新裝兩餸飯油麻地開第2間新店！營業至凌晨3時／$18起食小菜／$5白飯任裝
油麻地再開新裝兩餸飯龍百味大廚！位於尖沙咀一間新裝兩餸飯店龍百味小廚，以平價小菜形式成功吸客，開業不久後，近日再進軍油麻地彌敦道開設全新分店龍百味大廚，同樣主打各款小菜，$18起就可以食到魚香茄子、麻婆豆腐、酸辣土豆絲等餸菜；另外白飯僅$5，堂食可以任裝任食，即睇新店詳情！
新裝兩餸飯油麻地開第2間分店 營業至凌晨3時設宵夜燒烤
在尖沙咀金馬倫道開設首店的「龍百味小廚」於去年9月開業，主打售賣平民餸菜，價格親民之餘，餸菜款式甚多，吸引不少食客幫襯並獲讚「高質」抵食。餐廳最近於油麻地再開設第一間分店，選址大馬路旁邊的彌敦道，試業時間已見人流。
$18起歎到一款小菜/$5白飯堂食任裝
現場所見，油麻地分店遮蓋著招牌的膠紙雖然仍未拆卸，但燈光下仍然可以見到「龍百味大廚」的紅色霓虹招牌，當時（3月8日）為夜晚7時半左右，有部分市民正在門外探頭查看餸菜款式，店內堂食亦有不少顧客正在用餐。招牌菜單與尖沙咀店接近相同，最平$18就可以食到一款菜式，另提供早餐、宵夜燒烤等，並營業至凌晨3時；此外，餐廳提供學生優惠免費送檸檬茶一杯。
翻查餐牌資料，龍百味提供逾40款餸菜，如招牌紅燒肉、三色蒸水蛋、麻婆豆腐等，價格低至$18一款小菜！多款小菜分為4個價錢，有$18、$22、$26、$28等價位，以及$48一碟原條蒸魚。《港生活》記者亦曾到尖沙咀店實試！
試食詳情：
▼餐廳菜式（尖沙咀店）▼
龍百味小廚 尖沙咀店
地址：尖沙咀金馬倫道16號地下B及C號舖
營業時間：10:00 - 22:00
龍百味大廚 油麻地店
地址：油麻地彌敦道566號僑建大廈地下
營業時間：07:00 - 03:00
電話：6596 0003
資料及圖片來源：UHK 港生活
泰式兩餸飯「泰平小廚」觀塘區再開分店
首店位於九龍城的「泰風情泰國菜館」在該區深受歡迎，食客大讚平價又好味，更獲「兩餸飯關注組」力推。隨後就進駐了觀塘開設兩餸飯分店「泰平小廚」。近日有街坊在同區發現泰平小廚再開分店，店外已有橙色搶眼的圍板，標榜「可能係全港最好味嘅泰式兩餸飯」，官方亦宣佈「準備中」意味新分店即將開幕。
「泰平小廚」觀塘區第2分店主打外賣
泰平小廚新分店將會主打外賣形式並不供應堂食，雖然是在同區開設的第2間分店，不過仍有不少街坊十分期待且留言捧場「前幾日先咁樣來回，就係為咗買你哋嘅兩餸飯」、「好期待，開張通知我哋呀」、「強烈建議每一條屋邨都開一間」，甚至有網民叫囂繼續開分店！
▼觀塘區第1分店▼
泰式兩餸飯最平$38 人氣燒豬頸肉/泰式臘腸
至今人氣持續，店內提供自助裝水區域。至於價錢方面，泰式兩餸飯最平$38，每加一個餸$9（咖喱類只可單拼）；淨餸雙拼則$48。菜式方面，繼續提供燒豬頸肉、辣椒膏炒蜆、泰式臘腸等泰式小菜。另外，在泰平小廚的社交平台上亦會更新每日的菜色！
▼觀塘區第1分店店內環境▼
兩餸飯關注組熱推讚高質抵食
其九龍城餐廳泰風情先前獲「兩餸飯關注組」盛讚，例如燒豬頸肉、肉碎煎鴨蛋、辣椒膏炒蜆、咖哩蟹、炒粉絲等泰菜，加$6更可以跟配青紅蘿蔔湯，性價比甚高！
網民：香港變兩餸飯之都
好消息接二連三，有支持者表示喜見小店都擴張店舖，不過都有人笑言兩餸飯持續發展，認為香港已變成「兩餸飯之都」、「咁咪好囉，喺香港慳啲使，出去先大花特花」；有人就建議政府可加強宣傳香港兩餸飯特色，以吸引更多遊客！
泰風情泰國菜館 詳情
九龍城店
地址：九龍城衙前圍道62號地舖
營業時間：11:30 - 22:00
泰平小廚 詳情
觀塘店（第1分店）
地址：觀塘工業中心地舖
營業時間：11:00-21:00
觀塘店（第2分店）
地址：觀塘駿業街51號
開業日期：待公佈
資料及圖片來源：Facebook@香港兩餸飯關注組、Facebook@泰風情泰國菜館、Facebook@全港店舖消息(開張/執笠)關注組、Facebook@兩餸飯關注組、Facebook@香港兩餸飯關注組
-
打卡熱點
富膳飯店
🦀🦞🦐彌敦道兩餸飯大比拼！邊間最抵食？😋
彌敦道兩餸飯戰場 位於油麻地彌敦道嘅兩餸飯店，以富膳飯店和權法小廚較為出名 🍽富膳飯店 💥兩餸飯 $35盒，三餸飯餸飯 $40盒 💥避風塘炒蟹 $168份 💥全隻芝士焗龍蝦伊麵 $168盒 💥避風塘炒大蝦 $78份 💥鹽焗雞髀 $20隻 💥豉汁蒸䱽魚 $38條 💥東星紅燕斑 $68條 👍富膳更表明不賣隔夜餸，晚上九時後全場兩餸飯，淨餸，淨兩餸都係$30，非常吸引。 🍽權法小廚 💥兩餸飯$40盒，三餸飯$50盒，淨餸$50可揀兩款 💥油鹽水花甲 $50盒 💥豉油王花竹蝦 $88一份 💥蒸石斑 $68條 💥紅燒乳鴿 $39隻 💥清蒸多寶魚 $78條 💥古法溝龍躉翅 $168份 💥芝士或上湯大蝦伊麵仔$128份 💥荷香龍仔糯米蟹$98份 💥西蘭花炒大蝦 💥豉汁炒大蜆 💥招牌黑醋骨 😏後記：兩間店舖均可堂食，食品都有海鲜，肉食同蔬菜類，價位以權法小廚較為親民，富膳飯店海鲜類目測賣相吸引，吸睛度👀😋稍勝一籌，唔知你又點揀呢？ #中秋q彈時刻#歎住靚景staycation#轉季護膚必備#請您食月餅#啖啖舒暢透心涼#ucreator#打卡美食#香港美食#哈囉喂全園祭#以油養膚締造水光肌#歡度中秋佳節#甜品控集合吧#我要食蛋糕#哈囉喂全園祭
閱讀更多
-
打卡熱點
油麻地
油麻地有一間平民價錢高質小菜餐廳
龍百味大廚 今次要介紹一間喺油麻地有一間平民價錢高質小菜餐廳叫「龍百味大廚」，呢間餐廳有好多小菜屋企煮都幾麻煩，而且價錢好親民，就好似一碟白鱔都只係$68，其他最平小菜都只係$20起，親民到你唔敢相信！ 呢間餐廳門口都有一級，輪椅人士就要自備斜板入去，餐廳入面都好大，足夠一部輪椅行入去，店員都好細心我想食咩，佢哋會幫你拎去枱面，招呼非常好！ 1.蒸白鱔$68（9.5/10） 呢碟蒸白鱔份量都好多，一共有8舊白鱔，每一舊白鱔肉緊唔梅，肉質有少少肉彈，食白鱔要小心細魚骨，仲有加咗雲耳都幾創新！ 2.馬來咖哩薯仔雞$28（9/10） 呢碟咖哩薯仔雞唔算好辣，雞件都有5舊，都幾多肉，最初以為肉質好鞋，點知幾嫩，仲有薯仔、三色椒等！ 3.菜心牛肉$26（9.5/10） 呢碟菜心牛肉份量都多，菜心好清甜，唔老無渣，牛肉唔韌，都有6片，唔錯！ 4.白飯任裝$5（10/10） 呢碗白飯個口感幾啱我，仲要係任裝，如果係大胃王嘅你就啱啦！ 5.老火湯$6（9.5/10） 老火湯日日都唔同，我果日係沙葛排骨粟米紅蘿蔔湯，呢個湯好清甜，好好飲！ 2人總共價錢$138 個人口味總評分：9.5/10 地址：油麻地彌敦道566號僑建大廈地舖 Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️ #龍百味大廚#平民價錢#高質小菜#油麻地美食#油麻地好去處#香港美食#hkfoodie#hkfoodblogger#hkfoodpic#hkfoods#hkfoodshare#dessert#hkfoodstagram#wheelchaireatinhongkong#主子lamlam脷 #韓式髮型神器 #淨白透亮520 #速速水潤奇蹟
閱讀更多
-
港式美食
泰平小廚
炭燒豬頸肉🤤！觀塘泰平小廚兩餸飯😋！
作為觀塘打工仔，今次試咗泰平小廚嘅兩餸飯！舖頭位置就腳，觀塘站行兩分鐘就到，放工外賣自取夠方便。😎 真🥰心要讚佢個炭燒豬頸肉！肉質爽口，炭燒香味十足，咬落去微微焦脆，食落唔會太油膩，絕對係全場MVP！😁雖然有食評話份量時多時少，有時得兩三舊，但小弟今次夠運，件件都燒得金黃香口，撈飯食真係一流！😍 😁至於個冬陰功咖哩雞就唔係成日有，撞正有得賣真係要試！咖哩香滑帶冬陰功嘅微酸辣，好開胃！雞肉都算嫩滑，唔會太韌😆，不過真係要睇彩數，唔係日日都有，見到就果斷落單啦！ $38兩餸飯算係幾抵食，不過留意份量有時會偏少，如果鍾意食泰式兩餸飯，呢間都可以一試，但最好避開繁忙時間啦！😝#泰平小廚 #炭燒豬頸肉 #觀塘兩餸飯
閱讀更多
港生活人氣本地熱話
《U GO 》請您去CON-CON HONG KONG 2026！
超強音樂陣容＋動漫IP沉浸式體驗🔥
《U GO》請您睇《末日聖母號》！
史詩科幻電影🌌Project Hail Mary🚀
假日好去處