls App使用Point+即可換領。合資格消費需為單一商場*內任何2間不同商戶嘅電子貨幣，7月13日起累積消費滿HK$800可換Kakao Friends至萌春植毛巾斗篷，8月10日起累積消費滿HK$500可換Kakao Friends夏日出遊水樽連袋，每張消費單據必須為HK$100或以上。每日禮品數量有限，先到先得，換完即止。
*指定商場包括：
+WOO嘉湖、置富第一城、置富都會、馬鞍山廣場、都會駅、麗港城商場、城中薈、麗城薈、華都大道、映灣薈、銀禧薈、荃薈
*Source: 置富Malls
-
節日限定
萌爆月餅禮盒🥰「灘」住陪你過中秋
中秋節有萌爆MUZIK TIGER ｢灘｣住人月兩團圓嚐月餅🥮一定開心滿Fun!所以我推薦MUZIK TIGER ｢灘｣住賞月餅禮盒,好睇又實用,收納盒 ➕低糖白蓮蓉蛋黃月餅➕天仁茗茶黃金玄米茶包,香滑輕盈又唔甜膩🍵｡三層貼心夾層設計,食完即刻變身萌爆玩具防塵展示盒,食､收藏､打卡一次過滿足晒所有中秋願望! 另外,來自韓國的人氣生活品牌MUZIK TIGER旗下7大角色包括Toffee､Teeffee､Taffee､Porumee､Dark Porumee､Kumee､Willy以全新夏日造型,由即日起至10月19日專程由韓國越洋來港✈️,約定大家於置富Malls旗下馬鞍山廣場､+WOO嘉湖､置富都會､置富第一城四大商場見面,各位朋友仔有興趣記得去同佢地打卡喇! 彩蛋福利✨: Fortune+會員凡於置富Malls以下指定單一商場內任何2間不同商戶累積消費滿HK$400,包括HK$300或以上的電子貨幣,或到Fortune Malls App使用Point+,即可換領MUZIK TIGER｢置｣嘆2026年座枱月曆一個｡ 指定商場包括: *+WOO嘉湖､置富第一城､置富都會､馬鞍山廣場､都會駅､麗港城商場､銀禧薈､荃薈､華都大道､映灣薈､麗城薈 換領詳情: 📅日期:2025年10月4日起(數量有限,換完即止) ⏰時間:中午12時至晚上8時 ⚠️每張消費單據必須HK$100或以上｡每日禮品數量有限,先到先得,換完即止｡ #甜品控集合吧#打卡美食 #打卡 #節日推介#香港美食 #相機食先#節日優惠#UCreator#MUZIK TIGER#中秋月餅#置富Malls #中秋節
閱讀更多
-
打卡熱點
置富第一城
置富MallsxCheap Century聖誕Amaze城🎄
#sanrio同你拜年 #新年快樂 #打卡#好去處#全新景點#ucreatorhk#chill賞遊世界#香港好去處#momentswithucreator 作為大麻成嘅忠粉,點可以錯過佢聖誕節喺置富Malls嘅場景佈置,我仲帶埋阿婆大公仔一日去齊四個,包括:喺馬鞍山廣場佢著住聖誕西裝戰衣嘅｢聖誕Amaze城月巴市集｣､喺+WOO嘉湖佢浸緊朱古力浴嘅｢聖誕Amaze城爆肌朱古力工房｣､喺置富都會佢坐喺摩天輪下張開手臂等緊我嘅｢聖誕Amaze城瘋狂遊樂場｣同埋喺置富第一城佢揸住束花坐喺雙人深吻座椅等緊我嘅｢聖誕Amaze城奇趣花園｣｡每個場景都色彩繽紛,暗藏好多好有心思同充滿大麻成特色嘅細節位,望見已經好開心｡非常感謝作者黃衫仔同置富Malls為我哋帶嚟一個難忘嘅聖誕節｡
閱讀更多
-
打卡熱點
馬鞍山
【Sport Mania 萌爆健兒運動會】
大家都知道今年夏天就係四年一度的體壇盛事—奧運會舉行嘅日子,屆時更於法國巴黎展開一連串嘅比賽｡ 而置富 Malls旗下嘅4大商場,亦隆重其事,於2024年7月6日至10月20日舉辦Malls × Kakao Friends 【Sport Mania 萌爆健兒運動會】 KakaoFriends 元祖級人馬更銳意培養春植成為體壇巨星,於是展開全方位訓練,並走入置富Malls4大萌動裝置｡ 最重要置富Mall更邀請到韓國國民級可愛代表KakaoFriends 有我們熟悉的RYAN ､APEACH ､MIZO ､CON ､TUBE ､NEO､FRODO ､JAY G,以及令RYAN榮升鏟屎官的超人氣新星— 流浪小貓CHOONSIK春植為運動員打氣呢! 而我哋就率先嚟到馬鞍山廣場嘅｢Kakao Friends •至”萌”奪標田徑場｣,一嚟到就已經見到5米高嘅春植獎盃已經覺得非常壯觀,重有其他Kakao Friends 嘅萌爆場景,點可以忍得住唔即刻要同佢哋打個卡呢! 場內更設有互動遊戲｢萌動跨欄飛人｣,只需追蹤 @fortune_malls 嘅Facebook 同Instagram即可參加,除咗有萌爆場景俾大家打卡之外,Fortune+會員凡於置富 Malls消費滿指定金額仲可以換領可愛Kakao Friends 禮品,嚟緊7月6日仲會喺紅磡置富都會舉行開幕式,邀得熱血競跑嘅保錡@k_pOk1 同埋唱作女團 @beanies_hk 作開幕表演嘉賓,你哋都快啲嚟搵Kakao Friends參與全｢萌｣運動啦! 🌟必影打卡位 1️⃣Kakao Friends 坐係觀眾席上氣氛緊張 2️⃣🏆5米高春植獎盃極之搶眼台 3️⃣👏頒獎台有 RYAN在振臂高呼 4️⃣ 跳遠選手春植在700沙池以小短腿跳出好成績 5️⃣📸TUBE坐係五色環裝飾等待觀眾來合照 6️⃣🕹️現場互動遊戲｢萌動跨欄飛人｣ 🌟春植毛巾斗篷 換領日期及時間:7月13日 時間:1200-2000 換領方法:Fortune+ 會員於置富 Malls指定單一商場內任何兩間不同商戶累積消費滿$800,包括$700或以上的電子貨幣,或到 Fortune MallsApp使用 Points+即可換領｡ 置富 Malls x Kakao Friends 萌爆健兒運動會 2024年7月6日至10月20日 置富Malls4大萌動裝置包括: 🏃♀️馬鞍山廣場- Kakao Friends 至”萌”奪標田徑場館鬥運會 🤺WOO 嘉湖 - Kakao Friends “萌”動劍擊體操 🏊♀️紅磡置富都會 “Swim 萌”激鬥水運會 🎾置富第一城 - Kakao Friends 網球乒乓大”萌” #置富Malls#心中置富#KakaoFriends #SportMania萌爆健兒運動會#choonsik春植 #至萌奪標田徑場#萌動劍擊體操館#Swim萌激鬥水運會#網球乒乓大萌鬥#保錡#Beanies#ddprhk
閱讀更多
港生活人氣好去處
《U GO》請您去香港國際七人欖球賽！🏈
↓一齊感受欖球盛事嘅熾熱氣氛！❤️🔥↓
《U GO》請您睇《電競女孩》！
本地青春熱血鉅獻🌟全女班戰隊電競逆襲之戰🎮
假日好去處