沙田隆亨街市瘋搶$1金菇！限量$30隻雞送現金券 每周指定日子開搶
沙田隆亨街市最近推出$1劈價優惠！街市近日湧現大批街坊顧客，前往隆亨街市大搶$1金菇、$1乾蔥頭等，另外更推限量$30隻麻黃雞吸客，由即日起至9月1日，每周將於指定日子開搶，更同步送$5購物現金券或食品日用品等，不少市民響應$1優惠紛紛掃貨。
沙田隆亨街市推$1劈價優惠 每周一連4日限量蔬果$1起
近日有市民透過社交平台發帖，指沙田隆亨街市近日「日日都有一蚊嘢搶」，其中周四（25日）一大早有超多街坊落街市排隊搶金菇，從相中可見一條師奶人龍，正排隊等候入手平價貨，有網民指「一蚊包真係抵，係咪執啦」？
隆亨市集推終極大劈價 $1起限量瘋搶
翻查資料，隆亨街市（隆亨市集）目前正推出「賞你慳到盡」優惠，其中包括「終極低至$1劈價」限量瘋搶活動。
由即日起9月1日， 每逢星期二至五早上10時起開搶，每日優惠不同，上周（7月23至26日）涵蓋$1包乾蔥頭（星期二）、$10/10個西梅（星期三）、$1包金菇（星期四）及$30隻麻黃雞等限量抵價產品。顧客只要即日任何消費，憑拍分記錄即可參加低至$1瘋搶優惠，同時將再送出$5購物現金券。
此外，會員於優惠期內即日海鮮、蔬菜檔合共消費滿$150，即送粟米油一支或上海麵一包；另一優惠則是會員一星期消費任何4日每日滿$60，即送軟抽面巾一包或新竹米粉一包。大家有興趣記得不要錯過！
M.C.BOX - 隆亨市集 詳情
地址：大圍田心街1號隆亨邨隆亨商場地下隆亨市集
營業時間: 7:00 - 20:00
$1起優惠日期：每逢星期二至五（早上10點起）
資料及圖片來源：Facebook@新大圍聯盟 -TAI WAI LEAGUE、Facebook@鳩鳩沙田 (Go Go Shatin)、Facebook@M.C.BOX - 隆亨市集
港生活人氣本地熱話
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
