旺角$58小菜放題任食8餸+老火湯！白飯任裝！由前利苑廚師主理款式日日不同
兩餸飯店越開越多，各間食肆始乎有見及此各出奇招吸引！位於旺角的一間新派粵菜館同樣加入戰團，推出$58小菜任食放題優惠，一個價錢即享8款小菜、1款無味精老火湯任食任飲，白飯都是免費任裝。餐單更是由前利苑廚師主理，每日款式不同，即睇內文了解更多！
旺角現$58小菜放題
近日有網民在「香港兩餸飯關注組」Facebook群組分享位於旺角私房菜「金玉滿堂」推$58放題，更表示餐廳晚市「平時已經成日爆場，中午仲做埋放題，啲質素完全不下於晚市」，大讚「好食」！加上任飲的例湯都會每日不同款式，餐廳更表示是無味精的老火湯，即按下圖了解地點。
前利苑廚師主理 款式日日不同
照片所見小菜款式天天不同，餸菜方面包括有豉汁蒸排骨、鹹蛋蒸肉餅、蒜香雞髀、翠瓜炒牛肉、鮑汁炆豬手、魚香茄子、豉椒炒雞球、香茅雞中翼、洋葱豬扒、紅棗杞子蒸滑雞、椒鹽排骨。
網民：一個字抵
不少網民都表示抵食「呢個價錢合理」、「一個字抵」、「對一啲從事體力工作，晏晝要食好多先夠嘅工友嚟講，呢度簡直係天堂....」。
金玉滿堂
地點：旺角煙廠街6-20號華新大廈14/14A地鋪
資料及圖片來源：香港茶餐廳及美食關注組
文章來源：Ufood
<< 提醒大家，圖片只供參考，實際款式視乎分店存貨！購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
-
擦餐勁
凱悅軒
逢星期三。抵食放題盛宴 。尖沙咀凱悅軒
自助餐吃得多, 今次的中菜自助餐幾有啅頭, 絕對是 ‘挑戰你個胃’!!! 尖沙咀凱悅軒推出逢星期三限定的放題盛宴, 一個價錢食盡龍蝦、和牛、斑腩、鮑魚, 兼包含紅白餐酒及汽水. 放題盛宴當中的前菜拼盤、湯及甜品是固定的. 先分享前菜之一: 蜜汁叉燒. 厚切、軟稔、外層焦香、甜度適中, 每人大概兩至三件都好夠. 另一款是涼拌川味羊肚耳菌, 麻辣味幾過癮, 而其爽脆度好有驚喜, 伴著青瓜片吃, 間隔的清新, 再吃一片羊肚耳菌, 正! 湯品有菜膽燉雞, 喝完一整碗, 本來冰冷的雙手立即暖過來. 湯頭清澈, 味道郁. 來到無限享用的四款美食~ 陳年花雕蒸波士頓龍蝦伴粉皮、椒鹽鮑魚、秘製剁椒蒸斑腩、山椒汁野菌澳洲和牛!! 蒸龍蝦的醬汁真是無敵, 酒味剛剛好, 不膩不滯, 好誘人! 龍蝦身彈牙、鉗肉夠滑, 每次encore都會是半隻龍蝦加鉗, 好滿足~ 碟內以粉皮去吸醬汁, 滋味十足~ 趁熱吃, 夠軟熟, 即使放涼了, 也不會硬繃繃. 大廚已細心地把鉗輕微敲碎, 可以輕鬆享用嫩滑龍蝦鉗~ 另一亮點 - 山椒汁野菌澳洲和牛. 每件大小均勻, 厚薄適中, 一口咬下, 肉汁滿滿也很嫩. 就連伴碟的野菌在山椒汁的襯托下, 都十分惹味! 此時, 再配一杯紅酒, 簡直是至高享受. 吃著和牛之際, 秘製剁椒蒸斑腩已上枱~ 喜歡吃剁椒的朋友表示十分喜歡這道菜. 辣勁夠、魚肉滑. 椒鹽鮑魚, 佐酒之物, 就來一杯白酒~ 外脆內軟, 椒鹽味不死咸. 吃完以上的任食, 其實胃已沒太多空間再吃, 但蔬菜雞蛋炒絲苗又炒得頗好, 飯粒炒得夠乾身, 粒粒分明. 甜點是二選一. 我的是薑茶黑芝湯圓, 薑茶辣度恰好, 軟糯的湯圓裹著香濃芝麻餡, 太美妙~ 朋友的是黑芝麻雪糕伴豆奶泡沫, 賣相都這般漂亮~ 味道也是有驚喜, 豆奶泡沬有實感, 但吃起來有空氣感兼絲滑. 放題盛宴逢星期三晚供應, 兩位起, 成人每位HK$688+10%, 小童每位HK$348+10%. 記得一定要訂位 ~ 凱悅軒 地址: 尖沙咀河內道18號尖沙咀凯悅酒店3樓 歡迎與我聯絡: jannis_tang174@hotmail.com Facebook Fanpage: Jannis Tang Through the looking glass IG: JannisTang #放題任食 #hyatt tsim sha tsui #all you can feast #和牛龍蝦 #wagyu lobster #every Wed night (此文章由U Blog 同步發佈至社群)
閱讀更多
-
香港攻略
福龍門海鮮火鍋酒家
$288 雞煲+海鮮火鍋任食！CP值極高！
食放題最怕質素參差,但呢間｢福龍門｣真係有驚喜!✨ 不止是任飲任食,3人以上仲要無限時!而且食材都非常講究,絕對是聚會首選!呢個價錢有龍躉片同生猛鮑魚食,老闆係咪開善堂?😂 🌟 必食三部曲: 1️⃣ 第一味:香辣惹味雞煲 一開爐就聞到超香嘅炒雞味!雞肉炒得好入味,口感嫩滑唔乾柴,辣度仲可以自己揀｡食完雞煲之後,記得唔好就咁加湯,因為呢度可以重新選一款湯底打邊爐! 2️⃣ 第二味:滋補花膠雞湯底 強烈推薦呢款湯底!裡面真係有大隻雞髀肉,最正係啲厚切花膠,入口啖啖膠原蛋白,鮮甜滋潤｡火鍋之前記得先飲一碗精華雞湯,真係暖心又暖胃!🍲 3️⃣ 第三味:生猛海鮮拼盤 海鮮控一定會尖叫!拼盤內有鮑魚､海蝦､大蜆,仲有市面少見嘅龍躉魚片｡最誇張係鮑魚入鍋前仲喺度郁,新鮮程度爆燈!蝦肉鮮甜彈牙,龍躉片鮮味十足,完全唔係一般平價放題嘅質素｡🐟🦐 🍻 飲品甜品同樣精彩: • 全場飲品､甚至連啤酒都係無限供應! • 甜品仲有驚喜嘅包裝雪糕,為呢餐畫上完美句號｡🍦 📍 福龍門海鮮火鍋酒家 地址:深水埗長沙灣道270號御匯大廈1樓 電話:2877 7688 / 2877 7680 ⚠️ 溫馨提示: 呢度經常爆場,想食嘅朋友記得一定要事先預約呀!📞 #香港美食#深水埗美食#雞煲放題 #花膠雞湯#打邊爐
閱讀更多
-
擦餐勁
上海新大眾大閘蟹專門店
98蚊無限任食 雞煲 串燒 烤魚
今日同朋友嚟到上海新大眾大閘蟹專門店,雖然佢個名有大閘蟹,但我哋俾佢個 $98無限任食烤魚､雞煲､牛腩､串燒嘅牌頭吸引咗!一入到去,見到前菜都係任食,有青瓜､中華沙律､木耳同埋螺肉,幾開胃㗎!🥒🥗 我哋主打叫咗個雞煲,真係冇揀錯! 個雞煲好足料,雞肉嫩滑入味,湯底濃郁惹味,食到我哋舔舔脷🤤 講真,淨係食個雞煲我已經飽到上心口,幾乎冇乜空間再試其他嘢,所以今次冇緣試到佢哋嘅烤魚同牛腩,下次一定要試番! 不過,我哋都叫咗啲串燒試吓,種類都幾多,豬牛雞羊通通都有,燒得香噴噴,令人食指大動🍢 雖然食得唔多,但都食得出水準唔錯 以$98呢個價錢嚟講,呢間上海新大眾大閘蟹專門店嘅CP值真係高到爆燈💸 上海新大眾大閘蟹專門店 (黃大仙) 黃大仙飛鳳街46號地舖 #上海新大眾大閘蟹專門店 #雞煲 #串燒 #無限任食 #抵食 #高CP值 #食好西 #香港美食 #任食雞煲 #任食串燒 #放題 #任食 #黃大仙 #黃大仙餐廳 #黃大仙美食 #烤魚
閱讀更多
港生活人氣本地熱話
《U GO》請您睇《劇場版 角落小夥伴 從天而降的雲之冒險》！
首度「升空」大歷險🚀超萌新角色引爆治癒力✨
《U GO》x Shiro請您品嚐Weekend Brunch！
↓ 進駐中環大館主打現代日式料理嘅人氣餐廳 ↓
搵好去處