佐敦/荃灣燒肉放題｜和牛燒肉一郎放題買1送1優惠！$326任食日本黑毛和牛／牛刺身／生牛肉壽司

sakuracw

擦餐勁

和牛燒肉一郎 (荃灣廣場)

超喜歡食日本和牛嘅我，一定唔可以錯過有和牛放題嘅餐廳「和牛燒肉一郎」，位於荃灣廣場6/F，非常容易搵。餐廳環境非常舒服闊落。 雖然係燒肉店，但店內都冇乜油煙味。 最得意係每次有新餸到，就會播放音樂。 列車會將火鍋料送到我哋枱面側面。 按掣打開門先拎餸，非常衛生。拎完就關上自動門。 另外餐廳，亦好貼心，送上圍裙俾我哋，驚彈到我哋啲衫污糟邋遢。 平時自己去買一盤黑毛和牛回家都要近$300盆。現在$598一位無限食日本黑毛和牛，真係抵到爛。 A: 特選牛及嚴選牛 72款+舟、盛合 $298 B: 特選牛及嚴選牛 102款+舟、盛合 $448 C: 日本黑毛和牛（四款）110款+舟、盛合+桶、盛合+是日寶箱+極上花盛合 $598 D: 日本黑毛和牛（九款）118款+舟、盛合+桶、盛合+是日寶箱+極上花盛合 +4天梯+極上夏多布里昂部位 $888 我哋揀咗中間價 C set ，享受到黑毛和牛之餘，又唔會太貴，仲可以打卡一流。 C set 仲包以下 舟盛合（特選牛、豚、雞、海鮮、野菜） 桶盛合 （牛肋肉、牛里脊肉、豚肉、雞） 極上花盛合（和牛肋肉、和牛里脊肉、里脊肉、牛外橫隔膜、豚肋肉、牛舌、蔬菜） 任食四款日本黑毛和牛如下 -大判壽喜燒牛里脊肉 -和牛牛肉角切（一口牛） -和牛里脊肉 -和牛薄炙脊肉 店員攞出嚟嘅寶盒飄出白煙好夢幻。入面載住和牛西冷，仲有金箔喺上面。和牛入口即溶，油脂比例均勻，好重牛味超juice。 極上厚切牛舌/薄炙蔥花牛舌 好少見成條牛舌上，切到好薄燒完之後食到一陣牛舌味，同平時食開一粒粒厚切牛舌嘅口感唔同，食落去唔會好濟。 和牛牛肉角切（一口牛） 估唔到燒完一口牛，唔會覺得好韌。脂肪比較多，所以食落好爽脆，有入口即溶嘅感覺。 大判壽喜燒牛里脊肉 薄切牛里脊肉，脂肪比較少，牛味比較重。適合想追求健康嘅嘅人士點選。 食得太濟，仲可以叫泡菜、白蘿蔔、青瓜去去油膩。 餐牌仲有好多生牛肉他他選擇，炙燒拌生牛肉及生牛肉刺身。但因為之前叫得太多牛肉已經制度，再叫唔到其他食物。所以試唔到。 除咗燒肉愛，仲有好多料理/熟食可以叫。 例如明太子薯仔沙律黑松露薯條、烤和牛卷等、炸吉列蠔、石鍋飯、拉麵等。 如想烤海鮮，也有好多大蝦、帶子、多春魚、魷魚等。所有海鮮都非常新鮮，燒完後嘅海鮮特別鮮味。 最後當然唔少得食甜品呀，雪櫃裏邊好多選擇。有朱古力脆皮雪糕雪條、牛奶冰條、草莓冰條、菠蘿冰條、藍莓乳酪冰條、宇治金時冰條、牛奶紅豆冰條等等。 見到好多都係日本入口，非常好食，而且唔會過甜。 #社群生日快樂 #燒肉放題 #荃灣美食

Asura Queen

擦餐勁

御品．千之味（天后店）

朋友慶生放題🤤210分鐘任食！天后必去！🥳

最近同朋友慶生，專登揀咗呢間位於天后的放題店，貪佢係區內少有嘅放題選擇，而且提供長達210分鐘的用餐時間，可以慢慢食唔使趕，絕對係gathering首選！如果6人以上訂座，更可以安排包房，私隱度十足。由於餐檯不多，所以好快滿座，建議一定要先訂位！ 餐廳收費分為成人$328-$388及小童$188，建議加$198升級至尊貴套餐，即可任食海膽、藍鰭吞拿魚系列及鵝肝等高級食材，性價比相當高。而家仲有「放題生日優惠」，全單九折之外，更送贈迷你壽司蛋糕，有儀式感又唔使另外買生日蛋糕，慳錢又抵食！ 刺身必點清單： 大拖羅油香滿溢、入口即化；中拖羅油脂比例平衡；海膽刺身新鮮鮮甜、口感Creamy；甜蝦同帶子同樣鮮甜爽口，值得Encore！長腳蟹更是回本之選，肉質都幾飽滿，放題少見；象拔蚌清爽鮮美，其他如油甘魚、劍魚腩同磯煮鮑魚質素亦相當高。 壽司｜手卷推薦： 蜜香炙燒和牛壽司及魚子醬炙燒和牛壽司，和牛肉質柔嫩多汁；魚子醬海膽壽司口感豐富；焦糖鵝肝壽司同芒果鵝肝壽司，鵝肝外脆內Creamy，配芒果更顯清新；海膽花之卷料多澎湃，一啖入口超滿足。 炸物即叫即炸： 炸蠔、炸蝦、炸魷魚鬚同芝麻雞翼全部熱辣辣上枱，香脆可口，火候控制得恰到好處。 串燒及煮物： 鹽燒雞軟骨串焦脆有嚼勁；蒲燒鰻魚肉厚無骨，醬汁香甜；燒蠔同燒扇貝極力推介！煮物方面，野菜牛肉鍋湯底清甜、牛肉嫩滑，汁煮牛舌（期間限定）軟稔入味，作為收尾之選非常適合。 自助區提供無限量飲品同甜品之外，每位客人亦可自選一杯自家制雪糕想甜嚐甜，我揀咗焦糖開心果同燉蛋雪糕，另外還有雪米糍供應，為豐富的一餐畫上完美句號。 御品·千之味：天后威非路道2-10號金都洋樓地下6號舖 放題Menu：https://www.oi-shi-sushi.com/menu/ 網上訂座：https://www.oi-shi-sushi.com/shop/預約/分店預約訂座/ #香港美食#天后美食#高質#御品千之味#千之味#刺身壽司專門店#天后美食#刺身#壽司#日式料理#全新壽司放題#包場放題#hkfood#foodie#天后放題#長腳蟹放題#放題生日優惠#包房放題#海膽放題

Chanballb

擦餐勁

校長燒肉日韓料理(大埔廣場)

和牛燒肉升級放題

呢間餐廳環境好靚，座位舒適位於大埔廣場附近，校長升級燒肉和牛刺身任食套餐每人都只係$268加一（價格詳情請向職員查詢） 燒肉和牛套餐入面有A4黑毛和牛，A4北海道和牛，鹿兒島牛肉，燒羊架，米豚腩特色炸物等等，米豚腩厚切燒完外脆腩肉食落有層次口感，A4黑毛和牛肉質油脂分布平均油花較多，燒完肉味juicy，羊架小編推介唔會好酥。 另外，星級任飲啤酒通行證，自助酙啤酒機岩晒鐘意飲酒既朋友，九款酒味由果酒，黑生啤同清新口感既1664,一番日本酒都有，另有星級飲品，西班牙咖啡小編推介唔太甜又有雪糕食大大杯，仲有檸檬茶，仙草伯爵奶茶等飲品都好味。 燒肉外面仲有多達幾十款唔同肉類，魚類，蔬菜等等俾客人出去拎，另有炸物好似炸薯條，炸雞，炸魚皮等炸物供應。 連打邊爐配料同打邊爐湯底都係自助形式，唔食燒烤既朋友可以打下邊爐，食物仲有點心，熟食，刺身，軟雪糕，爆谷，花茶，汽水，清酒等，一應俱全。 想食就快d黎校長燒肉啦～真係好抵食。 校長燒肉 地址：大埔安泰路1號大埔廣場6號鋪地下 #hkfoodie#foodphotography#foodblogger#燒肉#a4黑毛和牛#foodlover#打邊爐#抵食#燒肉吃到飽#燒肉放題#牛肉控#任食#抵食#UCreator #自助餐 #放題 #火鍋