城大飯堂$15「巨無霸」掀搶購潮！足料CP值極高網民：想搭車入去食

kenleung916

港式美食

HKU Alumni 真係又平又好食！ 菜式選擇多，又豐富，最緊要埋單真係好平 #品嚐濃郁朱古力滋味

Falav

中式料理

遲來的開年飯@小城大廚

雖然過咗新十五，但終於約齊飯腳食個開年飯，注觀塘扮工友人提議到呢度開餐   店內面積都唔細，有卡座亦有大圓枱，仲有獨立房間。   主要係廣東菜，亦有火鍋選擇。   歡喜食紅燒乳鴿 ($48)，若果價錢合理都會叫返隻當前菜咁食住先。   鴿身係細碼，熱辣辣皮脆，肉唔算好多但都夠止吓癮，留肚食主菜。   呢度仲提供客家菜選擇   叫咗馳名客家鹹香鷄 ($130/半隻)試下，另設蔥油。   見到隻鷄肶就知隻鷄唔係大隻，通常做得呢D客家鷄，都係咁上下體積。皮下唔算多肥膏，唔食皮嘅亦可輕易撕走。 鷄肉算幾嫩身，食到咸香味，唔點蔥油都可以。   底部有咸菜，唔太咸，用黎夾住鷄肉食有另一種食法同味道。   呢客薑蔥爆豬雜煲 ($108)，都唔知幾耐未食過，因為唔係好多酒家仲有供應   因唔食豬腸，落單時就要求走腸。變成豬雜成員有心，潤，腰同肚，加任大量薑蔥，入口無異味，只有薑蔥嘅香味。   通常都係豉汁蒸，屋企都煮到，今晚改叫蜜汁鱔球 ($138)，成碟圓碌碌，顏色吸引。   鱔肉無沾粉漿，走走油後皮嘅部份變得脆身咗，啖啖肉加上蜜汁嘅香甜味，用黎送飯絶無問題。   唔知點解新春菜就聯想到要有豆苗，可能春天就由苗開始。除咗鷄油炒，仲可以蒜蓉炒豆苗 ($78)。份量都幾夠夾，蒜蓉香味加上清甜豆苗，略為多咗D油，少咁D就仲好。   見佢餐牌仲有是日海鮮推介，價錢都合理，唯有留待下次先食。 #ublog #foodblog #kwuntong #foodpics #foodie #小城大廚   #foodie #kwuntong #foodblog #foodpics #ublog #小城大廚 (此文章由U Blog 同步發佈至社群)

KF333888

香港攻略

鰂魚涌

地道麵包鋪:- 好味😋😋價錢抵😊😊多選擇☺️☺️

喺呢間麵包店, 3個大大的麻糬包, size 比其他一般麻糬包大, 只係賣$12, $4 就有 1 個, 價錢好抵. 味道就有四款:- 芝士🧀、抹茶、咖啡☕提子同朱古力🍫. 就揀咗三個味道:- 芝士、咖啡提子和朱古力. 另外, 亦買了一個健康全麥鬆餅 (Scone) ($5.5). 回家用焗爐翻熱後, 食後感:- ■芝士🧀麻糬包: 好味😋, 夠鬆脆, 芝士味就唔係太濃, 有出面芝麻香味補上. ■咖啡☕提子: 有少許咖啡香味, 亦有提子乾甜味, 味道唔錯. ■朱古力味🍫: 這個味道都好好, 一樣鬆脆, 不會過甜, 好食 😋. 健康全麥鬆餅完全有驚喜😃, 焗熱後, 非常鬆脆, 比起其他鬆餅, 不會有太濃烈牛油香味, 自己個人不會對牛油香味有意見, 但知道有些人不是太喜歡牛油呢陣 "酥" 味, 就啱晒佢哋. 切開見到內裏有一些小麥顆粒, 可能就係加入了這些, 令到鬆餅更加鬆脆同食落有層次 👍😋😋. 兩款都好味道, CP 值高, 大家可以一試. 麵包店係屬於比較地道的麵包鋪, 有好多唔同款式麵包🍞🥖、西餅及烘焙產品. 有最基本而長期有擁躉的麵包, 例如方包、菠蘿包、雞尾包、餐包、麥包、提子條、腸仔包..... 蛋撻更加走唔甩, 曲奇餅、雪莓娘、麻糬布丁包, 中式餅食例如老婆餅、豆沙酥、蛋黃酥、皮蛋酥、叉燒酥、法式拿破崙餅 ....... , 其中更見到近年比較少在這些麵包舖見到的大大塊蝴蝶酥, 認真多選擇😊. 店鋪名亦都好特別, 叫做「和氣包店」. 只要係好品質👍, 好味道😋, 抵食就會有客路, 包店 ("包掂")呀 ☺️😆. 📍香港鰂魚涌英皇道1044號G18號舖 #狂歡partytime#出發打卡#我想逆轉齡#想要人氣聯名系列#溫和身體護理三步曲#麵包店#麵包#麻糬包