尖沙咀港青酒店自助餐買一送二！自助晚餐人均$283起！食勻波士頓龍蝦／松葉蟹腳／麵包蟹

Seather

擦餐勁

再臨閣

港青酒店 再臨閣泰國自助餐🦞🎉

近排去咗尖沙咀嘅港青酒店 YMCA再臨閣食自助餐🍽️ 最近餐廳以泰國美食為主題🇹🇭 有大大隻嘅龍蝦🦞仲有好多泰國嘅美食 好似榴槤pancake､芒果糯米飯､火焰排骨等等 而且仲有勁多款Häagen-Dazs雪糕口味可以揀🍨 食到一半,仲有職員表演🎤 其他侍應廚師聽到都開始翩翩起舞💃🕺 成個場好歡樂😆 依家KKday做緊優惠,買二送二 人均四百幾蚊自助晚餐 好抵食🤭 有興趣可以參考下面連結 👉🏻https://www.kkday.com/zh-hk/product/137849?cid=21773 #kkday#foodie#吃貨#吃貨人生#吃吃吃#吃#自助餐#任食#抵食#任飲任食#優惠#買二送二#限時優惠#折扣#一家大細#泰國美食#泰國#米芝蓮#尖沙咀#尖沙咀美食

A美食焚化爐

擦餐勁

再臨閣

自助餐作團年飯 @ 再臨閣 ( 尖沙咀YMCA )

臨近新年，又係時候同家人食團年飯。 中菜固然係好，又多意頭菜，但好多菜館不單止狂擺檯，逼得落就放多兩張檯，一陣又只可以食套餐，又或者分兩輪用餐，總之就規矩多多。 想食得從容，不如考慮下食自助餐？ 尖沙咀YMCA的再臨閣，可說是我幾欣賞的一間餐廳，除了所有坐位都有街景外，地點就在地鐵站上邊，出入勁方便，約人毫無難度，部分日子更試過安排上天台欣賞煙花滙演，食完飯先睇煙花，使乜同人逼餐矇？ 不過，餐廳並非所有日子都會安排，最好事先問問。 今次主題是《 印度風情自助晚餐 》。 供應期：2025年1月6日至4月27日 時間：晚上 6:15-9:30 海鮮 首選當然係波士頓龍蝦，好多都有蝦膏，最重要係refill得快嘛。 其他海鮮有長腳蟹爪、龍蝦鉗、沙白、青口、小龍蝦及海蝦，種類算多，而且質素不錯。 每次都要食返三幾碟慢煮鮑魚，不過蘿蔔始終都係未夠腍身。 熱葷 由於今次主打印度菜，所以大部分菜色都帶點辣，大家可要注意了。 濃香牛肉咖哩 炆得好腍，配白飯或薄餅一流。 印度奶油雞 口感有點creamy，辣度不高，幾開胃。 雖然蒸比目魚並非印度菜，但真係勁厚肉，亦好受食客歡迎。 另外，有腰果蝦咖哩、印度雜菜咖哩及印度羊肉咖哩最啱用作配印度香飯。 印度雞肉釀脆球外層脆卜卜，內裡的雞肉瑪莎拉澆上 Pani Puri Dressing 好惹味。 其他菜色仲有印度脆炸魚塊、芝士焗蠔、燒天多利雞髀以及印度咖哩角。 三款主食為印度薄餅、印度蒜蓉烤餅及印度烤餅，好有誠意，看閣下想食邊款。 鐵板燒 有即煎扒老虎蝦，肉質爽彈，好香口，正。 而燒美國肋骨牛肉，最好就厚切，啖啖肉。 湯 中湯係好有家庭湯水感覺的沙參玉竹豬骨湯，而西湯係紅菜頭腰果忌廉湯。 Cold Cut、沙律 有莎樂美腸、白菌凍肉（ 含有雞肉及豬肉）、黃cc豆甘筍椰果沙律、紅菜頭白豆沙律 、蕃茄雞心豆沙律、烤雞肉沙律、煙三文魚及肝醬。 前菜 有法式芥末籽薯仔沙律、黑魚子豆腐、黑松露蜜糖伴芝士、日式溫泉蛋以及烤芝麻吞拿魚。 個人幾喜歡黑魚子豆腐，陣陣幽香又滑溜。 芝士 有高達硬芝士、金文畢芝士、藍芝士及車打芝士。 甜品 甜品類都換上了印度風味。 Whole Cake有印度奶球牛油蛋糕、椰絲奶球、馬莎奶茶芝士蛋糕及奶酪蛋糕（不含雞蛋）。 賣相簡單平實，以味道取勝，幾款各具特色，似乎椰絲奶球較突出，我鍾意。 印度甜奶球 反正都是甜品，澆上煉奶更正。 印度米布甸配番紅花雲呢拿汁比起平日食的布甸更具嚼口，而番紅花雲呢拿汁亦好特別。 其他印式甜品有酥油甜餅、綠荳蔻甘筍甜餅、印度果仁布甸、印度丸子、銀鉑牛乳糕、印度曲奇、印度薄餅及印度芒果乳酪。 甜品 單是哈根大師雪糕已有7種口味，好多都係特別版。 有Caramel Biscuit & Cream、Blueberry & Cream、Red Velvet Cheesecake、Coffee、Pierre Herme版、Mango & Cream以及 Macadamia Nut，仲要係杯裝，夠衛生。 必然選擇即製心太軟，小小的一件啱啱好，火喉控制得不錯，長年累月炮製下，很小機會出事。 飲品 瑪莎拉茶好香茶味及肉桂味，幾有特色，當然要試啦！ 其他飲品有蘋果汁、蜂蜜茉莉花茶、維他命水、紅茶及咖啡。 訂檯傳送門 :  KKday優惠 再臨閣 : YMCA 香港九龍尖沙咀梳士巴利道41號再臨閣 (南座四樓) Facebook 專頁 : YMCA 地址 : 尖沙咀梳士巴利道41號香港基督教青年會南座4樓   電話 : 2268 7818   味道 : 4  環境 : 4  服務 : 5  衛生 : 5  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #尖沙咀 #YMCA #自助餐 #新年 #團年飯 #美食焚化爐 #再臨閣 #BUFFET (此文章由U Blog 同步發佈至社群)

A美食焚化爐

擦餐勁

香港基督教青年會

放任的聖誕自助餐 @ 再臨閣 ( 尖沙咀YMCA )

今個聖誕節大家約好朋友慶祝未？ 每年聖誕節最受歡迎菜色一定係自助餐，今次就介紹一間個人覺得性價比幾高的餐廳，位於尖沙咀YMCA內的再臨閣，基本上所有位置都能欣賞尖沙咀一帶的景色，地理位置極佳，附近就地下鐵尖沙咀站，出入勁方便。 原來酒店仲拎埋KKday 十大酒店自助餐。 海鮮 可以話係再臨閣強項。 首選一定係任食龍蝦，好多都有膏。 仲有啖啖肉既龍蝦鉗。 加上長腳蟹爪、小龍蝦、海蜆、海蝦及青口，種類都多，而且都有質素。 每次都要食返件慢煮鮑魚，口感Q彈又入味。 即煎鐵板石班魚及海蝦，熱辣辣好香口。 燒美國肋骨牛肉 中間位帶血絲，鬆軟有嚼口，肉味濃，必食。 喇沙湯麵 配料好豐富有蝦仁、鮮魷、魚角、豆卜及雞蛋， 湯 中湯是家庭口味的木瓜排骨湯，而西湯是香甜滑溜的甘筍香橙湯。 刺身 有八爪魚、希靈魚、三文魚以及鯛魚，仲有雜錦壽司。 熱葷 番茄牛肋條 炆得好腍及入味，尤其是個汁可以用來拌飯。 蒸比目魚 勁大條又厚肉，毫無碎骨，正。 黃豆醬燒雞 醃得好惹味，雞肉又不覺老。 香辣焗蠔 焗得好香口，食落仲有少少熱燙感覺。 燒羊排骨 臊味不重，骨膜位油香重，我鍾意。 加上海鮮麵、黃咖哩海鮮、粟米條、燒生薯、德國豬手及脆炸蟹腳，熱葷都有好多啱食。 沙律及前菜 有野菌黑醋沙律、泰式去骨鳳爪沙律、煙三文魚、南京鹽水鴨、地中海發達芝士沙律、法式牛脷凍 、巴馬火腿配甜瓜、烤芝麻吞拿魚、黑松露蜜糖伴芝士、日式溫泉蛋、法式芥末籽薯仔沙律、黑魚子豆腐，其實種類都好多。 個人最鍾意好健康既野菌黑醋沙律、好濃牛味既法式牛脷凍同煙三文魚。 芝士 有藍芝士、車打芝士、金銀畢芝士以及高達硬芝士。 甜品 哈根大師雪糕 口味與平日見到的不同，尤其是有Pierre Herme版本，係咪好有趣呢？ 其他兩款是 Mango and Cream以及 Summer Berries and Cream。 即焗心太軟，切開兩半呈流心，相信對辦。 法式榛子泡芙好有聖誕氣氛，全個艷麗紅色，再放上一粒心心朱古力。 又有我在甜品心目中佔一席位的Panna cotta。 迷你版甜品仲有越式焦糖布甸、三色朱古力慕絲、聖誕啫哩及迷你檸檬撻。 雜錦Macaroon帶來不同口味，外脆內裡煙韌口感真好。 至於香梨杏仁撻、栗子卷、藍莓芝士餅以及粉紅朱古力餅中，個人較喜歡香梨杏仁撻，芳香甜美。 另一邊有牛角包布甸及即製班戟。 中式甜品有木瓜雪耳糖水，太太就最鍾意。 飲品 任飲凍檸檬茶、蘋果汁、維他命水、咖啡及奶茶。   Facebook 專頁 : YMCA 地址 : 尖沙咀梳士巴利道41號香港基督教青年會南座4樓   電話 : 2268 7818   味道 : 4  環境 : 4  服務 : 5  衛生 : 5  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #尖沙咀 #酒店 #YMCA #自助餐 #酒店餐廳 #美食焚化爐 (此文章由U Blog 同步發佈至社群)