旺角帝京酒店蛋黃哥下午茶！共8款鹹甜點！打卡造型焦糖燉蛋／玉子漢堡

heimen

打卡熱點

帝京酒店

慢活午後時光✨✨懶懶｢蛋蛋｣下午茶

慢活午後時光✨✨懶懶｢蛋蛋｣下午茶 📍帝京酒店聯乘慵懶Gudetama(梳乎蛋)🥚以荷包蛋､水煮蛋､太陽蛋等可愛造型🍳出現於2024年3月25日至6月30日推出之悠閒懶懶｢蛋蛋｣下午茶😝😍 今日約閨蜜黎到📍帝京酒店,於獅子山景下一齊嘆返個懶洋洋下午茶🌟好好Chill下,享受慢活時光🎉見到梳乎蛋黃澄澄又圓潤既身形,加埋慵懶無力既表情,真係可愛到不得了😗😗 ❇️特色鹹點❇️ 🔸玉子燒巴馬火腿迷你漢堡包 迷你漢堡包夾著自家製玉子燒,邊緣經輕炙,帶點焦香味,搭配爽脆生菜及經炸香之巴馬火腿,再加上由洋蔥､蛋黃醬､番茄醬､黑胡椒粒混合而成之獨特醬汁,一口一個,風味十足,層次極豐富🍔漢堡包面頭仲燙印有梳乎蛋模樣,可愛至極🤟🏻🤟🏻 🔸松露蜜糖蛋黃醬釀雞蛋 齊集我最愛既食材🍯🥚🍳先將水煮蛋切半,起出蛋黃後加入忌廉､黑松露及蜜糖,面頭加上飛魚子及碗豆苗,底部有爽脆青瓜片🥒繽紛色彩別具視覺效果,入口相互融合細滑忌廉､松露香氣與甜美蜜糖,滋味滿分💯💯 🔸香檳梅酒啫喱 以玻璃杯盛載賣相精緻🤩用上若桃,即白桃幼桃,配以香檳梅酒､顏色鮮艷食用花,入口散發陣陣花香,夾雜清甜果味,香氣馥郁具層次味,淡淡酒味令人心動💕 🔸燒釀野雞卷配日式燒汁 精選上等雞腿肉,切成薄片後放入野菌蓉､蘆筍､甘筍條再捲起,冷凍定型後取出蒸至九成熟再煎至外層金黃色,最後淋上燒汁,置於鬆化餅乾上,並撒上葱絲､紅波椒絲和芝麻🥣食落香而不膩,當中工序繁多,超欣賞師傅巧手工藝😚😚 ❇️萌趣甜點❇️ 🔻芒果乳酪慕絲蛋糕 梳乎蛋懶慵慵地躺臥於乳酪曲奇上,以芒果乳酪慕絲製出梳乎蛋黃澄澄又圓潤既外形🥭底層仲有鬆軟海綿蛋糕,食落味道酸酸甜甜､層次感十足,完美呈現可愛又懶洋洋既梳乎蛋🤪 🔻椰子慕絲伴熱情果布甸 梳乎蛋變咗烚蛋😳充滿創意地用上白朱古力製作蛋殼,碎邊效果以手工精心打造,超有心思👄面頭梳乎蛋為熱情果布甸,底有細滑椰子慕絲🥥入口酸香細膩,絕對睇得又食得,好高質既甜品👏🏻👏🏻 🔻忌廉泡芙伴焦糖燉蛋 圓圓泡芙面頭有焦糖與燉蛋拌勻而成之焦糖燉蛋,配合用朱古力造成之梳乎蛋,再配以糖皮製作之煙肉棉被,懶洋洋既梳乎蛋造型令人相當療癒❤️❤️咬開泡芙有滿滿吉士忌廉,香甜絲滑,甜入心😘😘 🔻鬆餅配凝脂忌廉及芒果汁 今次大廚將鬆餅變身成立體畫板🎨將傳統凝脂忌廉變身成蛋白,再以特別製作之凝固芒果汁作為蛋黃🍳可以隨意於鬆餅塗上蛋白,再於蛋黃上為梳乎蛋點眼畫嘴😆玩得又食得,玩味十足,大人小朋友都咁開心🎉🎉 🍹限定特飲🍹 靈感來自梳乎蛋主色調👇🏻 🔹 Mango Bliss混合芒果汁､椰子冧酒及檸檬蘇打🥭🥥🍋入口舒爽宜人,啖啖清爽冰涼,面頭仲有梳乎蛋造型糖皮裝飾,又一打卡位📸 🔹 Mango Swirl將成熟香甜芒果､細膩忌廉及冰塊混合打製成果味香濃之特飲🍸口感層次多樣,爽口怡人唔會過甜,炎夏飲用透心涼🧊🧊 🗓️2024年3月25日至6月30日 ⏰15:00 – 17:00 💰HK$548 兩位用 (包兩杯特飲);HK$278 一位用 (包一杯特飲) #lionrock#獅房菜#懶懶蛋蛋下午茶 #求好旅友 #以油養膚 #時尚美妝企劃 #解決危肌 #LanghamBeautyFest #想飛賞飛 #社群有辦髮 #UCreator#打卡美食#好去處#全新景點#chill#隱世打卡點

小沐 Virgo

Afternoon Tea Set

帝京酒店

{帝京酒店下午茶｝Saniro 蛋黃哥hightea 來了～

長假期來到尾聲，每日都排滿節目活動，陪玩陪食，女兒非常高興早前的帝京酒店下午茶，又可愛又精緻美味😋 妳快樂媽媽就快樂啦～ 今次主題以Gudetama（梳乎蛋）為主題，黃澄澄圓潤的身形，懶洋洋的表情，深得喜愛。邊嘆邊欣賞獅子山美景，過一個relax 的下午。 💛懶懶「蛋蛋」下午茶 甜點 芒果乳酪慕絲蛋糕 椰子慕絲伴熱情果布甸 忌廉泡芙伴焦糖燉蛋 鬆餅配凝脂忌廉及芒果汁⭐️ 強推，下午茶都會有鬆餅 scone ，客人可隨喜好在鬆餅上放上奶油並塗抹「蛋白」，然後加上「蛋黃」。最後自行為梳乎蛋點眼畫嘴，我們邊畫邊笑，玩味十足。   特色鹹點  玉子燒巴馬火腿迷你漢堡包 松露蜜糖蛋黃醬釀雞蛋 香檳梅酒啫喱 燒釀野雞卷配日式燒汁   限定特飲🥭 Mango Bliss Mango Swirl   供應時間及價目 🗓️2024年3月25日至6月30日 🕰️15:00 – 17:00 價錢：HK$548 兩位用 (包兩杯特飲)；HK$278 一位用 (包一杯特飲) *須另加一服務費 @royalplazahotel #lionrock#獅房菜#懶懶蛋蛋下午茶#打卡美食#酒店美食#UCreator#打卡相我攞獎#旺角美食#旺角好去處#旺角探店#下午茶Teaset#Hightea

Suye Choi

Afternoon Tea Set

帝京酒店獅房菜！梳乎蛋「一蛋分飾多角」——懶懶「蛋蛋」下午茶～

梳乎蛋好識享受人生，喺任何時候地點都可以HEA，魅力不同凡嚮，有時真係想似佢咁懶洋洋過一日！帝京酒店獅房菜特別邀請咗梳乎蛋「一蛋分飾多角」，以荷包蛋、水煮蛋、太陽蛋等可愛造型去同大家見面，於即日至6月30日推出懶懶「蛋蛋」下午茶 梳乎蛋仲會幾款造型驚喜登場，甜點包括芒果乳酪慕絲蛋糕、椰子慕絲伴熱情果布甸、忌廉泡芙伴焦糖燉蛋以及鬆餅配凝脂忌廉及芒果汁；鹹點則有玉子燒巴馬火腿迷你漢堡包、松露蜜糖蛋黃醬釀雞蛋、香檳梅酒啫喱以及燒釀野雞卷配日式燒汁，而下午茶嘅兩款限定特飲都係凍飲，靈感來自梳乎蛋主色調黃色嘅芒果，分別係「Mango Bliss」和「Mango Swirl」一邊近距離同蛋黃哥打卡一邊醫肚都咪話唔梳乎～ 芒果乳酪慕絲蛋糕就好似懶洋洋瞓喺度嘅梳乎蛋，底層係鬆軟嘅海綿蛋糕，而椰子慕絲伴熱情果布甸係化身成烚蛋嘅梳乎蛋；鬆餅亦超可愛，隨鬆餅附送凝脂忌廉及作為「蛋黃」嘅凝固芒果汁，刺破「蛋黃」後，芒果汁漸漸流出，仲可以用朱古力筆繪畫蛋黃哥樣貌喺鬆餅上面添，玩味滿分！玉子燒巴馬火腿迷你漢堡包面頭一樣燙印有梳乎蛋嘅得意樣，攞住影相打卡就最正，香檳梅酒啫喱梅香十足，入口酸酸甜甜好開胃，令人回味無窮 懶懶「蛋蛋」下午茶以假亂真，食品賣相極靚之餘超級趣緻，款款可愛到暈顏色又鮮艷，鐘意梳乎蛋嘅可以關注下，記得帶埋家人朋友一齊嚟影相呢～ (此文章由U Blog 同步發佈至社群)