平價燒春雞店薔紅連開3間分店！必食$88脆皮燒雞／手打檸檬茶
薔紅燒雞開分店啦！日前薔紅茶餐廳宣佈又開分店啦，是次選址遍佈港九新界，分別在元朗、佐敦、大坑都有新店！餐廳最受歡迎的是平價「金牌燒雞」，價錢親民且份量滿足，深受街坊歡迎。而薔紅餐廳於灣仔已有30多年歷史，繼早前在紅磡開設首間分店後，最近再連開3間新店各區街坊有口福啦！
薔紅宅急便一連開3間分店
日前薔紅宅急便宣佈又開分店啦，是次選址遍佈港九新界，分別在元朗、佐敦、大坑都有新店！大坑店早在今年2月開業，以及元朗店最近亦進入試業階段，而位於逸東酒店內的佐敦分店則將於5月開業！繼早前在紅磡開設首間薔紅宅急便分店後，最近再連開3間新分店，各區街坊有口福啦！
▼佐敦店▼（將於5月開業）
▼元朗店▼（現正試業）
▼大坑店▼（現已開業）
薔紅宅急便元朗分店試業階段
薔紅餐廳在元朗開設全新分店「薔紅宅急便」，現正試業期間。餐廳主打「金牌脆皮燒雞」套餐。元朗分店售價只須$78，而其他分店如灣仔店、土瓜灣店等則售$88。套餐可選飯/意粉/薯條/沙律等配菜，再另加飲品、湯等。賣相十分誘人，價錢亦十分親民，吸引不少街坊到店支持！
▼紅磡店▼
灣仔薔紅茶餐廳30多年歷史
深受街坊歡迎的平民價茶餐廳「薔紅」，在灣仔屹立30多年，而今次在紅磡開設首間分店令不少食客都十分期待。新分店於2024年12月28日始試業，除了招牌燒雞之外，餐廳亦有酥炸脆皮牛腩、鐵板餐、炸豬手、爆打香水檸檬茶等任君選擇！
▼灣仔店餐牌▼
薔紅茶餐廳詳情
灣仔店
地址：香港灣仔莊士敦道194至204號灣仔商業中心一樓
營業時間：星期一至六上午7時至深夜12時；星期日上午11時至深夜12時
薔紅宅急便詳情
紅磡店
地址：紅磡崇志街28號地下
營業時間：上午11時至晚上9時
大坑店
地址：大坑新村街4A地下
營業時間：上午11時至晚上9時
元朗店（現正試業）
地址：元朗鳳攸北街11-15號益發大廈地下19-20號舖
營業時間：上午11時至晚上9時
佐敦店（將於5月開業）
地址：佐敦彌敦道380號逸東酒店Food court
來源：Facebook@Rose Kitchen薔紅特色茶餐廳、Facebook@Rosefooddelivery、Facebook@香港茶餐廳及美食關注組
-
港式美食
薔紅
灣仔薔紅名雞🤤！午市抵食又好味！
今日特意由中環搭地鐵嚟到灣仔薔紅試吓灣仔名雞!12:30到達,六人一份直接有圓枱座位,服務好快｡午市價$88,半隻燒雞可以配薯條/飯/意粉,性價比極高!雞肉好Juicy,用手套食可以輕鬆撕開,仲有刀可以輔助,方便又實用｡配上泰式辣醬,味道層次豐富,唔使太講究優雅,隨意享用都得,感覺好暢快!另外加$16有麥精紅豆冰,好特別又帶住童年回憶!服務真係非常之好,我哋唔小心倒瀉水時,仲有耐性幫我哋抹枱並說｢唔該｣,我哋應該講聲｢唔好意思｣同｢唔該｣先至啱!🤣 好多打工仔都鍾意黎呢度食午飯,氣氛熱鬧,推介一試! #維港熱氣球之旅#香港美食#港島美食#香港地道美食
閱讀更多
-
打卡熱點
奧海城近來新開的餐廳薔紅，開在戲院附近，黎睇戲之後到店飽嘗一餐是不錯的選擇。店內最出名的是金牌脆皮燒雞，現時做緊開張優惠只售78元，值得來試下。 #中秋Q彈時刻
閱讀更多
-
打卡熱點
🌟薔紅 🌟 今日和同事去咗灣仔食咗馳名嘅燒春雞，🐥真係好好食，金黃酥脆嘅外皮，香噴噴，令人一見就想食。😻咬落去，肉質鮮嫩多汁，完全唔會乾柴，味道好入味，感覺就好似食緊乳鴿或者乳豬咁，真係令人驚喜。💓 配搭嘅醬汁有椒鹽同埋甜酸醬亦都好特別，酸酸甜甜，正好中和咗燒雞嘅油膩感，令人一口接一口，停唔落嚟。 可以揀薯條/意粉/沙律/飯，我揀咗薯條🍟。薯條食落去有粟米湯嘅味道，非常特別💗同事叫咗意粉，份量十足。另外一位同事叫咗沙律，好清新☘️👍 餐廳嘅環境都幾舒服，服務員態度親切！大部份都係叔叔輩，全部都風趣幽默🤣而且態度殷勤，服務質素值得一讚💗 總括來講，今次嘅用餐經歷非常滿意，燒春雞真係值得一試🫡🫡🫡下次再來🌟薔紅 🌟，一定再encore #夏日KeepFit膠原蛋白粉
閱讀更多
港生活人氣本地熱話
↓【香港貓迷博覽會2026🐱】大派300張門票！✨↓
一連3日！帶埋主子入場
↓【限時搶⚡】黑白®85周年限定迷你積木↓
↓3款限定精品↓
U GO 本週好去處
