赤柱聖誕市集2025｜現場直擊逾100個攤檔！掃街攻略＋免費穿梭巴士/泊車預約懶人包
赤柱廣場聖誕市集 2025 於 12 月 19 日盛大開鑼！即日起至12月28日赤柱廣場舉辦「夠薑過聖誕」聖誕市集，現場超過100個攤檔包羅萬有，更有米芝蓮必比登推介美食、限定薑味特調及文創手作。想知有什麼必食推介？編輯現場直擊有咩食及精選人氣攤檔，並附免費穿梭巴士時間表及 Klook 泊車預約連結，即睇最強聖誕掃街攻略！
赤柱廣場聖誕市集回歸
赤柱廣場聖誕市集踏入第 10 個年頭，今年決定搞搞新意思，以「薑」為主題推出「夠薑過聖誕」活動。由 2025 年 12 月 19 日至 28 日，一連 10 天，超過 100 個攤檔將齊聚天幕廣場及美利樓。現場除了有文創產品、精緻手工藝品外，更有大量聖誕主題美食及遊戲攤檔。
想更有節目氣氛？不妨配合「薑」主題或穿上聖誕裝束入場，隨時會有意想不到的驚喜禮遇等著大家！
赤柱聖誕市集「夠薑過聖誕」活動詳情
日期：2025年12月 19日至28日(共10天)
時間：中午12時至下午8時
地點：赤柱廣場天幕廣場、公共空間及美利樓
網民真實打卡分享：
赤柱聖誕市集美食攤檔現場直擊
冬天食雪糕至過癮，小編推介本地Gelato品牌The Nutter Company的聖誕香料紅酒雪芭、薑汁黑芝麻湯圓雪糕、及採用自家製果仁醬打造的特濃果仁雪糕系列。港人最愛雞蛋仔最啱邊行邊食，必試818 x Eggie的意式芝士蛋糕雞蛋仔及專為市集推出的薑汁撞奶雞蛋仔，外皮鬆脆夠蛋味，熱辣辣十分好味。
另外還有以招牌麻糬冬甩聞名的Donut Demo，聖誕節期間更推出限定口味──「姜餅人派對」及「斑蘭花圈」，應節睇得又食得。（按圖睇更多推介）
更多美食推介
赤柱聖誕市集必食推介：近 30 間人氣美食品牌進駐
今年的赤柱聖誕市集繼續有好嘢食！市集集結近 30 個人氣美食品牌，參展攤檔包括首次參與赤柱聖誕市集的米芝蓮必比登推介「魚事者」、以本地特色口味聞名的「上水爆谷」及隱秘的咖喱專門店「Curry Boy」。
另外還有本土精釀啤酒 H.K. Lovecraft、地道港式 Gin 酒「白蘭樹下」、話題冬甩工房「Donut Demo」、人氣蛋糕店「Petite Sweet」及西班牙火腿專門店「Diverxu」等。此外，人氣歐陸家庭美食 Jacques n Grill 將以期間限定店強勢回歸，推出市集獨家的薑味美食。
為呼應今年主題「夠薑過聖誕」，特別與五味堂涼茶酒館合作研發薑味特調。嚴選香港本地種植鮮薑，結合傳統涼茶配方與現代調酒技術，打造出風味層次豐富的赤柱市集限定「薑味雞尾酒」。
保護遺棄動物協會期間限定慈善義賣
聖誕節的喜樂氣氛除了自己感受，亦要將這份溫暖送給毛孩。活動聯乘SAA保護遺棄動物協會，於赤柱廣場4樓寵物區設置慈善義賣攤位，準備一系列精挑細選的聖誕慈善禮品。禮品收益將捐予SAA保護遺棄動物協會，用作救助年老弱小、患病受傷或曾受虐待的無助動物，為有需要的毛孩送上最親切的關愛與祝福。
保護遺棄動物協會慈善義賣攤位詳情
日期：2025年12月 19日至28日(共10天)
時間：中午12時至下午8時
地點：赤柱廣場4樓寵物區
赤柱聖誕市集交通懶人包：免費穿梭巴士＋預約泊車
免費穿梭巴士安排詳情
大會於聖誕市集活動期間，提供免費穿梭巴士往返赤柱廣場及金鐘，每30分鐘一班車。出發前 30 分鐘開始派籌，一人一籌，先到先得，額滿即止。
赤柱廣場停車場預約泊車服務
為方便市民參與市集，赤柱廣場停車場將提供預約泊車服務，訪客可即日起透過 Klook 專頁預留泊車位。
| 泊車時段 | 每日名額 |
| 上午 11 時 30 分至下午 2 時 30 分（時段 1） | 150 |
| 下午 2 時 31 分至 5 時 30 分（時段 2） | 100 |
| 下午 5 時 31 分至 8 時 30 分（時段 3） | 120 |
赤柱廣場「夠薑過聖誕」活動詳情
日期：2025年12月 19日至28日(共10天)
時間：中午12時至下午8時
地點：赤柱廣場天幕廣場、公共空間及美利樓
-
節日限定
赤柱聖誕市集薑爆燈！🤩 買嘢食嘢睇海景！
. ✨ 赤柱今年聖誕真係好｢夠薑｣!🎄其實我每年聖誕都一定入赤柱,因為真係好鍾意呢個地方!今年聖誕佢哋有個市集一定要去~🤗 領展赤柱廣場嘅 #夠薑過聖誕市集終於登場喇!🔥 由12月19日起一連10日,有100+人氣手作攤檔進駐天幕廣場同美利樓,仲有全海景陪你行市集,氣氛超正~ 🌊🎡 我特別鍾意(介紹2-3檔自己鍾意嘅),今次重頭戲當然係嗰堆｢薑｣味爆燈嘅限定美食!🤤🤤 ✔️布拉格薑汁牛肉麵包湯 ✔️薑汁撞奶味Gelato ✔️姜餅人派對冬甩 ✔️薑味熟成牛油咖喱 ✔️陳皮檸檬薑茶 每款都得意又好打卡,薑迷一定忍唔住試晒佢!😋 仲有聯乘本地藝術家打造嘅｢薑藝廊｣🎨,靚到想瘋狂打卡!📸 follow social media即送本地農莊新鮮生薑,真･夠薑禮物拎返屋內~🎁 ✨隱藏彩蛋:市集限定｢薑吧｣🍸 同五味堂涼茶酒館合作,調出超有層次嘅薑味東方草本利口酒!用香港本地農莊鮮薑 x 涼茶配方 x 調酒技術,飲落辛香暖身,風味好香港､好聖誕~💛 只喺呢度先飲到,仲有game玩~🎮 聖誕未諗到去邊?一於約埋朋友一齊嚟赤柱食嘢+買聖誕禮物+睇海景,過個暖笠笠又儀式感滿滿嘅聖誕啦!🎅❤️🔥 📅 12月19日起|一連10日 📍 赤柱廣場天幕廣場 & 美利樓 #赤柱聖誕市集#夠薑過聖誕#赤柱廣場#聖誕好去處香港聖誕 市集打卡 手作市集 香港美食 薑味聖誕 海景市集 hkchristmas @stanleyplazahk @boxingpromotionshk
閱讀更多
-
打卡熱點
赤柱廣場
[赤柱好去處•維他奶捉緊暖意時刻分享•赤柱聖誕市集]
[赤柱好去處•維他奶捉緊暖意時刻分享•赤柱聖誕市集] - 今年維他奶同大家喺赤柱聖誕市集分享暖意,市集內有窩心的霓虹燈字句打卡墻,還有以維他奶玻璃樽為造型嘅聖誕樹｡而市集設有互動攤位游戲贏獎品,更有機會獲得玻璃樽裝維他奶毛公仔｡ - 温馨提示: •憑任何購買維他奶滿$20嘅電子單據到赤柱聖誕市集維他奶攤位可免費參加暖笠笠星空瓶工作坊 •市集日期: 12月21-26日 •市集開放時間:中午12點 - 晚上8點 - 赤柱廣場｢魔幻聖誕盛會｣ 赤柱廣場天幕廣場､公共空間及美利樓 - 想了解更多活動,可以留意商場IG 📍傳送門👉🏻 @vitasoy - 想知道更多香港影相打卡好去處 記得follow我 💕 - #維他奶#Vitasoy#滋味暖入心#為我為你維他奶#聚會#赤柱聖誕市集#聖誕好去處#stanleyplazahk#christmasmarket#UCreator#打卡美食#好去處#全新景點#隱世打卡點#chill#打卡#我想去aia嘉年華#靚住過聖誕#拍下珍貴時刻#聖誕打卡
閱讀更多
-
打卡熱點
赤柱今年聖誕真係好「夠薑」！🎄其實我每年聖誕都一定入赤柱，因為真係好鍾意呢個地方！今年聖誕佢哋有個市集一定要去～🤗 領展赤柱廣場嘅 #夠薑過聖誕 市集終於登場喇！🔥 由12月19日起一連10日，有100+人氣手作攤檔進駐天幕廣場同美利樓，仲有全海景陪你行市集，氣氛超正～ 🌊🎡 #我想去AIA嘉年華
閱讀更多
港生活人氣好去處
《U GO》請您去香港國際七人欖球賽！🏈
↓一齊感受欖球盛事嘅熾熱氣氛！❤️🔥↓
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
假日好去處