圍方慶祝一周年夏日大派對人氣歌手熱唱周末音樂會驚喜尋寶送電子優惠券+超抵消費即賺優惠

文: a.Ki

2024.07.18

唔經唔覺坐落喺港鐵大圍站上蓋嘅圍方已經一歲喇！過去一年圍方不斷為大圍同周邊地區帶嚟唔同嘅消閒購物美食新體驗，尤其近來唔係爆熱就係暴雨，一個舒適好行嘅商場真係好幫到手。為咗慶祝圍方迎接一周年，一系列精彩活動將會輪番登場，包括喺7、8月周末請來多位人氣歌手舉行音樂會、商場內每層都有驚喜尋寶送出指定類別電子優惠券、仲有超正買$800送$200優惠券嘅消費著數，實行與眾同樂，齊齊度過開心又熱鬧嘅夏天。

「圍」系生活音樂會“Music All The Wai” 人氣歌手周末登場

圍方氣氛夠chill，喺度聽音樂會就更易投入enjoy！由7月20日起一連五個周末，為慶祝一周年而舉行嘅「圍」系生活音樂會 “Music All The Wai”，將請來陣容鼎盛嘅人氣本地歌手輪流登場演出，包括Gin Lee李幸倪、許廷鏗、JACE陳凱詠、肥仔@ERROR、吳林峰、Nancy Kwai、CY 陳宗澤及謝雅兒，都將會喺圍方為大家帶來動人音樂，記得mark低時間唔好錯過！

地點：圍方L2中庭
各單位演出日期及時間：
7月20日（六）8pm：Gin Lee李幸倪、許廷鏗
7月28日（日）2:30pm：謝雅兒
8月4日（日） 2:30pm：JACE陳凱詠、肥仔@ERROR
8月11日（日） 2:30pm：Nancy Kwai、吳林峰
8月18日（日）2:30pm：CY陳宗澤

驚喜尋寶層層有獎仲夏大激賞買$800送$200優惠券

除咗音樂會帶來熱鬧好氣氛，慶祝一周年咁大件事當然仲有大量優惠先夠盡興！圍方即將推出周年驚喜尋寶活動，喺7月20至22日期間，各種盛載圍方電子優惠券禮物盒將遍布商場不同角落，包含餐飲食肆、零售及娛樂體驗的電子優惠券，讓你滿載而歸。

唔止咁七月至八月期間星期五至日及公眾假期於港鐵商場單一電子消費滿$800仲可以換$200電子優惠券，俾你盡情掃貨！

圍方仲有一系列精選商戶優惠，當中包括：

UNIQLO：大圍特色限定Utme!
時間廊：精選款式鐵達時腕錶5折優惠
nsew 任天堂正規商品販賣店：凡滿買每件單價滿HK$100產品，即可免費獲贈指定動物森友會迷你毛巾一件 (4款其中1款，各價值HK$58) ，多買多送
Under the roof : Lobby by Hair Corner：首100位半價電髮及洗剪吹造型設計
上陽樓：全天候88折 (顧客需消費至少滿HK$500)
英皇戲院 Plus+：以優惠價HK$105登記英皇戲院VIP會籍 (原價HK$150)，送2張戲票及超過HK$300現金券

咁多精彩活動同著數，記得＜按此＞去圍方官網睇詳情，咁就唔會錯過任何節目啦！

*優惠受條款及細則約束

更多真實評價

Nayaknna

娛樂

香港海洋公園

演唱會圓滿結束🎤！零碳獻唱🎤🔥

已經於2025年1月4日完滿結束,當晚MIRROR 成員 Ian､Jeremy､Jer､Stanley,連同 ROVER 及一眾本地歌手,齊集香港海洋公園出席｢全民減碳大行動─減碳續航禮｣及｢零碳演唱會｣｡演唱會一開始由 ROVER 率先登場,先後唱出《回魂術》､《男孩子不要流淚》和《陪我一路漫遊》等 Band Sound 作品,用節奏強勁的音樂即時將現場氣氛｢炸爆｣,為觀眾熱身｡緊接上場的是 MIRROR 四子,Ian､Jeremy､Jer 和 Stanley 各自帶來個人 Solo 表演,更特別的是今次大會加入男女歌手 Crossover 環節,令演出增添新鮮感｡即使帶病上陣,Jer 仍帶來驚喜:不但首次現場演唱新歌《沒終點的青春》,更與 JACE 陳凱詠合唱《間歇性失眠》,二人聲線意外地非常夾,令不少觀眾大呼｢估唔到咁夾｣｡Jeremy 則夥拍 Gin Lee 合唱《可惜我們沒有》,男女聲線互相交織,浪漫氛圍十足,同樣令台下觀眾大感驚喜｡ Stanley 除了以性感舞姿唱跳《Drunk In Love》引爆現場尖叫,更帶來新歌《測謊》(劇集《無用的謊言》片尾曲),演繹深情滿滿,展現另一面魅力｡壓軸則由｢男金｣陳卓賢(Ian)獻唱新歌《玩偶奇遇記》,台下一班 Hellosss 不斷大叫｢信你｣､｢撐你｣,令 Ian 深受感動,氣氛溫暖又熱血｡呢個Show 真係好正､之後要多多支持綠在區區♻️ #環境運動委員會#全民減碳大行動#零碳演唱會#ViuTV製作#綠在區區#香港海洋公園 🎶🎶🎶🎶🎶🎶🎶🎶🎶🎶🎶🎶🎶🎶🎶🎶🎶 活動資料: ｢全民減碳大行動｣與｢零碳演唱會｣是香港環境及生態局及環境運動委員會(環運會)合辦的一項環保推廣活動,目標是鼓勵市民在衣､食､住､行四方面實踐低碳生活,以支持香港在2050年前達至碳中和｡全民減碳大行動活動以｢扭轉習慣一齊減碳｣為主題,透過社交媒體挑戰,呼籲市民在日常生活中改變習慣,例如減少用電､多用公共交通､節約用水､減少單次用品等,並記錄及分享自己的減碳行動｡市民在指定時期(例如2025年11月1日至30日)於社交媒體上分享減碳行動,再上載截圖到活動網站並提供｢綠綠賞｣會員編號,即可參加抽獎,有機會贏得｢零碳演唱會｣門票｡ #樂迷推介

閱讀更多
U Lifestyle

娛樂熱話

【投票送戲院現金券】立即投選您心目中的年度女神💃👑

第二屆 U Lifestyle 年度女神投票活動已圓滿完結，多謝各位粉絲踴躍支持！🤎 >>按此一鍵即睇投票結果<< 恭喜陳曉華成功跑出成為今屆年度女神榜榜首！👑佘詩曼同宣萱一直穩居第二至三名，而冼迪琦同蘇雅琳最後獲得相同票數並列第五位✨！ ======================= 又嚟到年尾，係時候 wrap up 一下！今年 U Lifestyle 綜合旗下各頻道嘅人氣度、用戶互動同搜尋次數等數據，選出第二屆女神名單！呢份 Top 30 名單匯聚咗唔同界別嘅代表人物，包括歌手、演員同網絡紅人，各具獨特魅力。 >>一鍵即睇最新投票走勢<< 立即行動！投選您心目中嘅女神，並留言寫低支持佢哋嘅原因，即有機會獲得【戲院現金券】！🎁最後按此分享您的投票結果，即完成‼️ 🔔記得將 U Lifestyle App 更新至最新版本，以確保用到最新功能，順利投票！女神候選名單：陳曉華、陳凱琳、 Jace陳凱詠、海兒、陳蕾、陳泳伽（Winka）、陳穎欣 Yanny、陳苡臻 Jessica、周秀娜、蔡思韵、許軼（Day）、劉綺婷（Yanny）、 Gin Lee、李芯駖（Sumling）、妹頭、吳倩怡（Sinnie）、沈貞巧（Gao）、冼迪琦、佘詩曼、宣萱、蘇雅琳（Ivy）、鄧紫棋、鄧麗欣、謝安琪、衛詩雅 Michelle、 Cloud 雲浩影、王家晴（Candy）、黃敏蕎（阿妹）、邱彥筒（Marf）、葉蒨文 *註：以上名單按姓氏英文拼音順序排列 ------------------- ✨投票方法及教學✨ 🚩U Lifestyle 網站版及 App 同樣可以參與投票！🚩 🚩只要喺投票帖文圖片右下方位置，輕按「☑️」符號就可以投選啦～ 🚩投票後記得於帖文下留言支持佢嘅原因(不少於20字) 🚩按此立即分享您支持的女神至 IG Story並 Tag @ U Community IG，發佈後截圖傳送訊息到 U Community inbox，增加得獎機會！ 🔔記得將 U Lifestyle App 更新至最新版本，以確保用到最新功能，順利投票！ -------------------- 🕺投選男神傳送門： https://www.ulifestyle.com.hk/community/detailpost/a8576bb6-86dc-48c6-94f6-48238e30cdbc -------------------- 🎄活動日期：2025 年 12 月 15 日00:00 至 2026 年 1 月 4 日23:59 活動條款及細則：https://www.ulifestyle.com.hk/member/campaign/51250/ulifestyle/ 圖片來源：藝人IG #ULifestyle年度男女神榜 #女神選舉 #香港女神

閱讀更多
Chan Zoey

中式料理

上陽樓

圍方上陽樓🥢！家庭聚餐好去處😋！ #中菜 #大圍

❣️上陽樓 (大圍) 大圍車公廟路18號圍方3樓329號舖☎️ 返完工之後同屋企人嚟左圍方行一陣,經過見到有間中菜館《上陽樓》喺食中菜嘅,就同咗屋企人嚟試吓! 啫啫滑雞煲 $208 滑雞煲有唔少香料,加上雞帶有微辣,所以食落好餸飯🤫配埋香菇同豬潤,熱辣辣咁送上枱,令人幾滿意❤️ 香茅醬野菌炒牛仔肉 $148 牛肉幾大片,而且調味幾入味🥰仲有唔少嘅紅椒､西芹同埋冬菇一齊炒,鍾意食中菜嘅你可以試吓~ 撈起象拔蚌配萵筍 $98 撈起象拔蚌睇落好色彩繽紛,🤩象拔蚌肉質彈牙,同清脆嘅萵筍都幾夾!呢道菜係凍食,所以都幾開胃🤤 我覺得上陽樓都幾合適家庭或者長輩聚,畢竟環境闊落,又有好多唔同嘅中菜選擇,啱晒一家大細😛 #大圍#大圍美食#大圍美食篇#上陽樓#啫啫滑雞煲#炒牛仔肉#象拔蚌

閱讀更多