兩姊妹涼皮進駐香港國際機場！飛前歎米芝蓮涼皮網民：食完先上機
香港國際機場都食到兩姊妹涼皮！兩姊妹涼皮有限公司最近宣布，成功爭取進駐香港國際機場，旅客起飛前想「醫肚」，都可以食到四川風味，兼晶瑩透亮的地道涼皮，品牌去年曾獲得米芝蓮必比登推介，今次衝出市區走入機場，相信吸引不少捧場客，大批網民留言支持，指「機場終於有好嘢食」、「食完先上機」！
兩姊妹涼皮登陸香港國際機場 推期間限定餐單
兩姊妹涼皮有限公司最近透過社交平台專頁宣布，聯乘「食東西美食廣場」推出香港國際機場獨有的限定配搭。由即日起，各位食客在機場禁區就可以品嚐期間限定餐單，當中包括人氣招牌兩姊妹涼皮、極品擔擔撈麵配嗆辣蓮藕丁、黑糖桂花冰粉蜜等！
老闆娘發文感慨：返去機場係一直以嚟心願
對於今次品牌成功進駐機場，曾經是空姐的兩姊妹涼皮老闆娘頗有感慨，「其實一直以嚟，返去機場，係老闆娘嘅一個心願。曾經，我都膽粗粗試過聯絡機場租務部，但由於當時僅有嘅舖位唔適合做飲食，所以都無緣進駐」，不過幸得丈夫即是老闆的堅持不懈，今次終於如願以償。
兩姊妹涼皮踏入新里程碑 老闆娘向熟客致謝
她續指，「今日，我竟然可以再用另外一個身份返翻嚟。本來嘅一個小小薯，喺芸芸咁多個crew入面，根本冇人知道我係邊個。但見到今日自己創造嘅品牌，竟然出現咗喺一個咁大嘅銀幕上面。嗰種感覺真係好奇妙，又有啲感動，仲有啲啲咁多嘅自豪」。
對於兩姊妹涼皮再踏入新一個里程碑，老闆娘表示，感謝一直以來陪伴小店前進的所有熟客。
▼全文▼
▼兩姊妹機場限定餐牌▼
網民留言支持：機場終於有好嘢食
不少食客對今次好消息都紛紛留言支持，有網民直言「機場終於有好嘢食」、「下個月又飛，食完先上機」，亦有海外食客表示「好想返去香港機場試一下」。大家下次出發旅行前，不妨去品嚐一下！
▼網民咁講▼
「兩姊妹涼皮有限公司」於2019年在太子開張，該店至2023年底遷至旺角黑布街，並加設堂食座位，繼續提供多款川味小吃。目前全港設3間分店，分別在旺角、中環及元朗。
兩姊妹涼皮有限公司 香港國際機場店詳情
地址：香港國際機場一號大樓離港層L6食東西美食廣場（近40-80號登機閘口）
營業時間：12:00- 22:30
＊向Tap+Brew店員下單購買即可。
兩姊妹涼皮有限公司 分店詳情
兩姊妹旺角店
地址：旺角黑布街99號地舖
營業時間：12:00 - 21:00
兩姊妹中環店
地址：中環康樂廣場1號怡和大廈LG樓BaseHall Kiosk 9
營業時間：
星期一至六｜11:00 - 20:00
*星期日及公眾假期休息
兩姊妹元朗店
地址：元朗教育路68號兆豐樓地下21號舖
營業時間：
星期一至五｜12:00 - 20:30
星期六｜12:00 - 22:30
星期日｜12:00 - 20:30
資料及圖片來源：Facebook@兩姊妹涼皮有限公司
-
港式美食
兩姊妹涼皮有限公司（旺角黒布街）
🇭🇰米芝蓮 夏日開胃涼皮
La粒: 香港持續酷熱🔥 有時可能食碗湯麵 都食到成身汗🥵 咁熱嘅日子 最啱就係食涼拌 今次食呢間係攞咗米芝蓮嘅｢兩姊妹涼拌有限公司｣ 果然出色😋😋😋 大家如果想去 就記得book mark定📌 📍Twins Liangpi Limited 兩姊妹涼皮有限公司(旺角黒布街) 99號 Hak Po St, Mong Kok 旺角黑布街99號地舖 guide.michelin.com ••••••••••••••••••••••• 下一個分享💁🏻♀️ 超高質 串燒‼️ 只限預約‼️ 希望大家鍾意我嘅分享 每一個❤️同關注都俾到好大嘅鼓舞我地繼續向前行 有咩問題❓ 或者有咩想知道❗️ 歡迎喺下面留言話俾我知📩 我地下個分享再見🫶🏼 . . 🟡 𝔽𝕠𝕝𝕝𝕠𝕨 𝕞𝕖 ➡️ ig @lalupdaily Youtube @lalupdaily Lala ig @little_prince_lagrimas LaMa crafts ig @LaMa.crafts . . #littleprinceLagrimas#lalacat #lalupdaily#lalup#la粒 #meow#neko#猫#喵#治癒 #la粒係香港#la粒去食野#旺角美食#旺角餐廳#涼拌小食#夏日美食 #BESTFOODwithUCreator#UCreatorHK#九龍美食#香港美食#TRAVELwithUCreator #呵護肌膚好物#記得防曬#冰爽夏日#夏日出遊
閱讀更多
-
港式美食
兩姊妹涼皮有限公司
一直都想試下兩姊妹涼皮有限公司，話哂係米芝蓮必比登推介喎🤩 ✅兩姊妹涼皮 $33 BB辣 涼皮晶瑩通透 煙韌爽滑 配料有芫荽、青瓜絲、豌豆和花生，真係幾好味，下次會加辣😍 ✅凍菊花杞子茶 +$14 清涼解喝，店員貼心為我加水，正呀～ 📍兩姊妹涼皮有限公司 @twinsliangpiltd 旺角黑布街99號地舖 #兩姊妹涼皮#兩姊妹旺角#旺角美食#旺角掃街#香港米芝蓮#香港必比登#米芝蓮街頭小食#hkfood#hkfoodreels#hkfoodie#hkfoodblogger
閱讀更多
-
港式美食
σ′▽‵)′▽‵)σ天氣熱食下涼皮先～₊⁺♡̶♡̶₊⁺
下午𝟙點左右去食 𝓵𝓾𝓷𝓬𝓱時間 唔洗排隊就食得 可能多數人都係外賣掛 要點左食物先可以入坐 ⤩ ⤪ ⤭ ⤮ 𝒪𝓇𝒹𝑒𝓇 ⤱ ⤲ ⤯ ⤰ 赤小豆薏仁去濕茶 加購$𝟙𝟛 雖然已經點左𝖇𝖇辣 但係怕辣都係叫定飲品好啲 除左去濕之外 仲可以去水腫 (✪ω✪)適合我呢個每日都話要減肥既人 赤小豆薏仁去濕茶係樽裝 飲唔曬都可以攞返屋企 ୧(﹒︠ᴗ﹒︡)୨再浸泡過 可以飲到佢盡 招牌兩姊妹涼皮 bb辣$𝟛𝟛加肥腸$𝟙𝟛 個湯汁有酸有辣 有些少甜 凍凍地好開胃 ど⁰̷̴͈꒨⁰̷̴͈う最後我飲曬啲湯 如果個湯多啲最更加滿足啦 $𝟙𝟛黎講 個肥腸算多 個涼皮好大條 食既時候好爽好𝓺彈 ヾ(*´∀ ˋ*)ﾉ配料都算多 不過如果男仔食一定唔夠飽( ˘•ω•˘ ) 啲位有啲迫 無位擺袋 店員好好比多張櫈我擺野 但要擺係後面(¯―¯٥) 地址:兩姊妹涼皮有限公司 (旺角) 旺角黑布街99號地舖 #香港好去處#旺角美食#涼皮
閱讀更多
港生活人氣本地熱話
↓《Chill賞親子玩樂祭》活動攻略✨！↓
贏走主題樂園門票、酒店Staycation及人氣產品
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
假日好去處