日本平價意式餐廳Parmenara進攻香港！半半薄餅/招牌砂鍋意粉¥540起 成薩莉亞勁敵？
日本平價意式餐廳Parmenara首度攻港！首店選址屯門區，目前已有圍板裝修。餐廳在日本以平價菜單聞名，提供多項薄餅、意粉選擇，低至¥540，加上種類及經營模式與另一間日式平價西餐「薩莉亞」相若，有可能會挑戰其香港市場地位！
日本平價意式餐廳Parmenara攻港
近日Facebook群組「屯門友」上有網民發現屯門V City現Parmenara圍板，並寫有「即將登陸香港」的字眼，相信不久的將來會多一間日本平價意式餐廳與大家見面。Parmenara以親民價錢意粉、薄餅深受當地人歡迎，加上用料上乘，店內使用原個意大利進口的巴馬臣芝士，並獲得D.O.P認證（原產地命名保護），冀能提供美味正宗的意大利菜。
招牌砂鍋意粉/瑪格麗特薄餅¥540起
根據Parmenara日本官網資料顯示，Parmenara餐牌上款式定價親民，主打意粉及薄餅。餐廳更採用專利「燉陶鍋」技術自製有嚼勁的意粉，招牌包括蕃茄馬蘇里拉芝士意粉、博多明太子意粉等，價錢低至¥570（約HKD30）起。另外瑪格麗特Pizza、白雪公主蜂蜜Pizza同樣受歡迎，低至¥540（約HKD28）就食到，不過暫時未知香港定價，可撳入圖片睇住招牌款式及日本定價！
Parmenara屯門V City店
地址：新界屯門區屯門鄉事會路83號V City地下G號舖
營業時間：星期一至日 11:00-23:00
開業日期：待公布
-
西式美食
V city
🇮🇹香港新開日本意式餐廳！超抵食砂鍋意粉同半半薄餅！🤤
薩莉亞最強對手!😌 日本義式家庭餐廳終於喺香港開咗啦!♥️ 以一個超實惠嘅價錢提供砂鍋意粉同半半薄餅!😋 全部都係即嗌即整㗎 ! 今次試咗蕃茄馬瑪格麗特同蜜糖芝士pizza🥰 蕃茄馬瑪格麗特pizza,蕃茄味同埋芝士味十分濃郁! 蜜糖芝士pizza味道就有啲似煉奶味道! 除咗Pizza之外,仲試咗蕃茄煙肉忌廉意粉,上面加咗啲芝士,成個意粉都超級香! Parmenara (香港屯門V City店) 地址:新界屯門區屯門鄉事會路83號V City地下G號舖 #西餐廳#UCreator#Foodie
閱讀更多
-
多國菜
Parmenara
屯門平價意粉🍕薄餅😋！$58起！🤤
日本過江龍意粉薄餅專門店踩入屯門開香港第一間分店,主打平民價意粉$58起､手工薄餅$68起! 最吸睛一定係開放式廚房,隔住落地玻璃,師傅即場搓粉拋餅､烹調意粉,睇到都心動｡ 主角蟹肉白菜忌廉意粉,即叫即煮上枱,熱辣辣,加上蛋黃,cream sauce黏住麵條,好滿足｡自選半半薄餅~白雪蜜糖芝士/煙肉香腸,配料足,薄底香脆｡ +$38套餐有長法包(可選蒜蓉或蜜糖味)及飲品,性價比高,成餐lunch食得開心又飽肚｡ Parmenara 屯門屯門鄉事會路83號V City地下G號舖 #foodasouly屯門 #foodasouly意粉 #foodasouly薄餅 #屯門#屯門美食#日式意粉#UCreatorHK#BESTFOODwithUCreator#ghd雪葩粉紅慈善限量系列#全方位護齒三步曲#敏感肌防曬攻略#chill賞放大假#chill玩夏水禮
閱讀更多
-
日式料理
Parmenara
## 日本平民意粉薄餅店🍕登陸屯門
Parmenara 係日本平民意粉薄餅店 傳聞係薩莉亞勁敵 好啦等我去會一會佢先 睇睇menu先 係意粉同pizza 兩款 但就有好多不同口味 價錢太約都係$68-88 仲有得加錢跟餐 比起薩利亞就無咁多選擇喇 我地都點左一pizza同一意粉再跟餐 Pizza就點左蕃茄瑪格麗特薄餅 薄餅皮薄 蕃茄加芝士最簡單既意式味 簡單好食既 意粉就點左卡邦尼意粉 自己落生雞蛋 忌廉味好濃好重奶味 望落去d汁好似好稀 不過其實都算creamy 跟餐有薯條同汽水 薯條即炸當然好味 仲有個蒜蓉包都唔錯 不過薩莉亞多d 不同野食有甜品小食等 Parmenara就得pizza同意粉 定價都係Parmenara貴啲 不過各有各好啦~ 試吓無妨既! 📍地址:Parmenara (屯門) 屯門屯門鄉事會路83號V City地下G號舖 #日本菜#屯門美食#parmenara#hkfoodie#親子blogger#
閱讀更多
港生活人氣本地熱話
《U GO》請您去國際潮流文化盛事ComplexCon香港2026！
匯聚最新潮流、流行文化、音樂、藝術等🌟
【🎁免費送】U Community社群送您疤痕敵除疤啫喱100盒！
假日好去處