阿Dee何啟華自爆ERROR曾分兩派對立慶幸自己當初沒入選MIRROR

有待公佈

演出日期及地點

日期待公布

地點待公布

香港男團ERROR成員阿Dee何啟華早前現身商台節目《星光背後》受訪，自爆出道以來的種種經歷，原來當初ViuTV組成MIRROR及ERROR前，何啟華已夥好友楊樂文(Lokman)及王智德(Alton)向高層自薦組三人組合出道，後來就已是大家認識的歷史，不過阿Dee則坦言慶幸自己沒有入選MIRROR。

阿Dee何啟華入行前並無正職愧對家人

點擊圖片放大

香港男團ERROR成員阿Dee何啟華早前現身商台節目《星光背後》受訪，阿Dee透露六年前參加《全民造星》為星途大改寫︰「我中五畢業嗰一年都有返過正職嘅，侍應、Sales、賣衫，我都做過，但係我做乜都唔及我響舞台做得好，咁有滿足感。」，「眼見哥哥養家，而我自己隨住年紀長大而成就向下跌，我會反問自己係咪浪費時間，月尾總係無錢洗要問屋企人攞，果陣不斷重覆，好地獄，但個天又好奇怪，到我想放棄又有啲機會出現留住我，一年總有一、兩套舞台劇搵我做chorus，總係心灰意冷果時又有電話搵我做，當時我涉獵MC、跳舞、舞台劇，幫人宣傳遊戲game扮喪屍，總之同表演有關我都做。點解？因為無錢囉！過程都係鍛鍊苦中作樂。父母有無壓力？我會形容係季節性，佢哋忍到夏天，又忍唔到個春天。《造星》最後簽ViuTV，最初幾千蚊底薪都好，佢哋終於放心，係因為我終於有份正職！不過都真係要多謝父母，佢哋好傳統，好錫自己小朋友，無得食都要畀小朋友食。」

自爆ERROR曾分兩派對立?

點擊圖片放大

ERROR成軍六年，Dee 坦承經歷過不少磨合，「嗰陣我哋四個分咗兩邊咁，好多拗撬，但好彩我哋都係男人，有啲咩就會三口六面鬧清楚，係講晒粗口果隻。如果我哋係女仔嘅話，應該會扯頭髮添！之後我哋啲嘢就越行越順，有錢就齊齊搵，一齊經歷咗好多嘢。」根據過去梁業(肥仔)的訪問透露，當時肥仔與DEE哥一派，保錡與郭嘉駿（193）一派。原因在於前者一向跳舞合作，後者就對於時尚、Marketing、娛樂圈的流量有不同睇法。不過在保錡經歷低潮期時，都是由四人互相扶持跨越難關：「係一齊撈返起佢，我地同佢講你肯玩就一齊玩，你畀人雪藏，咪用個雪櫃推佢出嚟，畀佢知道home sweet home，我地係屋企人，你當我同事又好，係合約精神又好，我哋四個係綁埋一齊架嘛，如果我哋想害你，咪即係害埋自己？」

坦言慶幸當初沒入選MIRROR

點擊圖片放大

Dee當年夥兩位跳舞好兄弟Lokman及Alton一起參賽《造星》，沒想過要爭冠軍，「目的我只係想話畀人知我響度！」最終他30強止步，但原來十強決賽前，他與兩兄弟已向高層自薦組成組合，「而家應該可以講，我捉住高層話我哋可以做呢啲，又可以做個啲！不如俾我哋三個試下整個組合。到節目尾聲，聽到有個組合要誕生，本身以為得米啦，以為就係我哋三個一齊做個組合。係後來先知我哋要入唔同組合，我入ERROR，佢哋就入MIRROR。」被問到自己無緣入MIRROR，他說：「無唔開心！我反而慶幸自己冇入到MIRROR，佢哋兩個適合做偶像派，比我更適合，我會話自己似entertainer多過idol。」

+19

+18

點擊圖片放大

更多真實評價

leewengii

泰國菜

泰鳩

🪞香港男團Mirror成員Lokman楊樂文同Alton王智德，加上Error嘅阿Dee何啟華，三位由「全民造星」開始已經係好兄弟，三位一齊喺油麻地譽發廣場開咗一間泰國菜館。餐廳以黃色為主調的，裝修年青有活力。適逢九月係Alton嘅生日，Alton嘅fans club特別為餐廳添上王勁生日主題裝飾。我自己唔係兩隊天團嘅fans, 但亦唔會討厭佢哋。單以食物論，呢間亦係一間唔錯嘅泰國餐廳。之前嚟過一次，當時擺喺樓面個沙冰機真係太嘈，噪音達到職業性失聰嘅程度，我要求調位同反影咗意見，今次就再冇以上嘅情況。上次叫咗豬手、炸蝦餅、炒金邊粉同船麵，樣樣都好食。今次試乳鴿、春卷、炒芥蘭並再encore一哥船麵同炒金邊粉，前兩者都係啲來貨炸物，唔大特色。芥蘭爽脆甜。船麵冇第一次食咁驚艷，湯底帶甜味，但都唔錯。炒金邊粉最好味，味道豐富，充滿泰國風味。 #女生好物體驗包 #ok即刻有 #chill歎旅遊 #泰菜 #泰國美食 #打卡美食 #UCreator #Foodie #bestfoodwithucreator #momentswithucreator

閱讀更多
N

娛樂熱話

啟德體育園

鏡仔衝出香港！11.28 啟德見！🔥🎤

MIRROR 為香港本地首隊大型男子跳唱組合,於 2018年11月3日出道｡十二名成員皆為ViuTV 選秀節目《Good Night Show 全民造星》的參賽者｡團隊名稱｢鏡｣寓意每人都可獨當一面,一起時就能互相反映無限可能｡ MIRROR稱之為香港人氣的男團於今年11月28日將會首次以完整陣容參加在香港啟德體育園舉行的國際級韓國年度音樂盛事MAMA,與多個知名韓流團體如SUPER JUNIOR､(G)I-DLE､IVE､ENHYPEN等同場演出,這是MIRROR成軍第7年以來最具代表性和國際影響力的舞台演出,能極大提升香港流行音樂的實力和知名度,且為鏡絲的我帶來驕傲｡此外,MAMA盛會門票和直播都提供多種方式支持他們,投票支持MIRROR有助他們在盛會中獲得更多關注和助力,值得參與｡《我哋係MIRROR》: 江𤒹生 Anson Kong 王智德 Alton Wong 邱傲然 Tiger Yau 邱士縉 Standley Yau 楊樂文 Lokman Yeung 姜濤 Keung To 李駿傑 Jeremry Lee 柳應廷 Jer Lau 陳卓賢 Ian Chan 呂爵安 Edan Lui 盧瀚霆 Anson Lo 陳瑞輝 Frankie Chan Instagram: https://www.instagram.com/mirror.weare Facebook: https://www.facebook.com/pg/MIRROR.WeAre Wedsite: https://www.makerville.hk/en/talents/MIRROR YouTube: https://youtube.com/@mirrorweare #MIRROR#mirrorweare#Boyband#男團#鏡仔 #MAMA#mama2025#香港#啟德體育園#演唱會 #音樂#流行音樂#文化活動#show#concert

閱讀更多
foodie_emily

鏡仔日常

香港

MIRROR成員生日日期大曬冷！下半年有多達10子😱

話咁快2024年已經過咗一半, MIRROR 12子當中原來有10子都係下半年生日😱今日就幫大家排序下,鏡粉們準備好一齊為偶像慶祝啦~詳情見圖‼️ 🌟呂爵安 Edan Lui 🎂生日日期:1997年1月21號 ♒️星座:水瓶座 🌟姜濤 Keung To 🎂生日日期:1999年4月30號 ♉️星座:金牛座 📎下半年生日成員 🌟陳卓賢 Ian Chan 🎂生日日期:1993年6月9號 ♊️星座:雙子座 🌟邱傲然 Tiger Yau 🎂生日日期:1999年7月3號 ♋️星座:巨蟹座 🌟盧瀚霆 Anson Lo 🎂生日日期:1995年7月7號 ♋️星座:巨蟹座 🌟陳瑞輝 Frankie Chan 🎂生日日期:1988年7月29號 ♌️星座:獅子座 🌟邱士縉 Stanley Yau 🎂生日日期:1990年8月20號 ♌️星座:獅子座 🌟李駿傑 Jeremy Lee 🎂生日日期:1995年9月8號 ♍️星座:處女座 🌟王智德 Alton Wong 🎂生日日期:1989年9月21號 ♍️星座:處女座 🌟楊樂文 Lokman Yeung 🎂生日日期:1989年9月26號 ♎️星座:天秤座 🌟江爗生 Anson Kong 🎂生日日期:1992年10月16號 ♎️星座:天秤座 🌟柳應廷 Jer Lau 🎂生日日期:1992年11月20號 ♏️星座:天蠍座圖片來源:MIRROR､陳卓賢､邱傲然､盧瀚霆､陳瑞輝､邱士縉､李駿傑､王智德､楊樂文､江爗生､柳應廷的IG 帳號 #攻略#陳卓賢#邱傲然#盧瀚霆#陳瑞輝#邱士縉#李駿傑#王智德#楊樂文#江爗生 #柳應廷#呂爵安#姜濤#MIRROR#鏡仔#MIRROR生日

閱讀更多