君蘭麵包廠轉戰經營餐廳！旺角朗豪坊開「君蘭冰室」料11月開幕
君蘭冰室旺角朗豪坊開首店！君蘭麵包廠近月在全港各區開設分店，繼殺入銅鑼灣及尖沙咀後，最近品牌再進駐旺角朗豪坊，不過今次就驚喜進軍餐飲界，開設全新品牌「君蘭冰室」，預料將於今年11月開幕。
君蘭冰室進駐旺角朗豪坊11月開幕
君蘭麵包廠（舊稱「君蘭餅店」）近年形象大變身，一改傳統餅店面貌，採用精緻裝潢吸客，並致力進軍本港旅遊旺區，包括銅鑼灣東角、尖沙咀K11藝術購物館等，最近再度宣布進駐旺角朗豪坊。
不過，今次君蘭宣布將設立全新概念品牌「君蘭冰室」，選址旺角朗豪坊地下B2層中央位置。現場所見，門店現時已封上圍板，並標明「君蘭系列」、「全新冰室概念」等字句，又預告「即將開幕11月見」。
君蘭冰室 詳情
地址：旺角亞皆老街8號朗豪坊B2樓26-27號舖
開業日期：預計11月開幕
資料及圖片來源：UHK港生活
君蘭麵包廠賣平價兩餸飯
本地麵包店君蘭麵包廠（舊稱「君蘭餅店」），開業30年以來，主力提供各款港式麵包及傳統糕點，近年餅店換上全新風格，除了門店裝潢讓人耳目一新，同時致力推出創新特色菠蘿包、賣相精緻牛角包等，其中銅鑼灣店是品牌唯一一間港島分店，近期竟然不只單賣麵包及烘焙品，更加推出全新兩餸飯？
君蘭麵包廠$32兩餸飯、$40三餸飯
現場所見，君蘭麵包廠正推出2款餸飯，分別是$32雙餸飯及$40三餸飯，另外$7可加購指定飲品，逢星期一至日都設有兩餸飯，不過要留意僅限2節時間供應。
▼君蘭麵包廠兩餸飯供應時間▼
君蘭麵包廠兩餸飯設中泰菜式
至於菜式方面，當日現場所見君蘭麵包廠僅剩下4款菜式，當中包括娃娃菜、咖喱雞、秘製紅燒肉等。
同場牛角包、菠蘿包等買3送1優惠
同場旁邊則維持售賣其他烘培製品，例如蛋撻、法式芒果布甸包、原味忌簾筒。另外各款迷你牛角包及夾心菠蘿包推出優惠，$52/3件可混合選擇；以及6時後各款迷你牛角包、菠蘿包或咸麵包買3送1。
君蘭餅店約16.5萬承租東角道舖位
據報，該舖位地下及一樓面積合共約1,730平方呎，面向世貿中心，於今年初獲君蘭餅店以大約16.5萬承租。有關舖位上手租戶為鞋店Clarks，並在零售高峰期2014年所租用，當時月租高達60萬元。
網民：諗住用兩餸飯救亡
翻查網上資料，有網民得悉君蘭麵包廠賣兩餸飯後躍躍欲試，有人表示「食過，都ok」、「其實OK好食嘅，不過份量唔算多」、「不過佢個飯都唔係好平，有無競爭力就要睇味道」、「呢啲諗住用兩餸飯救亡嘅商家，根本不知兩餸飯的竅門，以為出面熱賣緊既兩餸飯，都係工場做好嘅貨色」。
▼網民咁樣講▼
君蘭麵包廠 銅鑼灣店詳情
地址：銅鑼灣東角道26號怡安大廈地下6-8號舖
電話：2380 1920
營業時間：
星期一至五｜08:00 - 21:00
星期六至日｜09:00 - 21:00
資料及圖片來源：UHK港生活、Facebook@香港兩餸飯關注組
-
港式美食
朗豪坊
多元化港式冰室
今日就去左旺角新開既君蘭冰室食飯 餐廳超近地鐵站, 食物種類多元化亦經濟實惠, 每日6點前仲有2餸/3餸飯, 有10多款菜式選擇, 每日新鮮炮製品牌將君蘭麵包廠多年烘焙手藝延伸到日常美食, 風格獨特, 是日晚餐仲有唔同中式小菜選擇 魚香茄子飯 茄子肉質軟嫩, 炆得好入味, 配撘大量肉燥, 帶鹹香又唔會太重口味, 帶微辣又唔會太肥膩, 整體層次豐富, 醬汁超岩送飯 另外都有新鮮出爐嘅麵包 粟米吞拿魚包 都幾大個, 餡料爆滿, 微微烤熱後包身軟熟 📍 君蘭冰室 (旺角) 旺角亞皆老街8號朗豪坊B2樓26-27號舖 #foodiehk#foodie#foodies#hkfoodie#hk#hkfood#hkfoodbloggers#食評#吃貨#君蘭冰室#UCreatorHK #香港美食#九龍美食#香港地道美食
閱讀更多
-
打卡熱點
君蘭冰室 🌟朗豪坊 Orchid Padaria Café 📍港鐵旺角站E1出口/C3出口 唔喺朗豪坊搵食都唔知 原來君蘭喺度開咗冰室 下午茶時段去搵食 去咗朗豪坊地庫B2 層 猛太陽落雨都唔怕😅😅夠晒方便！ 君蘭冰室嘅規模都幾大 座位好多 算係嘆茶嘅好地方 有幾款下午茶餐 🧡#厚切午餐肉芫荽蛋治 - 本身都好鍾意食芫荽 但從未試過將芫荽加落蛋治入面 有好香嘅芫荽味 清新😛😛 - 仲有午餐肉係預先煎過嘅 脆口 - 整個蛋治都好惹味 🧡#星洲炒米 - 用料豐富 都幾大碟 - 炒得夠均勻 有好重咖喱味 🧡#奶茶 - 我覺得冰室或者茶餐廳 奶茶沖得好都幾緊要 - 呢度嘅奶茶唔會太澀 但唔會好重奶味 - 而且唔似有啲食肆用一個好厚身嘅杯 - 呢度冰室嘅奶茶都幾大杯 - 就算係凍奶茶 都可以keep到質素👍🏻👍🏻 嘆完下午茶 就係諗住走嘅時候 見到有兩餸飯三餸飯 就順便買埋做晚餐 佢嘅價錢都親民 兩餸飯$38 三餸飯$44 個價錢拍得住其他店 而且選擇都好多 有成10款咁多 份量比得好足 我就揀咗兩個兩餸飯 總共有四個餸 🧡#梅菜扣肉 🧡#滷豬手 🧡#泰式青咖喱雞 🧡#咕嚕肉 其實每個餸嘅味道都幾好 唔會太鹹 醃得入味 性價比極高，大推！ #我要替月行道
閱讀更多
-
港式美食
君蘭冰室
多元化冰室美食🌟
最近｢君蘭｣喺旺角朗豪坊新開咗間冰室 @opcafe_hk ,主打各款香港冰室美食🤩🤩 除了提供早午晚三餐同下午茶外,仲有兩餸飯同麵包可以買,好多選擇!! 而且冰室近地鐵站可直達,唔洗驚落雨/曬,幾方便✌🏻✌🏻 - 🍱是日晚餐 甜酸咕嚕肉 $67✨ - 賣相都唔錯!咕嚕肉肉質外脆肉軟,味道酸酸甜甜､好入味~加上三色椒､菠蘿等配料,用嚟送飯一流😋😋 飲品就揀咗熱檸茶(+$6),茶味清香🍋,可以解解膩!! 另外是日晚餐仲有川味麻婆豆腐､XO醬翠玉瓜炒雞柳､咖喱薯仔牛腩等選擇,下次要試埋👍🏻👍🏻 - 🏠 君蘭冰室 地址: 旺角亞皆老街8號朗豪坊B2樓26-27號舖 營業時間: 08:00 - 23:00 #人人生日快樂#我係咖啡達人#2025chillguy#ucreatorhk#momentswithucreator#bestfoodwithucreator#ucreator
閱讀更多
港生活人氣本地熱話
《U GO 》請您去CON-CON HONG KONG 2026！
超強音樂陣容＋動漫IP沉浸式體驗🔥
《U GO》請您睇《末日聖母號》！
史詩科幻電影🌌Project Hail Mary🚀
假日好去處