一粥麵新推$36雙餸飯！加$3連飲品！肉餅／粟米魚塊／菜脯煎蛋！網民食評咁樣講...
鍾意食兩餸飯嘅朋友又有新選擇喇！一粥麵近日推出午市超值雙餸飯，只要$36就嘆到，想試多一款菜式就加$9至$45，價格均真。不過，根據宣傳單張估計，雙餸飯菜式定期更換，彈性較一般雙餸飯低。有網民已經在社交平台分享食評，有興趣一試的不妨考慮考慮！
一粥麵加入兩餸飯行列 午市超值選$36食到
一粥麵近日開始推出午市超值$36雙餸飯及$45三餸飯，淨雙餸亦是$36。小菜款式會輪流轉換，今期的6款精選菜式，包括涼瓜菜脯肉碎煎蛋、蒸手打肉餅、及滑蛋粟米魚塊。食飯口乾乾想加飲品，只要$3起。
貼文火速獲大批網民讚好，雖然價格未有大優勢，不過仍有不少人躍躍欲試，部分留言好奇餸菜份量。有網民讚「多一個貼地嘅選擇」、「仲抵過喺街市買」、「一粥麵也做埋兩餸飯」，亦有留言希望晚市亦可以供應。
網民分享食評 批評份量太少
有網民在留言區及Facebook群組「香港兩餸飯關注組」分享食評，食客認為雖然供應時間至下午2點，不過1點惠顧時已無太多選擇，「最終3揀2。」（按圖睇食評）
深水埗茶記特價$20外賣飯盒！6款口味 網民大讚：好過食兩餸飯
最近有網民於社交平台「荃灣人」分享發現深水埗一間茶餐廳推出$20外賣飯盒，而飯盒更有6款菜式可供選擇，包括咖喱吉列豬扒飯、薯仔雞翼飯、香茅雞扒飯、魚香茄子飯、榨菜蒸肉餠飯及肉鬆蒸水蛋飯。無論價錢還是菜式都十分吸引！茶餐廳位於深水埗元州街、開業25年，名為「滙發茶餐廳」。
隨貼文分享後，不少網民都大讚抵食，表示「平民區茶記有咁價錢簡直造福人群」、「無言，好過食兩餸飯！」、「20蚊一個飯盒而家真係好難有 一間食肆會賣咁嘅價錢，冇至少50蚊都咪使只意有得食」、「良心」、「呢間正」。另外，在圖中可見外賣飯盒註明不包餐具及袋，食客去之前記得自攜購物袋及餐具。
權發小廚殺入銅鑼灣開新店！兩餸飯家價貴過其他店！高薪請𢳂餸員！1職位人工高達$2.6萬
「權發小廚」銅鑼灣分店昨日（19日）正式試業，3月5日正式開業。消息一出，吸引了不少港島區居民和打工仔紛紛朝聖，「啱啱諗住帶飯，見到呢個post，今日過嚟試吓先」、「以後加餸唔洗過海」、「堂食正喎」、「又多一個選擇」。
港人直擊銅鑼灣新店開業情況
同時，也有港人於Facebook群組「香港兩餸飯關注組」發帖，分享銅鑼灣新店的開業情況，並拍攝了最新餐牌以及招聘廣告。
從照片可見，除了外賣外，銅鑼灣新店亦設有10多個堂食座位。新店門外已貼出了餐牌，兩餸飯售價為$43，雖然與觀塘店同價，但較油麻地、佐敦貴$3。至於三餸飯及鑊氣小菜（最多可選兩款）定價均為$53起。
各式菜式
有網友看後，認為「權發小廚」銅鑼灣新店的兩餸飯價錢太貴，紛紛留言「價錢都幾進取，隔離街超人賣$35」、「加咗價？油權（油麻地權發小廚）之前買餸$50」，有人則批評食物未能維持穩定水準，「分店越多出品越唔穩定」，又指新店裝潢「裝修似this this rice，唔係兩餸飯」。
除了兩餸飯定價，新店門前的招聘廣告亦成為焦點，其中「𢳂餸員」超薪點已有$18,000起，「廚務助理」人工更有$21,000起（另加$1,000勤工獎），每天工作10小時，包1小時飯鐘，並設每周例假、勞工假、包膳食等福利。至於廳面主管月薪最高，人工高達$26,000起，不過就需有相關工作經驗。
-
港式美食
權發三餸飯🤤真係有啲料到！
不是說笑,權發這間三餸飯真係有啲真功夫, 連個外賣盒都做得好高質,未打開都期待 我今次揀咗蕃茄蛋牛肉和他們的推薦西蘭花蝦球,兩款味道都不錯,我平時唔算特別喜歡吃西蘭花,但他們肉類比較多,蔬菜類比較少,所以迫於無奈之下我只好揀西蘭花 但食落都唔錯,冇我討厭嗰浸草青味,而且唔會烚到冧晒,食落仲好爽脆,蝦肉爽口彈牙,整個味道清爽可口;蕃茄蛋牛肉個人覺得偏甜,但配飯一流,而且牛肉的份量都不少 整體嚟講佢哋嘅份量都幾多,雖然價錢比其他三餸飯貴少少,但我覺得值得,他們的水準對得住佢哋嘅價錢 #UCreatorHK#香港美食#維港熱氣球之旅#雙聚嚐月#主子零食時間到#護脊書包要識揀#清爽夏日#夏日炎炎啤啤佢#ucreator#打卡美食
閱讀更多
-
著數報料
一田超市 旺角店
$25雙餸飯！糧尾恩物
又到月尾~邊個夠我平系列❗️❗️ $25兩餸飯 南瓜粟米魚柳+肉碎豆角 賣相唔夠靚,但味道唔曳又夠飽 粟米🌽同青豆類都係我至愛 #慳家妹慳錢生活日常 #折扣#折扣優惠{{hket:campaign display="步步糕升"}}{{/hket:campaign}}
閱讀更多
-
香港攻略
成運工業大廈
觀塘良心價 $42 任食中式蒸餸
睇到媒體報導之後就即晚去試,$42 任食小菜､白飯同例湯,標榜住家菜味道,全部係蒸餸,低油低鹽完全唔加味精,入到去等咗陣見到老細,連忙講唔好意思要我等,非常有禮貌又好客,希望耐咗都保持到呢份初心同精神 餸菜款式超過十款,補給好快,keep 住都有餸出,即蒸所以一定夠熱;有菜､有豬､有雞､有蛋､仲有蝦有蜆,有時仲會有新餸;食材絕對係合格以上,調味切合住家餸好健康,連個湯都係較淡味,食完唔會口渴,個人特別鍾意蒸排骨､雞翼同蝦蜆,呢個價做到月尾,老細話之後會加返少少 之後仲外賣咗 $38 俾三個鋁兜,其中一盒一定係白飯,其餘兩盒自己任裝餸,老細再幫手封返面,服務都好周到,呢種良心小店真係要多多支持;老細仲話遲吓可能做埋早餐添😂 蒸鮮 地址:觀塘成業街 15-17 號成運工業大廈 1 樓 103 室
閱讀更多
港生活限時優惠情報
↓【U Community 社群 送您 PARAKITO 天然驅蚊噴霧！】↓
>簡單登記領取<
↓「夏日萌力補給站」限定精品↓
↓麻吉貓甜蜜多士三文治爐、麻吉貓多士匙扣連環保袋↓
U GO 本週好去處
