破地獄票房打破香港電影開畫日紀錄排行榜 《九龍城寨之圍城》僅排第3

8poju

娛樂

破地獄票房破開畫日紀錄  黃子華神級金句超到肉

最近，黃子華、許冠文同衛詩雅主演嘅電影《破．地獄》喺11月9日上映，真係好評如潮！🎉 票房好勁，周日（15日）就衝破1,500萬，仲打破咗《九龍城寨之圍城》三日破千萬嘅紀錄！💰 之前有啲人話黃子華係「票房毒藥」，但而家佢好戲連連，屢屢破紀錄，仲將每個角色演得超犀利！🔥 咁就一齊嚟重溫下黃子華經典影視作品入面嘅神級對白金句啦！📽️✨ 🎭 黃子華金句1. 電影2024 《破．地獄》 「嗰邊紅館每晚都喺到開Show，呢邊殯儀館又係每晚都喺到開Show」 👻 黃子華金句2. 電影2024 《破．地獄》 「你哋喃嘸就係負責超度先人，我哋行街（殯儀經紀）就負責超度生人」 🔥 黃子華金句3. 電影2024 《破．地獄》 「生人都要破地獄，生人都好多地獄」 💪 黃子華金句4. 電影2023 《毒舌大狀》 「我唔怕班契弟，因為我最契弟」 😟 黃子華金句5. 電影2023 《毒舌大狀》 「十個人都有九個帶住後悔入棺材，我唔想係其中一個」 🤔 黃子華金句6. 電影2023 《毒舌大狀》 「邏輯嘅嘢，今時今日，又真係好難要求個個都有」 🌈 黃子華金句7. 電影2022 《飯戲攻心》 「幸福最大障礙，就係對未來太多期待。」 👨‍👩‍👧 黃子華金句8. 電影2022 《飯戲攻心》 「你係大佬，佢係勾大嫂，佢係二佬，你搶佢返嚟，你咪勾二嫂囉」 🏠 黃子華金句9. 電影2022 《飯戲攻心》 「屋企人喺邊，邊到就係屋企」 💰 黃子華金句10. 電視劇 2000 《男親女愛》 「正所謂，一千幾百，猶如垃圾，富貴於我如浮雲…… 但浮雲於我如命根啊」 ⏳ 黃子華金句11. 電視劇 2000 《男親女愛》 「返工不在乎天長地久，只在乎有無得唞」 🔪 黃子華金句12. 電視劇 2007 《奸人堅》 「損人先利己，打贏靠暗器」 ⚖️ 黃子華金句13. 電視劇 2007 《奸人堅》 「有恩不報未算差，有仇不報正人渣」 💕 黃子華金句14. 電視劇 2013 《My盛Lady》 「人係感情嘅動物 戲假可以情真」 🎉 黃子華金句15. 電視劇 2013 《My盛Lady》 「婚禮最緊要唔系黎幾多人，而係要黎既都黎齊」 📖 黃子華金句16. 棠督笑 1990 《娛樂圈血肉史》 「依個世界只有一樣嘢講好過做嘅，就係馬克思主義」 📢 黃子華金句17. 棠督笑 2012 《娛樂圈血肉史2》 「只要我一講無論如何，下面嘅嘢就好似好有道理㗎喇」 😱 黃子華金句18. 棠督笑 2010 《嘩眾取寵》 「點解啲人又叫地府陰間、又叫地獄講到咁恐怖呢？ 因為嗰到肯定係全世界通貨膨脹最高嘅地方啦！寫親銀紙張張過億，李嘉誠落到去先知自己都係窮人，仲要燒親唔係幾張咁計，係幾斤咁燒落去」 💩 黃子華金句19. 棠督笑 2012 《洗燥》 「劉青雲講過，做人無公關，你食屎㗎啦」 🏡 黃子華金句20. 樓市金句 2006 《兒童不宜》 「人類嘅食物鏈簡單好多，只有三種。最下層係無產，中層係中產，頂層係Ｘ家產！係絕無不敬嘅成分，因為頂層唔係房產、權產就係遺產，名符其實Ｘ家都係產，所以我哋好多時叫Ｘ家產會加乜嘢？Ｘ家富貴」 🏠 黃子華金句21. 樓市金句 1994 《末世財神》 「你只需擁有一層500呎嘅樓，閣下就係富豪。依家唔買，遲啲要做300呎富豪，再遲啲係100呎富豪」 資料及圖片來源：YouTube@tzewahofficial (黃子華DayoWong棟篤笑-官方頻道)、YouTube@EmperorMotionPicturesOfficial、FB@TheLastDanceMovieHK、IG@dayowong_quote、IG@tableforsix_movie、IG@emperormotionpictures、IG@aguiltyconscience_movie  #黃子華 #金句 #對白 #破地獄 #毒舌大狀 #飯戲攻心 #My盛Lady #奸人堅 #男親女愛 #娛樂圈血肉史 #嘩眾取寵 #棟督笑 #電影 #電視劇 #TVB

EatPlayFun

娛樂

《尋秦記》票房狂飆破紀錄💥第二週贈品加碼🎁！天命最高~

各位香港影迷！ 《尋秦記》電影版2025年12月31日除夕上映以來， 首日連午夜場在內， 全港開出1481場次，成為香港電影史上開畫首日場次最多的作品。 票房更勁，首日已收約1130萬票房(P2)，打破香港電影史上首日最高開畫票房紀錄！ 《尋秦記》上映短短5日內，港澳累計票房已衝破四千萬(P3)，成功掀起全城「天命最高」熱潮，證明等咗25年嘅經典，絕對值回票價！ 《尋秦記》再加碼推出第2週特典，甚至有戲院推出獨家特典， 以下我同大家整理左嘅資料 ✨英皇戲院推出第二週獨家特典(P4,P5,P6) ✨  第二週繼續加碼，英皇戲院推出獨家特典，穿越情懷再升級🆙 ✨ 由1月7日起，凡於英皇戲院購買《尋秦記》第二週場次戲票1張， 於英皇戲院嘅【禮品兌換平台】登記換領獨家燙金明信片一張(P7) *（款式隨機，金光閃閃，紀念價值爆燈）；  英皇戲院禮品兌換平台： 方法一 : 英皇戲院app按禮品換領一欄，然後再按指定網站登記 (P8) 方法二 : 直接輸入以下網址登記(https://promo.emperorcinemas.com/tc) (P9) 等咗20幾年嘅回歸，《尋秦記》獨家明信片同海報，就係廿十幾年嘅紀念印記。 絕對係必搶！帶返屋企慢慢回味！ ✨MCLCinema第二週追加獨家贈品(P11,P12,P13,P14,P15,P16) ✨MCL院線第二週贈品更加強勢回歸，會員福利直接升級🆙 早前MCL會員第一週限定角色珍藏卡反應熱爆💥 MCL為咗回饋大家支持，第二週由1月7日起加碼推出： ✨凡於MCL購買一張1月7日起場次戲票，出示電子會籍同實體飛，即可換領限量角色珍藏卡一張。 MCL仲將角色珍藏卡全套升級至18款🆙(9款常規版 + 9款全新鐳射款) *將原來只有2款鐳射特別版升級至9款!! *烏廷芳、琴清等經典角色，仲有電影新角色Ken、Galie等等，齊齊加推鐳射版。 *無論票房、自助機、網站定App買飛都適用（包場、特典場除外）*贈品需喺觀映戲院票房換領，數量有限，先到先得，送完即止。 💥影迷把握機會扑飛，抽中鐳射版就係天命最高💥！ 🎁《尋秦記》第二週購票特典(P17,P18,P19)🎁 所有戲院第二週一樣有靚贈品！ 凡購買《尋秦記》1月7日起場次戲票兩張，即可獲贈「28.5x40cm 項少龍幻彩銀咭海報」一張（先到先得，送完即止）！ *呢張幻彩銀咭海報夠晒靚，掛牆打卡一流，無論邊間院線，憑實體飛喺票房換領，先到先得，以實物為準。無 論你係MCL定英皇定其他院線，第二週入場都有驚喜，繼續支持《尋秦記》，一齊見證經典延續！香港影迷，票房神話仲未完！快啲行動，第二週扑飛搶贈品，一齊唱住「天命最高」衝上銀幕！🚀 圖片來源: Facebook@MCL Cinemas官方、Emperor Cinemas 英皇戲院官方、天下一電影 One Cool Film  #攻略 #電影 #尋秦記 

8poju

娛樂熱話

2025賀歲片票房大跌！無一部突破千萬！《臨時決鬥》票房700萬稱冠

2025賀歲片票房比去年同期下跌37.1% 😢 香港票房有限公司公佈咗2025年農曆新年賀歲檔期（除夕至年初四，即1月28日至2月1日）5天嘅電影票房數據。中西票房總收入竟然只有HK$30,603,031，對比2024年同期嘅HK$48,641,886，竟然下跌咗37.1%，真係令人失望！😩 再比返2019年疫情前嘅成績，更加驚人，票房跌咗59.3%（2019年同期票房為HK$75,195,909）。 🥊 《臨時決鬥》 票房：HK$7,473,717 🎉 《祥賭必贏》 票房：HK$5,799,403 🔥 《封神第二部：戰火西岐》 票房：HK$4,184,904 🐦 《麻雀女王追男仔》 票房：HK$2,142,118 👉🏻向右滑圖最尾看官方公佈票房數據** 2025賀歲片票房《臨時決鬥》達700萬稱冠 💪🏻 今個農曆新年賀歲檔期上映嘅電影中，前兩位都係香港製作！由古天樂、梁詠琪主演嘅《臨時決鬥》，上映五天（除夕至年初四）票房收入達HK$7,473,717，成績最勁！第二位係阿Sa蔡卓妍、張繼聰主演嘅《祥賭必贏》，收入為HK$5,799,403。第三位就係內地武俠片《封神第二部：戰火西岐》，收入HK$4,184,904。 今個蛇年嘅6部賀歲片中，最差表現就係王晶、葉念琛執導嘅《麻雀女王追男仔》，上映五日收入淨係得HK$2,142,118。 2025年賀歲檔期表現真係不如預期，竟然冇一部電影突破千萬票房，業界都感到失望，呼籲觀眾多多支持本地電影！🙏  資料及圖片來源：香港票房有限公司、IG@hit.n.fun、IG@queen.of.mahjong、IG@mybestbet.film  #賀歲片 #農曆新年 #臨時決鬥 #祥賭必贏 #封神第二部戰火西岐 #麻雀女王追男仔 #古天樂 #梁詠琪 #蔡卓妍 #張繼聰 #票房