Ctying

香港攻略

「美人漁」即撈海鮮火鍋放題

銅鑼灣美人漁！海鮮放題🦀$298值唔值？

銅鑼灣新戰場！海鮮迷衝「美人漁」玩足3個鐘實測：爆膏花蟹要搶，$298抵食？ 上個月網上已經狂洗版，話銅鑼灣利舞臺有間新開嘅「美人漁」，主打即撈活海鮮火鍋放題，最平$298食足3個鐘，啱晒我哋呢班「海鮮大過天」嘅朋友。見到啲相，海鮮缸擺到成個魚市場咁，仲話有澳洲和牛、燒生蠔任食，心郁郁終於book到位，親身去探下虛實。 📍 第一印象：萬呎「海底」個場過萬呎，裝修唔係普通酒樓格局，而係玩沉浸式投影，天花板同牆身都有流動嘅海洋光影同聲效，真係有少少似去咗海洋館食飯。 🐟 戰鬥開始！即撈海鮮區： 全場焦點絕對係個活海鮮區，當日見到有花蟹、鮑魚、蝦等等。我撈到嘅花蟹都幾生猛，隻爪仲喺度郁。撈完之後可以交俾旁邊嘅師傅即場清洗處理，衛生又放心。 除咗打邊爐，現場仲有個燒烤熱葷區。即燒生蠔係必食！蠔肉肥美，加咗蒜蓉燒到香噴噴。 🥩 其他配料與甜品：驚喜位 以為主打海鮮，其他嘢會普通？又唔係喎。肉類有澳洲M5和牛同美國安格斯牛，脂肪分布唔錯，輕輕一淥就食得。自家製嘅炸響鈴同韭菜豬肉餃都值得一試。 食到最後，甜品區有成30幾40款選擇，有港式糖水、奶凍、糯米糍，竟然仲有即製雞蛋仔！食完鹹嘢，整返件熱辣辣、外脆內軟嘅雞蛋仔，真係完美收官。 💸 性價比小總結 任食3小時以呢個價錢，可以任撈生猛海鮮、食到質素唔錯嘅和牛同無限添加嘅燒蠔，我覺得係超值。食物種類多到3個鐘都試唔哂，尤其適合鍾意邊食邊玩、慢慢傾偈嘅朋友。 美人漁海鮮火鍋放題🌟 ·地址：銅鑼灣波斯富街99號利舞臺廣場21樓 #美人漁 #海鮮放題 #即撈海鮮 #火鍋放題 #hotpot #步步糕升

foodie_erai

香港攻略

「美人漁」即撈海鮮火鍋放題

美人漁打邊爐？係海底世界！🌊😋

一入到美人漁,第一下感覺唔係｢嚟打邊爐｣,而係好似行咗入一個海底場景:燈光偏藍綠､周圍都有海洋元素,坐低之後成個人即刻慢落嚟,幾有沉浸式用餐嗰種儀式感｡以放題嚟講,環境做到咁用心,其實已經先贏一半｡ 重頭戲當然係即撈海鮮專區,真係｢你自己落手｣嗰種爽感｡三點蟹､紅蟹､藍蟹一字排開,仲有大頭蝦､賴尿蝦等鮮活海鮮任你撈,見到佢哋仲郁緊就自然有信心｡蟹類落湯唔使煮太耐,蟹肉夠結實,帶甜;大頭蝦殼薄肉彈,唔會粉;賴尿蝦啖啖肉,煮完照樣爽口｡海鮮款式話超過十款,實際玩落係會忍唔住一轉又一轉去撈,幾容易｢一唔小心就食多咗｣｡ 湯底方面有 8 款每日新鮮熬製,唔係嗰種一入口就得鹹同味精｡今次試到嘅湯底層次幾清晰,配海鮮特別顯甜,煮到後段都唔會混濁得好誇張｡想濃味啲可以揀重口味湯底,想食到原味就揀清爽嗰款,點都好,至少唔會搶走海鮮本身嘅鮮｡ 另外我幾鍾意即叫即燒專區,唔係只得一兩款｢意思意思｣,而係真係做到你坐低會想加單點幾次嗰種｡燒物上枱仲熱辣辣,外層微焦､入面保持到肉汁,喺火鍋以外加咗少少｢燒烤節奏｣,食感唔會單調｡ 甜品亦係驚喜位:20 多款自家製甜品選擇多,唔係一味凍餅同啫喱就算｡食到尾段,拎幾款細細份嚟試,當做收尾好舒服,亦令成餐放題個完成度高好多｡ 最後提一提,佢而家新推出午市定食套餐 $158 起享用半放題,對想平日中午輕鬆食､又想試下即撈海鮮同甜品嘅人嚟講幾抵玩｡整體而言,美人漁唔止係｢食得飽｣,而係由環境到食物都做到一種有主題､有節奏嘅海鮮火鍋體驗｡ 🐥🐥🐥🐥🐥🐥🐥🐥🐥🐥 餐廳名稱:美人漁海鮮火鍋放題 (銅鑼灣) 餐廳地址:銅鑼灣波斯富街99號利舞臺廣場21樓 #美人漁海鮮火鍋放題#銅鑼灣美食#正能量企鵝#ｺｳﾍﾟﾝちゃん #koupenchan #BESTFOODwithUCreator #MOMENTSwithUCreator #UCreatorHK #社群共創攻略#TRAVELwithUCreator #香港美食攻略#香港購物攻略#香港打卡攻略 #浪漫星空約會

Dura Master

韓國

荃灣悅來越愛牛魔王專屬

荃灣呢一個地方除咗大鴻輝,只要行遠少少,亦都有一間性價比超級高,而且包保係大大滿足嘅火鍋放題就喺悅來坊,😗而家仲會搞限時優惠嘅牛之鍋🤩 而家都只係三百幾蚊就已經食到餐廳裏面嘅boss—C餐. 🥳當中就包括美國和牛同埋本地著名嘅騸牯牛,另外仲有一系列嘅唔同款式放題,多元化嘅選擇,😛亦都係成為咗呢一度人山人海嘅畫面😚 本地新鮮騸牯牛— 🥩呢一個級數就好似係本地嘅和牛一樣,脂肪比肉稍為多啲,鮮紅嘅牛身比較肥美,🥩脂肪會更均勻地分布喺身體唔同部位,每一片都零舍獨特,同和牛嘅雪花紋理非常相似｡ 🥩而且淥嘅時間同樣都一定要控制喺10秒之內或者左右咁先至會得到最鮮嫩最滑嘅牛｡😋 美國見島和牛— 🐮喺唔同國家嘅和牛之中美國呢一款相對上肉係較為緊致,🐮但係同時佢哋都會重視油脂嘅比例以及整體嘅感覺一定要係肉身重但係要係爽滑嘅,🥩所以見到相對上油脂比例冇日本和牛或者澳洲和牛咁誇張,但係該有嘅紋理都齊備晒,而且同樣都係好快就會淥熟,所以幾秒就已經搞掂,🐮出乎意料真係肉質好鮮嫩,成塊都係香噴噴嘅牛特別適合打隻日本蛋落去咁樣種濃郁🥚 牛嘅選擇都起碼有幾款,而且唔同部位都絕對要至少嗌足一round ｡😋 另外當然唔可以坐過餐廳裏面嘅是日海鮮,🦪當中嘅乳山生蠔更加係搶手貨,每一隻蠔都係咁生猛同埋大份,🦪火鍋綠完之後少少縮水,但係最正嘅係鼓起嘅肉身零舍飽滿,🦪係真係零舍軟滑,而且更加令人容易接受｡🦪 不過呢一度除咗可以食到火鍋之外,連刺身都有㗎｡🍣 仲要選擇唔係小質素,更加係拍得住一般放題🍣刺身嘅選擇就有三文魚､希靈魚赤蝦赤貝北寄貝同埋北海道帶子,🍣每一款個肉質都係中等偏厚,而且最緊要當然係新鮮同埋鮮甜,最愛都係三文魚同埋北海道帶子始終份量真係零舍慷慨而且鮮味源源不絕🍣 當以為得刺身同埋火鍋咁又錯啦呢一度破天荒整埋串燒放題,🍢餐廳嘅店員仲要好認真咁樣去研究點樣可以令到一台客同時可以兼顧到咁多樣美食,❤️‍🔥佢哋就會用小蠟燭嚟長期令到啲串燒可以做到保溫同埋有少少加熱嘅效果｡❤️‍🔥 至於串燒方面就有雞牛羊豬另外仲有牛舌雞腎同埋鮑魚,🍖每一寸都係咁足料,而且啲海鮮同樣都要以新鮮為主｡🍖 食完幾樣唔同嘅放題之後當然甜品亦都係一大賣點因為呢一度推出咗好多自家製嘅甜品｡🍨仲要而家係升級大碗份量咁就唔怕食完一碗唔夠又要再嘥時間再等啦,有中式有西式,🍨就唔係剩係得小蛋糕咁簡單,🧁就例如有杏仁豆腐紅豆芋圓,🥣呢一款甜品又可以養顏,而且芋圓粒粒都煙靭,最緊要都係唔太甜,咁就負擔冇咁大啦｡🥣 另外仲有綠茶雪糕芭菲,🍦份量都唔細,🍦而且該有嘅元素都齊備晒,仲加埋一啲穀物脆脆同埋小丸子,🍡淨係個甜品位都已經塞到飽飽特別滿足｡🍡 最後最最最瘋癲嘅就係逢星期一至四餐廳嘅任何放題都係無限限時任飲任食🤩咁就撇除晒所有時間限制想食幾多就幾多想食幾耐就幾耐啦🥳 牛の鍋日本料理 (荃灣) 荃灣荃華街3號悅來坊2樓202號舖 #和牛放題#荃灣自助餐#火鍋自助#火鍋放題#無限時放題#銅鑼灣放題#荃灣放題#牛之鍋#荃灣美食#日本菜#銅鑼灣美食#香港放題#香港任食#香港火鍋#香港打邊爐#香港旅游攻略#食在香港#香港探店#香港美食#香港打卡#香港生活#解決危肌#星級驅蚊大師