大家樂限時優惠價$59嘆原隻燒鴨！加$5配糖水/$10配雞翼拼紅腸

Yammie_To0416

中式料理

惹味燒鴨飯🤤抵食、正到爆！

大家樂集團~泛亞邪惡燒鴨飯😍😋 平時食西餐食到厭?lunch可以試下大家樂集團~泛亞嘅燒味飯😎 大家樂呢個燒鴨飯好大份,燒鴨有好多嚿,咬落去滑嫩多汁~非常惹味👍另外啲皮仲要好香脆,配埋酸梅醬好食都停唔到口🤣🤣未試過朋友快啲去試下啦⭐️

Sasabb

港式美食

泓景匯

大家樂抵食新春二人餐

大家樂推出抵食極品鮑魚賀歲盛宴二人餐有兩款: 一款係編號C12萬事如意2人餐;另一款係編號C11豐衣足食2人餐｡ 售價同樣$198｡ 另外有快閃優惠加$49可換購多啦A夢寶盒一個｡ 二人餐包括以下兩款: 1)五福臨門燒味拼盤 2)是日老火湯 3)任選是日小菜一款 另加最後一款就係 4)鮑魚豉油雞 或者 5)鮑魚金菇扒瓜圃 今次我哋幫襯長沙灣泓景台分店,㨂左C12萬事如意2人餐｡ 五福臨門燒味拼盤包括叉燒､紅腸､燻蹄､油雞同燒鴨｡是次叉燒鞋到抽筋,連我本身個人超鐘意雞胸既,都對叉燒感到失望｡質感鞋到一個點,又乾身連汁都點極都上吾到件叉燒到｡ 是日老火湯有以下選擇: 姬松茸蓮藕花生煲瘦肉及紅燒竹笙素翅｡我地各自㨂一碗｡ 任選是日小菜一款雖然標題就話任選,講到好大方､好多方案｡其實都只有二㨂一:柱侯豬手同泰式炸魚肉蝦餅｡因為之前晚飯都試過後者,普通做炸物都攪到件餅扁撻撻,甚至食完都吾飽既情況下,今次試下㨂柱侯豬手｡以前見人地賣親既柱侯豬手都係配粉紅色醬料｡大家樂既就係啡色既,甜甜地｡不過炆得幾淋又入味,我接受｡一定好過叫泰式炸魚肉蝦餅｡ 鮑魚豉油雞既兩件鮑魚算係大隻家啦｡同大家樂隻醬汁碟尺寸有得揮｡雞係滑,仲有脾｡正常人應該好歡迎,不過我係雞胸主義,所以比左男朋友食｡ 呢個餸仲有生菜粉絲墊底㖭｡ 最後白飯兩碗加兩杯中國茶｡ 史上第一次去大家樂叫加飯｡原來加飯就會比一碗原裝份量再配一碗少份量｡ 是次長智識既係泓景台分店無提供打邊爐服務｡ 掃描指定大家樂x微訊QR code 買呢個餐可減$5｡ 2月3號至9號通過8達通好賞嘟買呢個餐可減$18｡ #大家樂#大家樂優惠#ucreatorhk#ucreator#Cp#cp值高#快餐#快餐店#快餐店關注組#極品鮑魚賀歲盛宴#鮑魚金菇扒瓜圃#鮑魚豉油雞#多啦A夢#萬事如意2人餐#萬事如意2人餐#二人餐#燒味#燒味拼盤#香港美食#人人生日快樂

Jannis

日式料理

櫻田日本餐廳

海陸晚宴。和牛與蟹

和牛與蟹, 這樣的配搭應該吸引到很多人, 我就是其中之一.  SAKURADA 於11月推出北海道A5和牛。蟹御膳, 立即搵好友去食! 提提大家, 若想吃鐵板燒原隻蟹, 就必需點二人前~  事不宜遲, 去相~  松葉蟹肉沙律, 新鮮蔬菜及蟹肉配了胡麻醬汁, 鮮甜開胃. 金目鯛刺身及日本室津生蠔 – 兩者都肥美肉厚, 我尤其喜歡這款生蠔, 有三文魚籽、蘿蔔蓉及甜醬油, 細隻但鮮嫩、肉質細膩creamy, 好好味~ 這菜單原來連匈牙利鴨肝配紅酒燴梨也有得吃~ 鴨肝一煎, 香氣撲鼻, 香脆內軟, 配滿滿酒香的燴梨, 清甜得來解膩.  主角出場! 鐵板燒時令原隻蟹(當晚我地吃的是加拿大登爵尼斯蟹), 好大隻! 大廚把蟹拆好, 分件燒, 上台時神還原, 而且蟹殼也敲碎了, 因此吃起來不需很費力. 蟹肉鮮甜鮮嫩, 大廚更以蟹膏、牛油、味噌等煮醬汁, 令到蟹肉更惹味!  坐鐵板燒枱, 就是一邊看著大廚的烹煮技巧, 賞心悅目.  套餐的北海道A5和牛可選厚燒(120克)或薄燒(4片), 與朋友各要一半. 先說厚燒, 油脂分佈平均, 七成熟, 推介與芥辣及炸蒜片同吃.   另一款是薄燒, 伴了明太子及水菜, 添了一份爽脆, 而味道也較濃.   每次吃完牛, 我已經七成飽的, 但也會堅持去吃飯, 發覺自己真的需要米氣. 蟹肉味噌炒飯算鮮甜, 而且好想追食~   多次食櫻的炒野菜及味噌湯亦, 今次亦是最美味, 炒野菜調味十足.   套餐包每位一件千層忌廉蛋糕, 賣相絕不欺場, 份量及甜度剛好.   原價HK$2,688, 現有優惠價HK$2,288 .  供應期由2025年11月至2026年1月, 逢星期二至日及公眾假期, 12:00-15:00及18:00-21:30供應 , 必須預先訂座 自私食的話, 可叫一人前~  但就沒有生蠔及原隻蟹會轉了做蟹鍋.  一人前原價HK$1,588, 優惠價HK$1,288 櫻田日本餐廳 沙田白鶴汀街8號帝都酒店3樓 歡迎與我聯絡: jannis_tang174@hotmail.com Facebook Fanpage: Jannis Tang Through the looking glass  IG: JannisTang #鐵板燒 #teppanyaki #日本和牛 #wagyu (此文章由U Blog 同步發佈至社群)