一粥麵新推$36雙餸飯！加$3連飲品！肉餅／粟米魚塊／菜脯煎蛋！網民食評咁樣講...
鍾意食兩餸飯嘅朋友又有新選擇喇！一粥麵近日推出午市超值雙餸飯，只要$36就嘆到，想試多一款菜式就加$9至$45，價格均真。不過，根據宣傳單張估計，雙餸飯菜式定期更換，彈性較一般雙餸飯低。有網民已經在社交平台分享食評，有興趣一試的不妨考慮考慮！
一粥麵加入兩餸飯行列 午市超值選$36食到
一粥麵近日開始推出午市超值$36雙餸飯及$45三餸飯，淨雙餸亦是$36。小菜款式會輪流轉換，今期的6款精選菜式，包括涼瓜菜脯肉碎煎蛋、蒸手打肉餅、及滑蛋粟米魚塊。食飯口乾乾想加飲品，只要$3起。
貼文火速獲大批網民讚好，雖然價格未有大優勢，不過仍有不少人躍躍欲試，部分留言好奇餸菜份量。有網民讚「多一個貼地嘅選擇」、「仲抵過喺街市買」、「一粥麵也做埋兩餸飯」，亦有留言希望晚市亦可以供應。
網民分享食評 批評份量太少
有網民在留言區及Facebook群組「香港兩餸飯關注組」分享食評，食客認為雖然供應時間至下午2點，不過1點惠顧時已無太多選擇，「最終3揀2。」（按圖睇食評）
深水埗茶記特價$20外賣飯盒！6款口味 網民大讚：好過食兩餸飯
最近有網民於社交平台「荃灣人」分享發現深水埗一間茶餐廳推出$20外賣飯盒，而飯盒更有6款菜式可供選擇，包括咖喱吉列豬扒飯、薯仔雞翼飯、香茅雞扒飯、魚香茄子飯、榨菜蒸肉餠飯及肉鬆蒸水蛋飯。無論價錢還是菜式都十分吸引！茶餐廳位於深水埗元州街、開業25年，名為「滙發茶餐廳」。
隨貼文分享後，不少網民都大讚抵食，表示「平民區茶記有咁價錢簡直造福人群」、「無言，好過食兩餸飯！」、「20蚊一個飯盒而家真係好難有 一間食肆會賣咁嘅價錢，冇至少50蚊都咪使只意有得食」、「良心」、「呢間正」。另外，在圖中可見外賣飯盒註明不包餐具及袋，食客去之前記得自攜購物袋及餐具。
權發小廚殺入銅鑼灣開新店！兩餸飯家價貴過其他店！高薪請𢳂餸員！1職位人工高達$2.6萬
「權發小廚」銅鑼灣分店昨日（19日）正式試業，3月5日正式開業。消息一出，吸引了不少港島區居民和打工仔紛紛朝聖，「啱啱諗住帶飯，見到呢個post，今日過嚟試吓先」、「以後加餸唔洗過海」、「堂食正喎」、「又多一個選擇」。
港人直擊銅鑼灣新店開業情況
同時，也有港人於Facebook群組「香港兩餸飯關注組」發帖，分享銅鑼灣新店的開業情況，並拍攝了最新餐牌以及招聘廣告。
從照片可見，除了外賣外，銅鑼灣新店亦設有10多個堂食座位。新店門外已貼出了餐牌，兩餸飯售價為$43，雖然與觀塘店同價，但較油麻地、佐敦貴$3。至於三餸飯及鑊氣小菜（最多可選兩款）定價均為$53起。
各式菜式
有網友看後，認為「權發小廚」銅鑼灣新店的兩餸飯價錢太貴，紛紛留言「價錢都幾進取，隔離街超人賣$35」、「加咗價？油權（油麻地權發小廚）之前買餸$50」，有人則批評食物未能維持穩定水準，「分店越多出品越唔穩定」，又指新店裝潢「裝修似this this rice，唔係兩餸飯」。
除了兩餸飯定價，新店門前的招聘廣告亦成為焦點，其中「𢳂餸員」超薪點已有$18,000起，「廚務助理」人工更有$21,000起（另加$1,000勤工獎），每天工作10小時，包1小時飯鐘，並設每周例假、勞工假、包膳食等福利。至於廳面主管月薪最高，人工高達$26,000起，不過就需有相關工作經驗。
-
港式美食
老闆娘家常飯
老闆娘家常飯（灣仔）
小妹今晚去咗位於灣仔｢老闆娘家常飯｣買三餸食,呢間小店係2024年開業, 兩餸飯只係$35蚊,三餸飯都係43蚊,仲有鑊氣小菜,蒸魚套餐,不同款式既小食,炒飯,連抵食早餐都有,難怪咁多人排隊,條人龍雖然好長,但勝在職員快手,所以好快買到🥰餸菜款式好多,真係樣樣都吸引,睇到眼花撩亂,不過預先睇好,就唔怕撞住下一位客人｡小店環境乾淨,可堂食及外賣,雖然坐位不多,但流轉率都好快,不過坐既舒適度真係一般,坐位間有少少迫,但食快餐又平算係咁👍🏻 環境:🌟🌟🌟🌟🌟 雖然小妹好多款都想試,最後揀左3個三餸飯,估唔到仲包飲品或湯,好抵😦 ♦️南瓜🎃:滑嫩甘甜,入口即溶 ♦️蕃茄炒蛋🍅🥚:蕃茄炒蛋半甜半酸,炒蛋炒到恰當程度,好有鑊氣,伴飯一流 ♦️粟米魚塊🌽🐟:魚塊炸至金黃酥脆,配甜甜的粟米汁,好美味 ♦️白飯🍚:軟硬度適中,但飯不夠熱,帶點失色｡ ♦️維他鍚蘭檸檬茶 ♣️咕嚕肉🐖全港獨有,用咗新加坡配方,食到新加坡風味 ♣️咖哩薯仔雞🐓咖哩雞份量不少,好抵食;薯仔表面吸唒濃厚咖哩汁,貌似相當吸引又惹味 ♣️肉餅🐖鬆軟多汁,淋上醬汁後,更是香氣四溢｡ ♣️維他鍚蘭檸檬茶 ♥️菜心🥬清甜美味,食到新鮮的味道｡ ♥️蝦仁炒蛋🦐🥚蝦仁新鮮,口感彈牙,與炒滑蛋相得益彰｡蛋香味濃郁,搭配蝦仁既鮮甜,香蔥配料,讓人一口接一口 ♥️豬柳🐖豬柳口感細嫩,份量同樣不少 ♥️湯🥣家常的味道,飲得出冇味精 質素:🌟🌟🌟🌟🌟 整體黎講買兩餸飯或三餸飯的確平過自己煮,加上款式好多選擇😍難怪而家將兩三餸飯定為｢良心救市｣,小妹亦好同意😎 價錢:🌟🌟🌟🌟🌟 ————shop info———— 📍 老闆娘家常飯 🔍 灣仔軒尼詩道68-76號新禧大樓地下B舖 ——————————— #chill嘆酒店旅人祭#香港探店#香港美食攻略#香港生活#香港打卡#灣仔美食 #香港必吃#老闆娘家常飯#灣仔#兩餸飯#UCreatorHK#BESTFOODwithUCreator#香港美食#九龍美食#港島美食#新界美食#香港隱世美食#大排檔#香港地道美食
閱讀更多
-
港式美食
權發三餸飯🤤真係有啲料到！
不是說笑,權發這間三餸飯真係有啲真功夫, 連個外賣盒都做得好高質,未打開都期待 我今次揀咗蕃茄蛋牛肉和他們的推薦西蘭花蝦球,兩款味道都不錯,我平時唔算特別喜歡吃西蘭花,但他們肉類比較多,蔬菜類比較少,所以迫於無奈之下我只好揀西蘭花 但食落都唔錯,冇我討厭嗰浸草青味,而且唔會烚到冧晒,食落仲好爽脆,蝦肉爽口彈牙,整個味道清爽可口;蕃茄蛋牛肉個人覺得偏甜,但配飯一流,而且牛肉的份量都不少 整體嚟講佢哋嘅份量都幾多,雖然價錢比其他三餸飯貴少少,但我覺得值得,他們的水準對得住佢哋嘅價錢 #UCreatorHK#香港美食#維港熱氣球之旅#雙聚嚐月#主子零食時間到#護脊書包要識揀#清爽夏日#夏日炎炎啤啤佢#ucreator#打卡美食
閱讀更多
-
食譜
涼瓜烘蛋
👨🍳 烹飪難易度（1為較易 - 5為較難）： 1 ⏱️ 烹飪時間： 8分鐘 ⏱️ 準備時間： 15分鐘 🥘 材料： 苦瓜一條、雞蛋兩隻、鹽及胡椒粉適量 1️⃣ 製作步驟： 苦瓜去頭去尾，縱切，去籽去囊，洗淨，斜切成薄片，攞一茶匙份量嘅鹽乸吓切好嘅苦瓜（將佢靜置五至十分鐘，然後會見到佢出水，用水喉水沖走呢啲水同多餘嘅鹽份。）雞蛋打散，加少少鹽同胡椒粉拌勻。燒熱鑊轉中小火，白炒一下苦瓜令水份揮發，𢳂起苦瓜至蛋液中，鑊重新轉大火，加一大匙油，浪勻，倒入所有材料，大火煎一分鐘，轉中小火再煎多一分鐘，反轉煎另一面，亦以相同方法先大火後小火，烘熟雞蛋至金黃，上碟。 🍽️ 烹飪貼士： 1）切薄啲同用鹽醃苦瓜，可以令佢變得比較軟身同去除苦味，如果你想佢保持返爽同硬身，就唔好醃太耐。2）如果想烘得個蛋靚啲圓啲，可以用個細嘅煎pan去煮，冇都唔緊要，我都係用生鐵鑊整，用鑊鏟幫助調整佢形狀同厚度。即使控制唔到個形狀，都冇咩事嘅，普通苦瓜炒蛋咁囉。3）想味道更加豐富可以加入剁到好碎嘅菜譜想味道更加豐富可以加入剁到好碎嘅菜脯，或者叉燒絲，更好食。 #啖啖舒暢透心涼
閱讀更多
港生活限時優惠情報
《U GO》請您睇《電競女孩》！
本地青春熱血鉅獻🌟全女班戰隊電競逆襲之戰🎮
《U GO》請您睇《末日聖母號》！
史詩科幻電影🌌Project Hail Mary🚀
假日好去處